Latifalar

— Bir daqiqa kulgu umrni besh daqiqaga uzaytirishi rostmi?
— Bu kimni ustidan kulishingga bog'liq...! Boshqa umuman kulmasliging ham mumkin...

Xotin eriga javray boshlabdi:
— Sizga nechi martta aytaman, ichimlik olayotganingizda qarang, sharbatlarga 100 foiz deb yoziladi.
Gazli ichimliklarga 50 yoki 80 foiz deb yoziladi. Nektarlarga 40 foiz deb!
Eri xursand bo'lib:
— Ana aytdim-ku xotin, aroq - bu nektar deb, - dermish.

O'qituvchi to'polonchi o'quvchining tanobini tortib qo'yish uchun unga savol beribdi:
— Qani, menga osmonda nechta yulduz borligini aytib ber-chi.
— Yuz mingta yulduz bor, - ikkilanmay javob beribdi o'quvchi.
— Yaxshi. Kechqurun sanab tekshirib ko'raman.
Ertasi kuni o'qituvchi yana o'sha o'quvchini savolga tutibdi:
— Javobing noto'g'ri ekan. Osmonda 9997 ta yulduz chiqdi.
O'quvchi chapak chalib yuboribdi:
— Aytgandim-ku, yuz ming yulduz bor deb. Kecha tunda uchta yuldzuz uchganini qo'shsangiz javob to'g'ri bo'ladi.

Xotin oshxonada tushlik tayyorlab tursa, eri divanda gazeta o'qiy boshlabdi:
— Olimlarni aniqlashlaricha, erkaklar bir kunda 10 ming, ayollar esa 20 mingta so'z aytishar ekan.
Xotini:
— Chunki biz ayollar tentak erlarimizga bitta gapni ikki martta takrorlashimiz kerak-da...
Eri:
— Nima deysan xotin???

Bir soxta tabib odamlarni tomirini ushlab, kasalini aniqlab, dori yozarkan. Bir kuni bemorni chap qo'l tomirini ushlab, dori yoza boshlasa, bemor tabibga qarab:
— O'ng qo'limni tekshiring, chapi pratez, - dermish.

Bir haydovchini GAI to'xtatib:
— Hujjatlaringizni taqdim eting, - debdi. Haydovchi hujjatlarni beribdi.
— Qoidani buzdingiz, jarima yozaman, - debdi GAI xodimi.
Haydovchi:
— Mayli, yozing,- debdi.
— Menga biror narsa taklif qilmaysizmi?, - debdi yana GAI.
— Menga turmushga chiqing, - debdi haydovchi.
GAI shu zahoti unga hujjatlarini qaytarib, qochib qolgan ekan.

Qiz dadasiga qo'ng'irok qilib:
— Dada, meni tabriklang! Men turmushga chiqdim! - desa, dadasi:
— Meni qiziqtirmaydi. Kech kirishi bilan uyga qayt! - dermish.

Eri xotiniga baqirib:
— Zumrasha o'g'ling yana oyoq kiyimimni rasvo qilibdi. Tuvakka o'tirishni o'rgangan eding-ku...?
Xotini:
— Tufligingizdan badbo'y hid kelayotgan edi. Adashib ketibdi-da...

— Adajon, nega singlimni ismi Oltinoy?
— Onang tillani juda-yam yaxshi ko'rgani uchun!
— Unda nimaga meni ismim To'xtasin?
— Ko'p savol beravermagin...!

Bir kuni afandining xotini chuchvara tugib o'tirsa, yoniga mushugi kelib suykalibdi. Xotini uni bir tepib, haydabdi. Mushuk qasd olmoqchi bo'libdi.
Chuchvara pishgach, afandi endi emoqchi bo'lib turgan ekan, mushugi unga ham suykala boshlabdi. Afandi birinchi chuchvarani mushukka bersa, mushuk chuchvarani eb, o'zini o'lganga solib erga yotib olibdi.
Afandi xotiniga:
— Meni o'ldirmoqchi bo'ldingmi?, - deb baqira ketibdi.
Mushuk esa bitta ko'zini ochib:
— Ajab bo'pti, - dermish.

<< < 672 673 674 675 676 677 678 > >>

Tavsiya qilamiz

Bosh sahifa