Latifalar

Afandi birovning bog'iga kirib, o'rik o'g'irlayotgan edi, bog'bon kelib qoldi.
— Kimsan!?—dedi bog'bon.
Afandi o'rikning tanasiga yopishib olib javob berdi:
— Men o'rikning elimiman. Bog'bon yana so'radi:
— Elim ham gapiradimi?
— Kechirasiz,— dedi Afandi,— bilmabman, chip-chip-chip...

O'rmonda e'lon qilinibdi: "Kimda kim filni qimirlatsa, unga yuz ming so'm yutuq bor", deyilibdi.
Shunda quyon kelibdi-da, filni orqa tarafidan kelib, ikki oyog'ining o'rtasiga bir tepibdi.
Keyin yana e'lon berilibdi: "Kimda kim filni kallasini qimirlatsa, yuz ming so'm yutuq bor".
Shunda quyon kelibdi-da, filning qulog'iga:
— Kechagiday yana tepaymi? - debdi
Shunda fil:
— Yo'q, - deb kallasini qimirlatibdi.

Ikki tanish avtobus bekatida uchrashib qolishibdi.
— O', seni anchadan beri ko'rmagandim! Uylandingni?
— Yo'q.
— Ie, nimani kutayapsan?
— Avtobusni.

— Siz judayam jozibalisiz.
— Afsus, siz haqingizda bunday deya olmayman.
— Unda menga o'xshab aldang.

— Dada, moliyaviy daho kim?
— Xotini sarflagandan ko'proq pul ishlab topadigan odam.

...Statusimga: "Mehmonda yaxshi, lekin o'z uyingda... yalang'och ham yursa bo'ladi"...Statusimga javoban bir shilqim kommentariy qoldirdi:
— "Mening uyim, sening uying"

Bir kuni Afandi bozordan yuk ko'tarib kelayotgan ekan, bir qo'shnisi uni ko'rib:
— E, qo'shni men ham bozorga ketayotgan edim, etmabsiz-de mashinamda birga borib kelardik, - debdi
Shunda Afandi:
— Rostanmi? Yaxshi ettingiz, yana u bu narsalar olishim kerak edi, hozir chiqaman. Qo'shni bor bo'ling, - desa Haligi qo'shni ichida:
— Qo'qon ma'ziratni ham bilmaydi bu galvars. Sen etmay turuvding, - dermish

Bir kuni Afandi bilan xotini hayvonot bog'iga borishibdi. Xotini hayvonlarga qarab yig'laganini ko'rib, uning yoniga borib mehribonlik bilan so'rabdi:
— Xotin nega yig'layapsan?
— Dadasi qarang, shuncha shuba bekorga yotibdi-ya.

— Har qanday qiyinchilik ertami, kechmi tugaydi. Ishonavering.
— Buni qarang-a, toza optimist ekansizmi..
— Yo'g'-e, men qabristonda qorovul bo'lib ishlayman

Afandi bir kuni pulsiz qolib qo'liga ikki quloch arqonni oldi-da, mardikor bozorga chiqdi. U mardikorlar qatorida o'tirgan edi bir kishi kelib:
— Bir yashik oyna bor, kimki shuni uyimga eltib bersa, pul o'rniga uchta hikmatli gap aytaman, - dedi.
Mardikorlar: «Quruq gap — quloqqa yoqmas» deb, indamay o'tiraverishdi.
Afandi yashik egasining shartiga rozi bo'ldi-da, yashikni ko'tarib borar ekan:
— Qani, hikmatli gaplaringizni ayting, - dedi.
— Birinchi gapim shuki: Agar birov sizga «to'qlikdan ochlik yaxshi» desa, aslo ishonmang, - dedi oyna egasi.
— Hay-hay, buncha yaxshi, - dedi Afandi,— qani, ikkinchisini ham eshitaylik?,
— Agar birov sizga «otliq yurishdan yayov yurish yaxshi» desa, aslo ishonmang.
— Hay-hay, bunisi undan ham o'tkir gap ekan,— dedi Afandi,— qani, uchinchisini eshitaylik?
Oyna egasi:
— Agar birov sizga «sendan ko'ra ahmoqroq mardikor bor» desa, aslo ishonmang, - degan edi, Afandi yashikni ko'tarib turib erga bir urdi-da:
— Agar birov sizga «shu yashikning ichidagi oynalardan birontasi butun qoldi» desa aslo ishonmang! - dedi.

<< < 620 621 622 623 624 625 626 > >>

Tavsiya qilamiz

Bosh sahifa