Latifalar

Zooparkdagi e'londan:
— Del'finlarga banan tashlamang! Birinchidan, ular banan eyishmaydi, ikkinchidan, och maymunlar cho'kib ketishyapti...

Shoshilinch yordam shifoxonasi. Vrach kelgan kasallarni ko'ra boshladi. Hammasi bosh jarohati bilan.
Birinchi kasaldan so'radi:
— Nima bilan urishdi?
— Skovorodka bilan...
Ikkinchisidan so'radi:
— Siznichi?
— Skovorodka bilan...
Uchinchisi ham, 4-si ham, 5-ham shu javobni berdi.
— Nima balo epidemiyami bu? - hayron bo'ldi vrach.
— Yo'q, hov anavi komada yotgan odamni ko'ryapsizmi? O'sha xotinidan qochib yig'ilib turgan odamlar orasida yashirinmoqchi bo'ldi. Odamlar esa biz edik..

Nikoh ikki xil asab tizimining tinch-totuv yashashidir

O'rtoqlaridan biri Afandini uyga taklif qildi. U mehmonxonaning to'rida o'tirgan edi, eshon kirib keldi.
— Qani, taqsir, buyoqqa o'tsinlar, - deb, unga o'z joyini bo'shatib berdi.
Imom domla kirib keldi. Unga ham joy bo'shatib, o'zi sal pastroqqa o'tirdi.
Keyin ellikboshi, birmuncha boyonlar kirib kelishdi. Afandi:
— Qani yuqoriga, yuqoriga, - deb, ularni ham to'rga o'tqizvordi.
Bundoq qarasa, o'zi poygakka tushib qolipti. Afandining diqqati oshib turgan edi, eshikdan bir ko'ppak it mo'raladi. Ikkala qulog'idan cho'zib uni ham ichkariga tortdi-da:
— Bor, sen ham to'rga chiq! - dedi.

Bir yigit tramvay ostanovkasida turgan qizga tegajonlik qilib so'radi:
— Oppoqqiz, bu erdan nechanchi nomerli tramvaylar o'tadi?
— Birinchi va to'rtinchi tramvaylar. Yigit yaqinroq kelib:
— Yana qaysi nomerlar o'tadi, jonidan, - degan edi
Qiz:
— Boshqa nomerlar ham o'tadi-yu, ammo sizning nomeringiz o'tmaydi, - deb javob berdi qiz.

Afandi muxbirligida maqola ketidan maqola yoza berar edi. Bir o'rtog'i unga bunday dedi:
— Shu yozayotgan maqolalaring qatori onanga ham bitta xat yozsang bo'lmaydimi?
— Gonorarini kim beradi? - so'radi Afandi.

Afandi bozordan o'n so'mga ot olib kelayotgan edi, yo'lda odamlar «necha pulga oldingiz» deb so'rashdi. U so'raganlarga «o'zlaringiz chamalab ko'ring, necha pulga olsa bo'ladi» dedi. Birov «o'n besh so'mga oldingizmi?» degan edi, u «besh so'm foyda qildim» dedi, boshqa bir kishi: «yigirma so'm bo'ldimi?» degan edi, «o'n so'm foyda qildim» deb keta berdi.
Afandi uyiga kelgach, qizi yugurib chiqib so'radi:
— Dada, otni necha pulga oldingiz?
— Qizim, o'zing chamalachi, necha pulga olsa bo'ladi.
— Besh so'mga oldingizmi?
— Qoch, qizim! Ot tepib qoladi,— dedi achchig'lanib Afandi.

Bir kuni chukcha muzlatgich sotib olib, ketayotgan bir paytda. Do'sti uni ko'rib so'rabdi:
— Nega muzlatgich olding? Sizlarda shundoq ham sovuq-ku?
Shunda chukcha kulib:
— Ex, shunga ham kalla etmadimi? Bu muzlatish uchun emas, isinish uchun.

Ayting-chi, mehmonxonangizning xonasi qancha turadi?
— 1-qavatdagilari – 70 evro, ikkinchi qavatda – 60, uchinchi qavatda – 50, to'rtinchi qavatda – 40, beshinchi qavatda – 30.
— Yo'q, rahmat. Mehmonxonangiz kam qavatli ekan.

Ikki aroqxo'r aroq olgani do'konga kirishibdi. Biri ikkinchisiga:
— Ikkita olaymi yoki bittami, - debdi.
Ikkinchisi:
— Bitta olaqol. Kecha bittasi qolib achib ketdi, - debdi.
Shunda birinchisi sotuvchiga:
— Bizaga 2ta aroq bilan bitta qurt bering, - debdi.

<< < 616 617 618 619 620 621 622 > >>

Tavsiya qilamiz

Bosh sahifa