Latifalar

Haydovchilik guvohnomasi olishga imtihon topshirib kelgan xotinidan eri so'rabdi:
— Xo'sh, nima bo'ldi? Topshirdingmi?
— Yo'q! - debdi xotini.
Eri:
— Qovun tushurdingmi? - desa, xotini:
— Qovun emas, daraxt tushdi. Mo'rt ekan, mashinam tegib ketgandi, tushib ketsa bo'ladimi? - debdi.

Bir kishi jon beray deb yotsa, oshxonadan shirin taomni hidi dimog'iga urilibdi.
— Nima pishirayotganding? - debdi xotiniga.
— Osh boshlab qo'ydim, - debdi.
— Tezroq guruchini damla! Shu oshdan eb ketay, - desa, xotini:
— Yo'q, oshni azaga keladiganlarga tayyorlayapman, - degan ekan.

Meni buvam Titanik cho'kib ketishi haqida ogohlantirgan edi!
"Hozir aysbergga uriladi! Hozir cho'kib ketadi" deb rosa baqirgandi. Lekin uni kinoteatrdan haydab chiqarishdi-da!

Do'stini ko'rgani shifoxonaga borgan yigit do'stiga dalda berib, ko'nglini ko'tarib gapiraveribdi.
Bir payt kasal do'stini ahvoli yomonlasha boshlabdi.
Yigit hayron bo'lib qarab tursa, kasal do'sti stol ustidan qog'oz, ruchka olib unga yozibdi:
"Padaringga la'nat! Havo keladigan shlankani ustiga o'tirib olding! Tur!"

Ha, shu erdamiding yaramas o'g'ri!
Qani chiq bu yoqqa! - debdi kartoshka ekkan dehqon qo'ng'izga qarab.

Agar ko'p qavatli uyda yashovchilar bir kunda bosh yuvishsa, demak ertaga issiq suvni o'chirishadi yoki bugun issiq suv kelgan.

Jurnalist shahar ko'chalaridan birida fuqarolardan inter'vyu olmoqda:
— Davlatimiz rivoji to'g'risi nima deysiz?
— Juda oqilona siyosat olib borilmoqda. Fuqarolar shod-hurram. Hamma narsa etarli. Narx-navo pasayib bormoqda. ...
— Siz qaysi tumanda istiqomat qilasiz?
— Men davlatingizga xorijdan mehmon bo'lib kelganman.

Juda rashkchi xotin eri o'ziga kotiba qidirilayotganini bilib qolibdi:
— Yosh va chiroylisini olmang! Iloji boricha xunuk, qari va semiz kotiba tanlang! - desa, eri:
— Bo'pti! Dushanbadan o'zing ishga chiqaver, - dermish.

Sevishgan yigit va qizning suhbati:
— Menga qachon uylanasiz?
— Bir folbin aytdi, meni birinchi xotinim vafot etarmish. Birinchi boshqasiga uylanib, undan keyin senga uylanaman.

— Doktor, meni davolang! Men yashagim kelyapti!
— Pulingiz bormi?
— Yo'q.
— Bunaqa hayotni nima keragi bor?!

<< < 441 442 443 444 445 446 447 > >>

Tavsiya qilamiz

Bosh sahifa