Latifalar

Bir mijoz restoranga kirib ofisiantga:
— Janjal bo'lmasidan menyuni olib kel! – debdi.
Ofisiant hayron bo'lib menyuni keltiribdi.
Keyin mijoz har gapida “janjal bo'lmasidan uni olib kel! Janjal bo'lmasidan buni olib kel!” deyaveribdi.
Oxiri ofisiant undan so'rabdi:
— Nega har gapingizda janjal bo'lmasidan…! Deyaverasiz. Qachon, nega janjal bo'ladi? – desa, mijoz:
— Janjalmi? Endi bo'ladi. Chunki meni to'lagani pulim yo'q! – debdi.

Aziz ayollar! Yozgi ko'ylaklarga o'tish uchun asta-sekin tayyorgarlikni ko'ravering.
Parhezingiz yozilgan qog'ozchangizni qidirib topib qo'ying. Non va shirinliklarning zarari haqidagi maqolalarni o'qishni boshlayvering.
Axir qishki kiyimlarda kim ham qomatga qarabdi deysiz!?

Yigit qizni yoniga kelib debdi:
— Yaxshi qiz kimsiz, qaerliksiz?
— Go'zal pariman! Oydan tushdim…
— Unda yuzingiz bilan tushibsiz-a!?

Qaysidir bir chekka qishloqda kuniga 2 ta tuxum qo'yadigan tovuq bor ekan.
Xo'roz uni “engiltak” deb katakdan haydab yuborgan ekan.

Bir odam Afandidan:
— Afandim, ertalabdan beri boshim qattiq og'riyapti. Nima qilsam ekan? - deb so'rasa, Afandi javob beribdi:
— O'tgan kuni tishim qattiq og'riganda sug'urib tashlagandim. Foydasi bo'ldi lekin, - dermish...

O'qituvchi fasllar haqida gapirib, so'rabdi:
— Olma uzishga qaysi vaqt qulay?
Sobirov javob beribdi:
— Bog'bonning iti bog'langan vaqt qulay.

"Faqat non bilan odamning qorni to'ymasa kerak" - deb o'ylagan oshpaz shashlikga ozgina go'sht qo'shib yuboribdi.

Xotin eriga debdi:
— Shu o'lgur sigaretni chekmasangiz, hozir Malibuda yurgan bo'lar edingiz...
Er xotiniga qarab turib javob beribdi:
— Sen chekasanmi?
— Yo'q, - debdi xotini.
— Unda Malibu qani? – dermish.

Jurnalist futbol terma jamoasi a'zosidan so'rabdi:
— Siz bu kasbda nimalarga erishdingiz va kelajakda nima rejalaringiz bor?
— Men bu kasbim orqasidan Dubay, Avstraliya, Yaponiya, Xitoy, Qatar va ...larga sayohatlar qildim. Kelajakda Evropa bo'ylab sayohat qilib, ...
— Orzularingiz cheksiz ekan. Endi futbol mavzusiga qaytsak, - debdi jurnalist.

Bir bola adasi bilan yo'lda ketayotsa, uzoqdan qizlar ko'rinibdi.
Adasi:
— O'g'lim, qizlarni ko'rdingmi? Ularni yonida meni “aka” deb chaqirgin, - debdi.
Bolakay:
— Havotir olmang ada. Oyimni ham ko'chada “opa” deb chaqirishga o'rganib qolganman, - dermish.

<< < 497 498 499 500 501 502 503 > >>

Tavsiya qilamiz

Bosh sahifa