Latifalar

— Nega quloqlaring bog'lab tashlangan do'stim?
— Kiyimlarimni dazmol qilayotgandim, telefon jiringlab qoldi. Telefon deb dazmolni ko'taribman.
— Ikkinchi qulog'ing-chi? Unisiga nima bo'ldi?
— Tez yordamga qo'ng'iroq qilaman deb, yana dazmolni ko'tarib yuboribman-da...

— O'g'lim, akvariumdagi suvni yangiladingmi?
— Yo'q, oyijon! Baliqchalar hali suvni ichib bo'lishmabdi.

Ovchi o'rmonda ov qilayotib, katta chuqurga tushib ketibdi. Uyoq-buyog'ini qoqib, tepaga qarasa, miltig'i tepada qolibdi.
Qo'rqib, — Qaysi hayvonni ini ekan? - deb o'tirsa, uya ichidan ayiq bolasi chiqib kelibdi:
— Hoy kichkina, adang uydami? - debdi.
— Yo'q, asal qidirib o'rmonga ketgan.
— Onang-chi?
— Oyim ham ketgan, - desa, ovchi sal o'ziga kelib, ayiqchani bir tepib, — Tur-ey padaringga la'nat!, - desa, ayiq bolasi:
— Bobojon bu yoqqa chiqing, manavi meni urdi, - debdi.

Nonushta payti eri xotiniga:
— Kecha futbolni kutmay uxlab qolibman. Internetdan natijasini bilib olishim kerak, - desa, xotini:
— Biznikilar 2:1 ga yutqazishdi, - debdi.
Eri:
— Nima sen futbol ko'rdingmi?
Xotini:
— Yo'q. Qo'shnimiz tunda bir martta "Gol" va ikki martta "Padaringga la'nat" deb baqirganini eshitdim.

Bir yigit do'stidan so'rabdi:
— Ishsizmisan? Nega nuqul dam olib yuribsan?
— Nega? Ishlayapman. Ish men uchun bayram. Bayramda esa insonlar dam olishadi.

Bir kuni san'atkor er to'ydan kelib, xotiniga:
— Mana yigirma ming so'm! Olib qo'y! Bu pullar dutorimni ikkita torini hurmati. Har biriga o'n mingdan berishdi, - desa, xotini o'ylanib turib:
— Chang chaladigan san'atkorga erga tegsam bo'larkan, - dermish.

Bir kishi folbinga borib, chap qo'lini uzatibdi. Folbin qo'liga tikilib qarab, — Tushunmadim, negadir hech narsani ko'rolmayapman. Taqdiringiz tamom bo'lgan shekilli, - desa, mijoz:
— Siz o'ng qo'limni ko'ring. Chapi protez, - dermish.

Shu, odnoklassniki, telegramm chiqqanidan beri, ko'pchilik yoshlar o'qish va yozishni o'rganib olishdi!

— Shakarning foydasi haqida nima bilasan?
— Shakar quloqlar uchun foydali.
— Qanaqasiga... quloqlar uchun?
— Ukamni choyiga shakar solsam, yig'lamaydi. Meni quloqlarim dam oladi.

Ikkita juda inoq do'stlar bo'lgan ekan. Bir-birini hurmat qilishar ekan.
Avtobusga chiqishda, — Siz chiqing! Yo'q, avval siz chiqing!" - deb bir-biriga yo'l berkan. Ovqat eyishsa, — Siz oling! Yo'q, siz avval oling, - deyisharkan.
Taqdir taqazosi bilan ikkalasi ham bir kunda uylanishibdi. Ikkala do'stni ayollarining vaqti-soati kelsa ham ko'zi yorimabdi.
Yigitlar xotinini tekshiruvga olib borsa, homila egizak ekan.
Ikkala ayolni egizaklari ham, — Siz tushing, siz birinchi tushing! - deb yotishganmish.

<< < 679 680 681 682 683 684 685 > >>

Tavsiya qilamiz

Bosh sahifa