Latifalar

Yigit:
— Asalim sani sevaman, sanchi?
Qiz yerga qarab:
— Ha, albatta judayam.
Yigit:
— Voy mani iboli shirintoyim mandan uyalganingdan sevishingni yerga qarab aytdingmi?
Qiz:
— Axir o‘zingiz aytgansizku "ko‘zimga qarab yolg‘on gapirma", - deb.

Afrikada g‘ayri oddiy hodisa yuz beribdi, bir tovuq besh kilolik tuxum qo‘yibdi, buni eshitgan xo‘roz tuya qushni sudga beribdi.

— Restorandan chiqqanimni bilaman, bir bezori boshimdagi telpagimni yulib qochsa bo‘ladimi!, - deb ko‘nglini yoribdi o‘rtacharoq bir shoir.
— Tabriklayman! Kimgadir hech bo‘lmasa telpagingiz kerak bo‘pti-ku!

Bir kuni maktabda til o‘qituvchilarining kengashi chaqirilibti. Kengashda Lotin yozuvidagi alifbodan "k" yoki "q" harflarining birini olib tashlash masalasi qo‘yilibti. Ko‘pchilik o‘qituvchilar "Q" harfini olib tashlash taklifi bilan chiqishibdi sabab yomon so‘zlar barchasi shu harfdan boshlanadi deb etishdi ular.
Metod birlashma rahbari hammani tinglab qaror qabul qilibdi, lekin chetda turgan 1 o‘qituvchi ularga qo‘shilmapti, nega unga qo‘shilmaysan deganda u:
— "Siqillib ketdim" so‘zini endi bir aytib ko‘ringlarchi debdi.

— Otangizning ichkilikda o‘lgani yetmasmidi, axir buncha ko‘p ichasiz?—so‘radi birov Timur-akadan.
— Otamni o‘ldirgan shu aroq bo‘ladigan bo‘lsa, men uni ichib tugatib yubormoqchiman! — javob berdi Timur-aka.

Bir dehqon eshak minib shaharga kelar edi. Ittifoqo eshagi xonning arki yoniga kelganida hangrab yubordi. Ark tepasida turgan xon achchig‘lanib, dehqonni darralashga buyurdi.
Hukm ijro qilindi. Ezilgan dehqon hangi eshakdan qutulish uchun uni bozorga olib kirib, Afandini ko‘rdi-da, boshiga tushgan hodisani so‘zladi.
— Qo‘y, bunga hafa bo‘lib eshagingni sotma, - dedi Afandi, - hamma eshak ham eshakni ko‘rganda hangraydi!

Afandining xotini jangari chiqib qoldi. U arzimagan narsaga idish-tovoqlarni sindirar, Afandining yuziga chang solar, yana dod deb, qo‘shnilarni yig‘ar edi. Afandi uyiga kelishga yuragi betlamay, kechgacha ko‘chada sanqib yurdi, kech bo‘lganda uyga kelsa, ustidagi to‘nini yechmay turib, xotini janjal boshladi:
— Onam tug‘may o‘lsin, sizga tegib hech halovat ko‘rmadim! Odamlarning eri har ko‘chaga chiqqanda hech bo‘lmasa mozi ko‘tarib keladi, siz bo‘lsangiz so‘ppayib kirib kelasiz!
— Hmm... shuni ayting, taqdir ekan-da!
— Qanoatli xotinni topib olib qadriga yetmaysiz. Mendan boshqa xotin bo‘lganda nikoh kechasi siz bilan janjal boshlar edi.
— Ofarin,— dedi Afandi. — O‘rtamizda tinch o‘tgan kun o‘sha kun edi!

Yarim kechasi telefon jiringladi.
— Ha, uxlayapsanmi?
— Ha
— Uxlayotgan bo‘lsang, uxla-da, nega telefonni ko‘tarasan?!

Mulla Nasriddin,- dedi bir laqma, — nima uchun qulog‘im ikkita-yu, og‘zim bitta?
— Ko‘proq tinglash uchun qulog‘ing ikkita,— javob berdi Afandi,— agar og‘zing ham ikkita bo‘lganda, odamlarning miyasini qoqib qo‘liga berarding!

Xotin eriga kurortdan telefon qilmoqda.
— Bu yerda bir oy dam olib, yarim vaznimni yo‘qotdim. 100 kilodan 50 kiloga tushdim. Yana qolsam maylimi?
— Yana bir oy qolaqol.

Bir ayol dugonasiga telefon qilib:
— Kecha erim ishdan keldi-yu, ovqat haligacha tayyorlamasligini ko‘rdiyu, idishlarni, oynalarni sindirib, sen bilan yashagandan ko‘ra suyuqoyoq bilan yashaganim yaxshi deb, ketib qoldi.
— Mabodo erim senikida emasmi?

1 odam kurortga dam olishga boribdi. Bir kuni plyajda zagar olib yotsa yoniga bir chiroyli, qomati kelishgan ayol kelib zagar olishga yotibdi. Ayolni yoniga bir odam kelib:
— 300$ beraman men bilan dam oling, dyebdi.
— Ayol yo‘q, deb javob beribdi.
Bir ozdan keyin qaytib kelib 500$ beraman debdi. Ayol yana yo‘q deb javob beribdi.
Yana vaqt o‘tgandan keyin kelib 1000$ beraman rozimisiz, deb so‘rabdi.
Ayol yo‘q, hoxlamayman, boshqa kelmang, debdi.
Ayolni yonida zagar olib yotgan odam xayron bo‘lib ayoldan so‘rabdi:
— Nimaga rozi bo‘lmadiz? 1 soatda 1000$ ishlab olardiz, - desa. Ayol:
— Aka siz kim bo‘lib ishlaysiz?
Erkak:
— Traktorist.
Ayol:
— Mana qarang, siz dam olishga keldiz. Hozir sizga traktorda yer haydab bering deyishsa, nima javob berardiz? Erkak:
— Traktorda ishlashdan charchab dam olgani kelganman, ishlagani emas, derdim.
Ayol:
— Men ham charchab dam olgani kelganman, - dermish.

Afandining yoshlikdan birga o‘sgan do‘sti bor edi. Yillar o‘tib shu do‘sti katta mansabga ko‘tarildi. Afandi uni amaldorlik lavozimi bilan tabriklash uchun mahkamaga kirib bordi. Do‘sti Afandi bilan ko‘rishish o‘rniga:
— Sen kimsan, nima ish bilan kelding!— deb do‘q urdi.
— Meni tanimaysanmi, yoshlikda yong‘oq o‘ynab o‘sgan do‘sting bo‘laman. Seni ko‘r bo‘lib qolibdi deb eshitib, ko‘ngil so‘ragani keldim,— dedi Afandi.

— Ada, qornim ochdi.
— Oyinga Telegram'da yoz, kelib ovqatlantirib ketadi.

Poshsho bir kuni ziyofatda o‘tirib Afandi bilan hazillashdi:
— Mulla Nasriddin, qayerga borsangiz eshagingizdan ajralmaysiz, doim u bilan birgasiz, a?
— Taqsir, eshagimdan ajralsam, mana bunday ziyofatlardan ham mahrum bo‘lib qolaman-da,— javob berdi Afandi.

Fermer xotiniga:
— Xotinjon, bahorda atrof qanday go‘zal-a! Qaynonamni, opa-singillaringni, amma-yu xolalaringni qizlarini, dugonalaringni, xullas hamma ayol qarindoshlaringni uyimizga chaqir. Sizlarga tabiat qo‘ynida osh damlab bermokchiman, - desa
Xotini:
— Voy, o‘zimni mard erjonim-yey, bizni toqqa olib borasizmi, - desa
Eri:
— Qanaqa tog‘?! Kuzda ekib qo‘ygan 3 gektar piyozimni o‘t bosib ketibdi, dalaga piyoz o‘toqqa borasizlar, - dermish.

— Derazani kim sindirdi?
— Erim...
— Ering og‘ir-bosiq odam edi-ku?
— Guldonni otgan edim, engashib oldida nomard!

Gazetada e’lon:
Yolg‘izlanib qolgan futbol jamoasi o‘zining orzusidagi oligarx bilan tanishishni istaydi.

Samolyotda bir guruh jinnilarni bir shahardan ikkinchi shaharga olib ketishyapti. Tabiyki ular bilan birga davolovchi vrachlar ham bor ekan.
Vrachlardan biri jinnilarni har biriga 1 shishadan gazli suv tarqatib chiqibdi.
Jinnilar gazli suvni ichishib bo‘lishgach, birin ketin o‘zlarini samolyotdan pastga tashlay boshlashibdi. Faqatgina bitta jinni o‘zini tashlamabdi. Vrachlar undan:
— Sheriklaring qayoqqa ketishdi? deb so‘rashibdi.
— Ular magazinga butilka topshirgani ketishdi - debdi.
— Sen nega bormading? - so‘rashibdi vrachlar.
— A men ularga uxshab jinnimasman, bugun yakshanba magazin ishlamaydiku - debdi.

Serqatnov yo‘lda "Mersedes" bilan "Toyota" to‘qnashib ketibdi. "Mersedes" dan to‘rt barzangi tushdi-da, "Toyota" salonidan nozikkina yigitchani tashqariga olib chikib, tepkilay ketdi. Yigitcha chidolmay qichkirdi:
— Axir bu "Toyota-a-a"! Barzangilar uni battar tepkilay boshlashdi. Oxiri charchab kaltaklashdan to‘xtashgandi, yigitcha zo‘rg‘a shivirlab:
— Axir bu "Toyota"! Ruli o‘ng tarafda-ku!

<< < 13 14 15 16 17 18 19 > >>

Jami 2090 ta latifa mavjud

Tavsiya qilamiz

Bosh sahifa