Latifalar

Haydovchi bir qo'li bilan rulni boshqarib, ikkinchi qo'li bilan yonidagi qizni quchoqlab mashina haydab ketayotgan ekan.
Uni ko'rgan DAN xodimi:
— Hoy ikki qo'llab ushla - deb baqirib yo'lini to'ssa...
Haydovchi:
— Ha unda rulni kim boshqaradi? — dermish.

Ikki o'rtoq suhbatlashishayapti:
— Ex, onamni gaplariga quloq solganimda bu ahvolda yurmasmidim
— Xo'sh onang nima degandilar?
— Bilmadim, aytayapmanku quloq solmaganman deb..

— Bobo uxlayapsizmi?
— Yo'q, nima edi?
— 5000 so'm bering...
— Uxlayapman o'g'lim, uxlayapman..!

Sudda ish ko'rilmoqda. Sud'ya ayblanuvchiga:
— Uyalmaysizmi, sudlanuvchi?! Bu kampir sizga bulochka bergan ekan, siz esa uni toshbo'ron qilibsiz?! Sudlanuvchi:
— Umuman olganda, men tosh emas, o'zi bergan bulochkalarni otuvdim...

"Fastumgel'" bolaligimda, yoshligimda va hozir ham doimiy hamrohim. Bechora kampir, ellik yildan beri bel og'rig'idan qutilolmayotgan ekan. Xola maz' emas, qo'y yog'i bo'lganida ham shu vaqtgacha tuzatib yuborardi...

Haydovchi DAN xodimiga jahl bilan:
— Viloyat DAN boshlig'i mening qaynotam bo'ladi, - debdi.
— Yolg'on! Bo'lishi mumkin emas!
— Nega yolg'on deb o'ylaysiz?
— Unaqada boja bo'lishimiz kerak edi-da.

Afandi dissertasiya yozar edi, o'g'li «nima qilyapsiz?— deb so'radi.
— Kitob yozyapman,— dedi Afandi.
— Unda nega boshqa kitobdan ko'chiryapsiz?
— Voy tentagey, shuni ham bilmaysanmi,— dedi kulib otasi,— odam odamdan tug'ilganday, kitob ham kitobdan paydo bo'ladi-da!

Mashina bozorida bittasi mashina sotayapti.
Haridor:
— Oka qancha bo'lyapti mashina?
Sotuvchi:
— 12 ta limon.
Haridor:
— Bo'ldimi oka, gapizga javob berasizmi?
Sotuvchi:
— Javob beraman.
Haridor borib mashinani ustiga setkada turgan 2kg limondan 12tasini sanab taxlab qo'yib:
— Mana oka 12ta limon. Endi mashina maniki, — debdi.
— Gap yo'q, man erkakman, gapimda turaman, mana kalit.
— E, gap yo'q oka 1 ta choyxona mandan.
— Gapingda turasanmi?
— E, oka uyaltirvos man 1ta gapiraman.
— Bo'ldi san tayyorgarligini ko'raver. Man choyxonani qaerga qurishingni aytaman

O'qituvchi o'quvchilarga futbol o'yini haqida insho yozib kelishni buyurdi. Sarvar nima deb yozishni bilmay uzoq o'yladi va oxiri yozdi:
“Qattiq yomg'ir yog'ayapti. Maydon sirpanchiq. O'yin qoldirildi”.

O'qituvchi Eshmatvoydan so'radi:
— Qani, Eshmatvoy menga aytchi, odamning qaysi tishi eng oxiri chiqadi?
— Tilla tishlari.

<< < 529 530 531 532 533 534 535 > >>

Tavsiya qilamiz

Bosh sahifa