Latifalar

Ishga kirish uchun kelgan yigit bilan suhbat:
— Yoshingiz nechida?
— 17da.
— Oliy ma'lumotlimisiz?
— Ha. Mana diplom.
— Qanday qilib 17 yoshda oliy ma'lumotli bo'ldingiz?
— Bu diplomni ko'chadan topib oldim.
— Sizni ism, familiyangizga diplom yozilgan ekanmi?
— Yo'q. Pasportimni diplomda yozilgan ism, familiyaga o'zgartirib olganman.

Qorong'u ko'chadan ketayotgan afandini ko'ziga bir sharpa ko'rinibdi.
Afandi uni "Odammikan?! It bo'lsa-chi?!" deb o'ylabdi-da "Itmisan?" deb baqirgan ekan.

Kampir:
— Chol, nimani o'ylayapsiz?
Chol:
— Sen o'ylayotgan narsani.
Kampir:
— O'ling-ey, uyatsiz!

Agar siz Toshkentda yashasangiz-u, qo'li va ko'ngli ochiq inson bo'lsangiz, desak sizni uyingizdan uzoq muddatli mehmonlar arimaydi!

Ronal'do bolalariga "Ishga ketyapman" deb, futbol o'ynagani borarkan.

Ikkita o'zbek Fransiyaga borib restoranga kiribdi.
— Fransuz tilini bilmaymiz-ku, qanday qilib buyurtma beramiz? - debdi biri.
Sherigi:
— Shoshmay tur! Hozir boplayman, - debdi va ofisiantni chaqirib:
— Lya salat, lya tovuq, lya non, lya choy, - debdi. Ofisiant tez fursatda hamma aytgan narsalarni olib kelib beribdi.
— Ko'rdingmi! Men bo'lmasam nima qilarding?! - debdi buyurtma bergan o'zbek sherigiga va ofisiantga:
— Lya rahmat! - desa, ofisiant:
— Lya osh bo'lsin, aka! - degan ekan.

Xudo xohlasa shu 2020 yildan eson-omon o'tib olsam, nevaralarimga 2019 yildan keyin 2021 yil kelgan deb aytaman!

— Nega qo'shningizni Big Bon deysizlar?
— Chunki u bilan aroq ichsak, 3 daqiqada tap-tayyor bo'ladi.

— Komp'yuterimni tuzatib bera olasizmi?
— Nima bo'ldi?
— Yonib ketdi.
— Prosessorimi?
— Ha.
— Monitori-chi?
— U ham yonib ketdi.
— Sichqonchasi butun bo'lsa kerak?!
— Yo'q, sichqonchasi ham yonib ketdi.
— Qanaqasiga?! Bunday bo'lishi mumkinmas...!
— Nega mumkinmas!? Mumkin! Meni uyim yonib ketdi.

Badavlat odamdan so'rashibdi:
— Boyib ketganingizni siri nimada?
— 10 yil ablah bo'lganman.
— Keyinchi?
— Keyin ablah bo'lib qolaverganman!

<< < 447 448 449 450 451 452 453 > >>

Tavsiya qilamiz

Bosh sahifa