Latifalar

Eski yog‘ochdan yasalgan uyning oldiga, qimmat mashina kelib to‘xtabdi-da ichidan bashang kiyingan erkak tushib, uyga kiribdi. Uyda qari chol derazadan ko‘chani tomosha qilib o‘tirgan ekan.
Erkak uning ro‘parasiga o‘tirib gap boshlabdi:
— Assalom alaykum, mani tanimadiz-a? Man sizni o‘g‘lingizman. Esingizdami, 10 yil oldin mani sigaret olib kel, deb bozorga yuborgandiz? Man shu ketgancha shaharga ketdim, yaxshi odamlarni uchratdim, ishlab pul topdim, o‘zimni biznesimni boshladim, uy, mashina oldim, mana bugun millionerga aylandim, - desa
Dadasi jim qarab turganmish.
O‘g‘li:
— Dada biror nima desangizchi?, - desa
Dadasi:
— Sigaret qani?!, - dermish

Xo‘roz sigirga hazillashib:
— Ertaga ko‘p sut bermasang, egamiz seni so‘yib yuborarkan, - desa.
Sigir qo‘rqanidan ertasiga ikki paqir sut beribdi.
Buni ko‘rib egasi xursand bo‘lib: "Ko‘z tegmasin bir qon chiqarvoray", - deb xo‘rozni so‘yvoribdi.

Tushlikdan so‘ng er xotiniga dedi:
— Xotin, qara, mehmonlar yana likoplaringni o‘g‘irlab ketishibdi…
— Qaysilarini?
— Haligi «Yettinchi osmon» restorani, deb yozilganlari bor edi-ku…

Afandi xotini bilan koreys serialini ko‘rib o‘tirib:
— Xotin seni bugundan boshlab koreyscha ism bilan chaqiraman, - debdi.
Shunda afandining xotini:
— Boy, dadasi menga qanaqa koreyscha ism qo‘ydingiz?
Afandi:
— Cenga Num-Yam degan ism qo‘ydim xotin, - debdi.
Xotini:
— Dadasi chiroyli ism tanlabsiz menga. Ma’nosi nima? - desa.
— Teskari o‘qib ko‘r, - dermish.

Er uyiga xursand kelib qichqiribdi:
— Xotin, narsalaringni yig‘ishtir, men bir million dollar yutib oldim!
Xotini ham xursand bo‘lib shoshib qolibdi:
— Qayerga boramiz? Yozgi kiyimlarimni olaymi yoki qishkilarinimi?
— Hamma narsalaringni yig‘ishtir, - dedim senga. Yig‘ishtir va ko‘zimdan yo‘qol.

Bir odam barda qo‘lidagi qadahni aylantirib ichsammi ichmasammi, - deb o‘ylanib o‘tiraveribdi. Buni kuzatib o‘tirgan bir krutoy yigit kelib:
— Sen o‘zi ichasanmi ichmaysanmi? - deb, qadahni bir ko‘tarishda ichib qo‘yibdi-da, haligi odamni masxara qilib tirjayibdi.
O‘ylanib o‘tirgan boyagi kishi unga qaragancha, o‘zicha pichirlabdi: "Ishdan haydaldim, mashinam pachoq bo‘ldi, bankdan yuz million kreditim bor, xotinim tashlab ketdi, endi esa zaharimni ham mana bu ahmoq ichib qo‘ydi", - dermish

Eri jahl bilan ZAGS qog‘ozini o‘qib o‘tirsa,
Xotini:
— Voy, jonim nima qivossiz? ZAGS qog‘oziga buncha termulib qoldiz, - desa.
Eri xotiniga qarab:
— Amal qilish muddatini qidirayaman, - dermish.

Bir kuni Krishtianu Ronaldu burchakdan to‘p tepayotganda to‘p o‘rniga qattiq toshni tepib hushidan ketib qolibdi. Turib qarasa, shifoxonada. Hamma qora kiyimda. Shunda hayron bo‘lib, qora kiyimdagi qora Marseloga qarab:
— Ha, meni o‘ldi deb o‘yladinglarmi? - desa
— Yo‘q, sen tepgan to‘pga kalla qo‘ygan Ramos o‘ldi, - dermish.

Hozirgi qizlar eshak mingan yigitlarni nazar-pisand qilishmaydi, lekin Mersedes minib yurgan eshaklarni juda ham sevishadi!

Uchta jinni mototsiklda qochib ketayotgan ekan, yo‘lda GAI xodimi tayoqchasini ko‘rsatib, "to‘xtaaa", - desa
Jinnilar:
— EE, qayerga o‘tirasan, joy yo‘qku, - deb o‘tib ketishibdi.

Meni yaxshi deb biladiganlarga - katta raxmat!
Asli qanaqaligimni bilganlarga esa, iltimos - birov bilmasin-a?!

Bir kishi metroda ketayotganida bir yigit kelib:
— 200 so‘m sadaqa qiling, - debdi.
Kishi esa:
— Pulim yo‘q edi, - desa.
Boyagi yigit:
— Ishlash kerakda og‘ayni, - dermish.

Qizlar sevgan yigitingiz Boy bo‘lsin, Chiroyli bo‘lsin, Aqlli bo‘lsin eng muhimi shu 3-chalasi bir-birni tanimasin.

Yigit bo‘lajak kelinining otasi bilan suhbati:
— Qizingiz, meni xotinim bo‘lishga rozilik bildirdi!
— Hmm, o‘zing aybdorsan, har kun qatnab yurish natijasi shu-da...

Bitta qiz Sirdaryoga borib siri ochilibdi, yaxshiyam Amudaryoga bormabdi.

Qotillikda ayblangan odamni sud qilishyapti. Sudya:
— Siz xotiningizni bolta bilan o‘ldirgansiz!
Sud zalidan ovoz keldi:
— «ABLAH!!!».
Sudya:
— Siz yana qaynonangizni ham bolta bilan o‘ldirgansiz.
Sud zalidan yana ovoz keldi:
— «IFLOS!!».
Sudya baqirgan odamga:
— Janob, bu kishining qabih jinoyatlari jahlingizni chiqarayotganini bilaman, lekin yana bir marta baqirsangiz, zaldan chiqazib yuboraman.
— Uzr, janob sudya, man bu kishining 22 yillik qo‘shnisiman. Bu ablahdan har doim bolta so‘rasam, boltam yo‘q derdi.

Poshsho Afandini masxaralash maqsadida saroy ahlini yig‘ib, farmoni oliy o‘qidi:
— Biz bugundan boshlab Nasriddin Afandini eshak boshilik martabasiga muvofiq ko‘rdik...
Afandi o‘rnidan turib poshshoga ta’zim qildi va borib taxtdan ham yuqoriroq bir joyga borib o‘tirdi.
— Ha, Afandi, — dedi poshsho,— nima uchun mendan ham yuqoriroqqa o‘tirdingiz?
Afandi qo‘lini ko‘tarib dedi:
— Taqdirga tan bering, shohim! Men o‘z vazifamni bajarishga kirishdim!

Bir o‘zbek bilan tatar kafega kirishibdi. Tatar 3ta bulochkani hech kimga bildirmay cho‘ntagiga solib, o‘zbekka maqtanayatganmish:
— Qara, shipirish degani shunaqa bo‘ladi. O‘rgan, student! — desa
O‘zbek aytarmish:
— Shipirishni hozir senga o‘rgataman, — debdi.
O‘zbek sotuvchini oldiga borib:
— Xohlaysizmi, sizga fokus ko‘rsataman?
— Qani, ko‘riluchi?
— 3 ta bulochka bering!
— Mana!
O‘zbek 3 ta bulochkani sotuvchini oldida paqqos tushirib, og‘zini artayotsa, sotuvchi g‘azablanib:
— Bulochkani yo‘q qildingku, nomard! Shumi fokusing? — desa
— Bulochkangiz joyida, ana anu tatarni cho‘ntagini qarang, — dermish

Bir ayol taksi to‘xtatdi. Taksichi bir oz yurgandan keyin mashinani jo‘xorizorga buribdi. O‘rtasiga borgandan so‘ng, jo‘xorilarni tepib tekislabdi va choyshab yozibdi.
Ayol qo‘rqib:
— Iltimos, unday qilmang boshimda 1ta erim, 4ta bolam bor, - desa.
Taksichi:
— 1ta eriz, 4ta bolangiz bo‘lsa, meni 20ta tovug‘im bor. Undan ko‘ra tushib yordam bering, - dermish.

Afandi bir kuni to‘yga bordi. Uning yonida o‘tirgan bir savdogar ochofatlik qilib yeganiga qanoatlanmay, dasturxondagi qand-qurslardan olib, cho‘ntaklarini to‘lg‘azdi. Afandi buni ko‘rib yonida turgan choynakni oldi-da, sekin uning cho‘ntaklariga quya boshladi. Savdogar payqab qolib, jahl aralash Afandidan so‘radi:
— Nega cho‘ntagimga choy quyyapsiz?
— Cho‘ntagingiz qand-qursni ko‘p yeb chanqab qolgandir,— dedi Afandi.

<< < 28 29 30 31 32 33 34 > >>

Jami 2090 ta latifa mavjud

Tavsiya qilamiz

Bosh sahifa