Latifalar

Besh yashar Sarvar otasidan so‘radi:
— Dadajon, menga maymun olib bering.
— Maymunni nima qilasan?
— Uni odam qilaman.

Bir student qassobxonaga kelib:
— Oka, 500 so‘mlik go‘sht bering, - desa
Qassob:
— "Ana, ukam" - deb ilingan go‘shtni ko‘rsatib. Bir tishlab olaver, - debdi.

Xotin erining qo‘l telefoniga qo‘ng‘iroq qilyapti, trubkani ko‘targan er:
— Xotinjon, senga keyinroq o‘zim telefon qilaman. Hozir so‘kinishning sira ham ilojisi yo‘q!

Bir alkash yo‘lda ketayotsa, oldidan 200 so‘m chiqibdi.
— Man qaydagi 200 so‘mga egilmayman, - debdi-da, cho‘ntagidan 500 so‘m chiqarib:
— 700 so‘mga egilsa bo‘ladi, - dermish

Kinoteatrda yigit bilan qiz o‘tirishibdi.
Yigit:
— Sizga yaxshi ko‘rinyaptimi kino?
— Ha.
— O‘tirish qulaymi? Oldizdagi odam xalaqit bermayaptimi?
— Yo‘q.
— Oyog‘izga pastdan shabada urmayaptimi?
— Muncha myehribonsiz-a... Yo‘q hammasi juda yaxshi. Havotir olmang! - desa
— Keling unda almashib olaylik, - dermish...

Antiqa paytda yashayapmizda. Statuslarni aytaman. Ularni o‘ylab o‘zi to‘qib yozadiganlar ham bor, tarjima qiladiganlar esa ko‘proq. Birov yozganini uxlatib o‘zini sayt, gruppa, kanaliga qo‘yadiganlar esa ulardan ham ko‘proq. O‘qib klass, layk bosib shaxsiy sahifasiga qo‘yadiganlar yanayam ko‘proq.
Biroq... O‘sha aqlli gaplarga, foydali nasihatlarga amal qiladiganlar juda oz. Netdagi hayotimiz quruq gapga aylanib bormoqda. Amerikaliklar tili bilan aytganda "Bla, bla, bla..."

3ta alkash sahroda 3 yashik aroq bilan, zakuskaga 1 dona pista bilan qolib ketishibdi. 1.5 yashik aroqni ichib, pistaga tilini tekkizib zakuska qilib turishsa, birdan bitta alkash bilmay pistani chaqvoribdi. Qolgan 2ta alkash bir ovozda:
— San bo‘tga pista chaqqani keldingmi yoki aroq ichganimi? - dermish.

Hazil sher:
Ayrim g‘unchalar ochilar ertalab,
Talaba qizlar o‘qishga shoshar ertalab,
Yarmi bilim talab, yarmi ertalab.

Tarix darsida o‘qituvchi bir o‘quvchiga savol berdi:
— Fransiya - Prussiya urushi haqida nima bilasan?
O‘quvchi o‘rnidan turdi, lekin undan sado chiqmadi.
— Nega gapirmayapsan?
— Dadam urush-janjalga aralashma deganlar.

Erkak qo‘shni ayoldan so‘radi:
— Eringiz uydami?
— Ha, uyda. Nima edi?
— Undan o‘n ming so‘m qarz so‘ramoqchiydim.
— Qiziqsiz-a! Erimning o‘n ming so‘mi bo‘lsa, hayotda uyda o‘tirmasdi.

— Oyi dadamni rasmlari bormi? - deb so‘rabdi 1-sinfda o‘qiydigan o‘g‘li.
— Ha, bor. Nima qilasan?
— Maktabga oboraman, ustozimiz uy vazifasini tayyorlab bergan ahmoqni bir ko‘rmoqchiman dedilar.

5 yoshli bola podshoh, sultonlar haqida kitob o‘qib turib onasiga:
— Men ham katta bo‘lsam, 5ta xotinim bo‘ladi. Bittasi kirimni yuvadi, bittasi uy tozalaydi, yana biri ovqat qiladi, - desa
Onasi:
— San qaysi biri bilan uxlaysan? - debdi
— Man hech qaysi biri bilan uxlamayman, man oyijonim bilan uxlayman, - debdi.
Onasini ko‘zlari yoshlanib: "O‘zimni mehribonim, g‘amxo‘rim, - debdi,
— Unda 5ta xotining kim bilan uxlaydi? - desa
— Adam bilan uxlaydi hammasi, - debdi
Otasini ko‘zlari yoshlanib:
— O‘zimni mehribonim, - dermish

Men uyquni sevaman, u ham meni sevadi.
Lekin bizni munosabatimizga ota-onam qarshi!

Bir kuni Afandi uch-to‘rtta o‘rtog‘ini uyiga boshlab keldi. Xotiniga kirib: «Bir quling o‘rgilsin palov qilgin» dedi.
— Voy, qiziqmisiz? Axir uyimizda na guruch bor, na go‘sht, na yog‘ bor. Nima bor, nima yo‘qligini surushtirmay-netmay, mehmon boshlab kelaverasizmi?!
— Xo‘p-xo‘p xotin, sal o‘pkangni bosib ol. Hech bo‘lmasa, dasturxonga bo‘sh laganni olib chiqib qo‘ygin, o‘zim gapning kiftini keltiraman.
Xotini ham eri aytganday qilib, bo‘sh laganni dasturxonga olib chiqib qo‘ydi.
— Og‘aynilar,— dedi Afandi,— Agar uyimizda guruch, yog‘, go‘sht bo‘lganida edi, hozir shu bo‘sh laganda bug‘i chiqib turgan palov bo‘lardi...

Restoranda. Mijoz ofitsiantdan so‘radi:
— Ovqat haqini dollardayam olaverasizlarmi?
— Olamiz.
— Hmm... Plastik kartochkada-chi?
— Olaveramiz.
— Hm-m-m... Ichkilikdan bo‘shagan shisha bilan to‘lasam-chi?

Ona qizidan so‘radi:
— Nega Ahmadjon degan yigitga turmushga chiqishni xohlamayapsan?
— Oyi, axir u mallasoch-ku!
Ota gapga aralashdi:
— O‘sha yigitga turmushga chiqaver, qizim! Sen bilan bir yil yashasa, sochi oqarib ketadi, javob!

Avtobusda:
— Kechirasiz, siz chiqasizmi?
— Odamlar turmushga chiqadi!
— Siz, shu yerda qolasizmi?
— Odamla tildan qoladi.
— Uff, shu yerda tushasizmi deyapman?
— Odamlar tug‘ilganda qorindan tushadi!
Shunda haligi odamni ketiga bir tepib, avtobusdan tushurib yuborarkan:
— Unda, tug‘ilgan kuning bilan, mijg‘ov! - dermish.

Afandi bir kecha sham yoqib xotini bilan gaplashib o‘tirgan edi, birdan shamol turib, shamni o‘chirdi. Uy qop-qorong‘i bo‘lib qoldi.
— Chap tarafingizda gugurt bor, olib shamni yoqib yuboring,—dedi xotini.
— Iye, qiziqmisan, xotin? Qorong‘ida chap tarafni qayoqdan bilib bo‘ladi, deysan!

Qizaloq buvisiga:
— Keling maktab-maktab o‘ynaymiz, - debdi.
Buvisi rozi bo‘libdi.
Keyin o‘ylab qarasa, bir yildan beri nabirasini uy vazifalarini bajarib berar ekan.

Futbol o‘yinini tomosha qilayotgan Farhod dadasidan so‘radi:
— Nega hakam o‘yinchilarga qarab hushtak chalaveradi? Nima, ular gapga tushunmaydimi?

<< < 49 50 51 52 53 54 55 > >>

Jami 2090 ta latifa mavjud

Tavsiya qilamiz

Bosh sahifa