Qanday qullik tushdi? ... [Munavvarqori Abdurashidxonov]

Koʻm-koʻk maysalar, yaxshi sabzalar bilan oʻralgan keng, goʻzal bir qirning ustida bir aygʻir ot yolgʻiz oʻzi oʻtlab yurar edi. Yangi chiqqan yam-yashil, koʻm-koʻk oʻtlarning eng yaxshisini tolalab-tolalab yer edi. Yeb, qorni toʻygandan soʻng u yoq-bu yoqqa oʻynoqlab, kishnab yurar edi. Hech kimni yoniga yoʻlatmas edi. Yollarini yiltillatib yurib, charchagandan keyin, dalaning har xil xush isli chechaklar ochgan tekis yerlariga borib agʻanar edi.
Bir zamon bu yerga bir xoʻkiz kelib qoldi. Dalaning rohat-goʻzalligini koʻrgach, shu yerda qolmoqchi boʻldi. «Dala — keng, tekis, oʻtlar qalin, suvlar tiniq, xuddi togʻlarning tepasidagi yaylovlarga oʻxshaydi, oʻti menga ham yetar, otga ham yetar», deb oʻyladi. Ot buni koʻrib achchigʻi keldi. Quvlab yubormoqchi boʻlib kelgan edi, xoʻkiz suzib, yaqin keltirmadi. Shundan soʻng otga juda alam qilib, odamning yoniga kelib: «Oʻrtoq, shu hoʻkizni qirdan quvlab yuborishga koʻmak qilsang-chi», — dedi. «Tuzuk, sening bu iltimosingni qabul qilib, hoʻkizni quvib yuboraman, ammo tez quvlash uchun sening orqangga egar, ogʻzingga yugan solib, ustingga otlanishim kerak boʻladi. Shunga koʻnasanmi?» — dedi.

Ot bu shartga unadi. Odam egarlab va yuganlab, otni minib olib, qirga chiqdi. Hoʻkiz buni koʻrgandan keyin qirdan qochib ketdi. Hoʻkizdan qutulgach, ot kishiga: «Qani, oʻrtoq, ustimdan tush, egar-yuganingni ol, hoʻkizni haydaganingga rahmat!» — dedi. Kishi otdan tushdi, lekin otning ogʻzidan yuganni olmadi. Buning ustiga oyoqlariga ham kishan soldi. Shu kundan boshlab bir yerga bormoqchi boʻlsa, darrov otning ustiga egar solib, minib boradigan boʻldi. Ot esa odamga qul boʻlib qoldi.

№	Muallifning boshqa asarlari
1	Musulmonlik [Munavvarqori Abdurashidxonov] 1581
2	Devpechak (hikoya) [Munavvarqori Abdurashidxonov] 1248
3	Yer yuzi [Munavvarqori Abdurashidxonov] 1150
4	Adibus-soniy [Munavvarqori Abdurashidxonov] 1134
5	Bizda hamiyat (hikoya) [Munavvarqori Abdurashidxonov] 855
6	Tugʻishganlik sevgisi ... [Munavvarqori Abdurashidxonov] 801
7	Ер юзи [Munavvarqori Abdurashidxonov] 795
8	Туғишганлик севгиси (ҳ... [Munavvarqori Abdurashidxonov] 792
9	Мусулмонлик [Munavvarqori Abdurashidxonov] 774
10	Девпечак (ҳикоя) [Munavvarqori Abdurashidxonov] 742
11	Адибус-соний [Munavvarqori Abdurashidxonov] 714
12	Бизда ҳамият (ҳикоя) [Munavvarqori Abdurashidxonov] 683
13	Қандай қуллик тушди? (... [Munavvarqori Abdurashidxonov] 1

№	Eng ko‘p o‘qilganlar
1	Gʻazallar, ruboylar [Zahiriddin Muhammad Bobur] 72867
2	Yulduzlar mangu yonadi (qissa) [Togʻay Murod] 67039
3	Sobiq (hikoya) [Said Ahmad] 50986
4	Qorakoʻz majnun (hikoya) [Said Ahmad] 48254
5	Guliston [Sa’diy] 44679
6	Gʻazallar [Nodira] 44073
7	Ot egasi (hikoya) [Shukur Xolmirzayev] 33090
8	Yulduzli tunlar (I- qism) [Pirimqul Qodirov] 32479
9	Мусульманские имена (част... [Ibn Mirzakarim al-Karnaki] 32330
10	Hikmatga toʻla olam (gʻazal, ruboiy... [Sa’diy Sheroziy] 27401

Tavsiya qilamiz