Jismoniy shaxslarni tibbiyot muassasalariga hisobga qo‘yishda davlat xizmatini ko‘rsatish reglamenti tasdiqlandi

Davlat xizmatini ko‘rsatganlik uchun yig‘im undirilmaydi.

Vazirlar Mahkamasining 13.09.2024 yildagi “Jismoniy shaxslarni davlat tibbiyot muassasalariga hisobga qo‘yish bo‘yicha davlat xizmatini ko‘rsatishning ma’muriy reglamentini tasdiqlash to‘g‘risida”gi 573-sonli qarori qabul qilindi.

Reglament Sog‘liqni saqlash vazirligi tizimidagi birlamchi tibbiy-sanitariya muassasalariga – ko‘p tarmoqli markaziy poliklinikalari, oilaviy shifokorlik punktlari, oilaviy poliklinikalarga nisbatan tatbiq etiladi.

U quyidagilarni belgilaydi:

• jismoniy shaxslarni davlat tibbiyot muassasalarida ro‘yxatga olish davlat xizmatidan foydalanish uchun YAIDXPga murojaat qilish tartibi;
• davlat xizmatlarini ko‘rsatish muddatlari;
• jismoniy shaxsni doimiy yoki vaqtincha ro‘yxatga olishda kompozit shaklda hisobga olish tartibi.

Jismoniy shaxslar Sog‘liqni saqlash vazirligining «Elektron sog‘liqni saqlash» axborot tizimi orqali hisobga qo‘yiladi. Davlat xizmatini ko‘rsatganlik uchun yig‘im undirilmaydi.

Reglament quyidagi hollarda hisobga olishni tartibga soladi:

• tug‘ilgan bolani onasining doimiy yashash yoki vaqtincha ro‘yxatda turgan manziliga — tug‘ilganlikni qayd etish bilan bir vaqtda;
• jismoniy shaxslarning doimiy yashash joyi yoki vaqtincha ro‘yxatda turgan manzili o‘zgarganida tibbiy muassasalariga murojaat qilish;
• tibbiy muassasalariga bevosita yoki YAIDXPga bevosita murojaat qilish.

Hujjat Qonun hujjatlari ma’lumotlari milliy bazasida davlat tilida e’lon qilingan va 14.09.2024 yildan kuchga kirdi.

Joylangan vaqt : (Bugun 01:00)

Manba: www.aniq.uz