Latifalar

Uch og'ayni alkash ichmoqchi bo'lib, zo'rg'a bir butilka aroqqa pul yig'ibdi. Endi ichamiz deganda, qarashsa - gazagi yo'q emish.
Shunda bittasi cho'ntagini kovlab-kovlab, bir kichkina chesnok donasini topibdi. "Mana zakuska ichib, hidlab qo'yamiz", deb o'zi birinchi ichib hidlab chesnokni ikkinchi sherigiga beribdi. U esa aroq ichibdi-da, chesnokni eb qo'yibdi.
Shunda uchinchi sherigi unga qarab:
— Nima san ahmoq, faqat ovqat egani kelganmisan? - dermish.

Afandining oshnasi undan so'radi:
— Mulla Nasriddin, bola-chaqangiz ko'pmi?
— Bolam ko'pu, chaqam kamroq,— deb javob berdi Afandi.

Bir yigit suhbatdan o'tmoqda:
— Nima ish qila olasiz?
— Chuqur kavlay olaman.
— Yana-chi?
— Kavlamasligim ham mumkin.

Ikkita alkash suhbatidan:
— Bilasanmi oshna, hozirgi odamlar juda farosatsiz bo'lib ketishgan
— Nega unday deyapsan?
— Kecha hushyorlik bilan pivoxonadan chiqayotsam, kimdir qulog'imni bosib oldi.

O'g'ri bir uyga kirib qimmatbaho buyumlarni qopiga joylayotsa, to'tiqush o'g'riga qarab:
— Kesha hammasini ko'rib turibdi, - debdi.
O'g'ri choyshab bilan to'tiqushni qafasini berkitib, yana ishini davom ettirayotsa, to'tiqush yana:
— Kesha menmasman, Kesha bu bul'dog, - dermish.

Bir jinni jinnixona tomiga chiqib olib tushmayotgan emish, jinnixona xodimlari nima qilishsa ham jinni pastga tushmabdi. G'azablangan jinnixona boshlig'i:
— Tush, bo'lmasa otaman, deb miltiq o'qtalsa ham tushmabdi. Shu payt o'sha erdan bir jinni o'tib ketayotgan ekan, boshliq unga:
— O'rtog'inga ayt pastga tushsin, - debdi.
O'tib ketayotgan jinni, miltiqni olib:
— Pastga tushmasang otaman - degan ekan tomning boshida o'tirgan jinni darrov pastga tushibdi.
Undan, shuncha odam aytganida tushmay nega jinni aytganida tushding deyishsa:
— Ahir u jinniku, rostdan otib qo'yadi - dermish.

Afandi eshak o'g'irlatganini eshitib, uzoq-yaqindan oshna-og'aynilari kelib ko'ngil so'rashdi. Ularga osh-suv qilish uchun Afandining eshak narxidan o'n hissa ortiqroq puli ketdi. Bu ham etmaganidek, bir ezma oshnasi kelib Afandiga har turli savollar bera boshladi.
— Afandi, eshagingizni bir kishi o'g'irladimi, ko'pchilikmi, eshakni minib ketdimi, etaklab ketdimi? Eshak ostonadan o'ng oyog'i bilan chiqdimi, chap oyog'i bilan chiqdimi?
Afandi unga javob berdi:
— Yanagi safar eshak o'g'irlatadigan bo'lsam, sizni aytib kelaman, hammasini o'z ko'zingiz bilan ko'rasiz.

Diqqat! E'lon! Parashyut sotiladi. Hech qachon ochilmagan..!

Kechqurun soqolini olib, atir sepib, galstuk kostyum kiyib olgan er oyna oldida o'ziga oro berar ekan, xotinidan so'rabdi:
— Azizim, agar bugun tongacha tungi klubda qolib ketsam qarshimasmisan?
— Ketavering, jonginam, men shoxingizdan ushlab turganim yo'q-ku...

Sochingiz to'kilyaptimi? Uni asramoqchimisiz? Do'konimizga marhamat qiling!
Bizda sochingizni asrash uchun chiroyli qutilar bor.

<< < 590 591 592 593 594 595 596 > >>

Tavsiya qilamiz

Bosh sahifa