Latifalar

Podsho kechasi yo‘lda ketayotgan edi, Afandiga duch kelib qoldi. Uni masxaralamoqchi bo‘lib:
— Iya, Afandi, sizmisiz? Qorong‘ida men sizni it-mikin debman!— dedi.
Afandi podshoga ta’zim qilgani holda, javob berdi:
— Kechirasiz, shohim, siz ekansizu korong‘ida men sizni bilmay odammikin debman!

Amerikada mashinasida shaharda ketayotgan kishi birdaniga probkaga duch kelibdi. Bir soat, ikki soat, hech bu bir metrga ham yurmasmish. Shu vaqt bittasi kelib oynasini taqillatibdi. Oynani tushirib:
— Nima bo‘ldi, tinchlikmi?
— Obamani o‘g‘rilar ushlab olishibdi. Agar 1 milliard dollar berilmasa, ustiga benzin quyib yoqvorisharkan.
— Hmm, endi tushundim, demak probka shuni dastidan ekanda?!
— Ha, shunga oz-ozdan yordam yig‘ayotuvdik..
— O‘rtacha qanchadan berishyapti?
— Tahminan 5 litrdan...

Internet provayder saytiga savol bilan murojat qilishyapti:
Yoshim 20 da. Cheksiz internet cho‘ntakbop narxga paydo bo‘lishi ehtimolligi qancha?

Ovchi miltig‘i bilan taksiga chiqdi. Miltigini yonidagi yo‘lovchiga qaratib o‘tiribdi. Yo‘lovchi:
— Bu o‘qlanib turgan ekan, otilib ketmasin.
— Hechqisi yo‘q, otilsa qaytib o‘qlab olaman.

Shahar hokimi oldiga bir ayol kvartira so‘rab ariza ko‘tarib kirdi. Hokim qovog‘ini solib javob berdi:
— Kvartira yo‘q.
Ayol ranjib o‘ziga o‘zi dedi. Birga uxlashga kelganda birga uxlaysizlar, kvartiraga kelganda yo‘q...
Buni eshitgan hokim duv qizarib, arizaga imzo qo‘yib. Sekin so‘radi:
— Nimagadir eslolmayapman qachon birga uxlaganmiz?
Ayol javob berdi.
— Majlisda siz birinchi qatorda, men sakkizinchi qatorda.

Bitta hojaka O‘zbekiston bo‘ylab sayohatga chiqibdi. Farg‘onada mehmon qilishibdi, ketishida:
— Meni mozorga oboringlar, - debdi
Oborishibdi. U mozorni ziyorat etib, tilovat qilibdi.
Keyin Samarqandga boribdi. U yerda ham hamma joyni ko‘rsatishibdi. Qaytishida yana mozorini ziyorat qilibdi.
Keyin Qashqadaryoga borib, aylanib:
— Endi mozorga oboringlar, - desa
— Bizda mozor yo‘q, - deyishibdi
— Iye, o‘lganlarni qayoqqa ko‘masizlar, - desa
— Bizda hech kim o‘lmaydi, tug‘ilib Toshkentga ketishadi, - deyishibdi.

Maymun go‘zallik saloniga boribdi. Uyiga kelib, eriga:
— Qalay, yoqdimi, - deganakan
Eri unga picha qarab turib:
— Baribir odam bo‘lmaysan, dermish

Ertalab turgan erning ro‘parasida, xotini enkayib, go‘yoki ta’zim qilib turgan ekan.
Er:
— Tazim qilishing shart emas. "Assalomu-alaykum, xayrli tong begim" - desang yetarli!
Xotini:
— Ey, boring-ye, byelim qotib qoldi, - dermish

Kech kirganida vrach xonasiga bir odam kirib keldi. Vrach bir nimalarni yozayapti. Ahamiyat bermay:
— Qani tezda yechining!
— Nega doktor?
— Yechining tez-tez! Haligi odam qip yalang‘och bo‘lib yechinibdi.
— Nimadan shikoyat qilib keldingiz?
— Shikoyatim shuki, shifoxonangizga ko‘mir olib keluvdim. Tushirib oladigan odam yo‘q.

Bir kuni otaxon sigirini sotgani bozorga ketaëtsa, bir "Kamaz" to‘xtab:
— Keling otaxon mashinaga o‘tiring, - debdi.
Otaxon:
— Sigirnichi?
— Sigirni kamazni orqasiga bog‘lab qo‘ying, - debdi shofër
Otaxon sigirni bog‘lab qo‘yibdi. Yo‘lda otaxon uxlab qolibdi. Kamazni tezligi 100 km da ketaëtsa, mashina "garmoshkaga" tushgach, otaxon uyg‘onib ketib:
— Sigir nima bo‘ldi? - desa,
Shofër, orqa oynaga qarab:
— Otaxon sigirni tili o‘ng tomonga chiqib ketibdi, - desa
Otaxon:
— Unda mashinani chap tomonga ol. Bolam, sigir obgonga chiqmoqchi, - dermish.

— Quyaymi?
— Yo‘q, ichmayman, ruldaman
— Unda nega ziyofagga mashinangni minib kelding?
— Mensiz ichib qo‘ymanglar deb, shoshilib minib keldim-da!

Yalmog‘iz oynasiga qarab so‘rabdi:
— Bu dunyoda kim chiroyli, - desa
Oyna:
— Men, - dermish

Bir xunik qiz liftda, bir chiroyli bola bilan tursa,
Qiz:
— Agar menga teginsangiz, baqiraman, - desa
Yigit:
— Men ham, - dermish

Marshrutkada hamma jim ketayotsa, birdan itning vovullagan ovozi eshitilibdi.
Afandi telefonini olib:
— Ha, xotinjon nima deysan, - debdi.

Bir maymun oyna topib olib: "Yuzim shunaqa bo‘lsa, osilib o‘lardim" dermish.

Qamoqxonada ikkita mahbus gaplashmoqda:
— Sen nima uchun qamalgansan?
— Raqobat qurboni bo‘ldim.
— Qanaqa raqobat?
— Men xuddi davlatnikiga o‘xshagan pul yasagandim.

Kallik bu fikrlar bilan toptalgan sayhon dala.

Bir o‘g‘rining qarmog‘iga oltin baliq ilinibdi. Lekin u nima qilishini bilmasdan baliqni u yog‘iga ag‘daribdi, bu yog‘iga ag‘daribdi.
— Tila tilagingni, - debdi, nihoyat, oltin baliq tilga kirib.
— Bu nima dyeganing, - debdi tushunmasdan o‘g‘ri.
— Senga qanaqa tushuntirsam ekan, kecha bir odam meni ushlab olgan edi. U mendan yuz million so‘m muhayyo qilishimni so‘radi. Men uni bir zumda bajo keltirdim. Senga nima qilay?
— O‘sha odamning uy manzilini ber.

Restoranda quyon va bo‘ri suhbatlashib o‘tirishibdi. Quyonjon, senga maza, doim puling bor menda esa hech vaqo yo‘q, shuncha pulni qayerdan olasan?
— Menga pulni mashuqam beradi.
— Meniki esa bir tiyin ham bermaydi, debdi bo‘ri
— Eh, bo‘rivoy sen juda qo‘polsan, tirnoqlaring o‘tkir. Sen asta-sekin muloyimlik bilan xotiningni qo‘lini, qo‘lingni orqasi bilan silasang albatta pul beradi.
Bo‘ri shoshib uyga borsa, xotini uxlab yotgan ekan, sekin borib kaft orqasini silasa,
— Ha, quyonjon, puling tugadimi, debdi.

Mushuk sichqonni tutib olib, so‘rabdi:
— Yashashni istaysanmi?
Sichqon ham, ko‘zini suzgancha, so‘rabdi:
— Kim bilan?
— O‘l, suyuq oyoq buzuqi, ishtahani rasvo qilding!

<< < 15 16 17 18 19 20 21 > >>

Jami 2090 ta latifa mavjud

Tavsiya qilamiz

Bosh sahifa