Latifalar

Bir to‘yda yarim tungacha bazm bo‘libdi-yu oxiri o‘rtakash bir otaxonni o‘rtaga chaqirib:
— Otaxon duo qilib bering, - debdi.
Otaxon o‘rtakashni oldiga kelsa, o‘rtakash otaxonni qulog‘iga zamonaviy BLUETOOTH mikrofonni taqib gapiring, - debdi.
Otaxon o‘rtakashga qarab:
— Menga mikrofon ber, - desa.
O‘rtakash:
— Otaxon gapiravering hamma eshityapti, - debdi.
Otaxon jahli chiqib:
— Mikrofon ber-e, - desa.
O‘rtakash otaxonni qo‘liga bitta stakanni berib, mana mikrofon endi gapiring, - desa.
Otaxon gap boshlabdi:
— Mana bugun jiyanimiz Abdusattor... jiyanimiz Abdusattor, - debdi-yu.
Kelinni ismi esidan chiqib qolib, stakanni orqasiga yashirib, o‘rtakashga qarab:
— Anu alvastini ismi nimaydi, - dermish.

Yigit qiz tanishuvi:
Yigit:
— Yaxshi qiz, sizga qanaqa yigitlar yoqadi?
— Menga harbiy yigitlar yoqadi ular qo‘rqmas bo‘ladi. Yanachi-yana hind yigitlari yoqadi, ular judda ehtirosli bo‘lishadi.
— Yanachi?
— Koreys yigitlari yoqadi ular mohir qilichboz bo‘lishadi.
— Unda tanishib qo‘yaylik, oddiy leytenant Amitabx Jumong.

Bir fermer otaxonning oq va qora mollari borakan. U otaxondan jurnalistlar intervyu olgani kelishipti.
— Otaxon bu mollaringiz bir kunda qancha suv ichishadi?
— Oqimi qorasimi?
— Oqi?!
— 2 paqir suv ichadi kuniga...
— Qorasichi???
— Uyam...
— Otaxon bu mollariz kuniga qancha xashak yeydi?
— Oqimi qorasimi?
— Oqi?!
— 4 tog‘oradan xashak yeydi..
— Qorasichi?
— Uyam...
— Otaxon bu mollariz kuniga qancha sut beradi?
— Oqimi qorasimi?
— Oqi?!
— 15 litrdan sut beradi bolam...
— Qorasichi???
— Uyam...
— Ey, otaxon odamni ezvordingiz. Savol bersak, oqimi qorasimi deysiz, oqi desak, mana buncha deysiz qorasichi desak uyam deysiz. Bu nimasi?
— Ey bolam oqi uzimnikida.
— Ha tushunarli qorasichi, desa...
— Uyam.... dermish

Afandining ko‘zi xira bo‘lib qolgan edi, odamlar unga ko‘proq yong‘oq yeyishni maslahat berishdi. Afandi bozordan yarim qadoq yong‘oq olib, asta chiqib ketayotgan edi, ro‘parasidan bir bola chiqib salom berdi. Afandi alik olib, bolaga bitta yong‘oq berdi-da, sevinib dedi:
— Salom bergan bolalarni juda yaxshi ko‘raman. Qani endi, boshqa bolalar ham senga o‘xshash salom berishni bilishsa!
Bola nariroqqa borib ingichka ovozda salom berdi, Afandi yana yong‘oq uzatdi, ko‘chaning o‘rtasiga yetmasdanoq bola yo‘g‘on tovushda salom berib, yana bir yong‘oq oldi, tor ko‘chaga burilmasdan xirillagan tovush bilan salom bergan edi, Afandi bilib qolib:
— Salomni yong‘oqqa alishib yeb, tomog‘ing og‘rigan shekilli, tovushing chiqmayotibdi, yong‘oq yema!— dedi.

Er xotin kafeda o‘tirsa. Bir qiz kelib erini bir o‘pib, qaytib ketibdi.
Xotinini jahli chiqib:
— Kim u? Nimaga sizni o‘padi?, - desa
— O‘chir ovozingni! Hali unga ham tushuntirishim kerak seni kimligingni

— Menga 2kg olma bering.
— Eron olmasidan beraymi yoki Turkiyanikidanmi?
— Menga farqi yo‘q, men ular bilan gaplashmiman, yeyman xolos

Afandi eshagini haydab, bog‘iga ketar edi. Yo‘lda hazilkashlaridan biri hamroh bo‘lib so‘radi:
— Ikkalangiz shoshilib qayerga ketayapsiz?
— Mana, hozir ikkalangiz barobarlashdingiz, - dedi Afandi u bilan eshak orqasidagi masofani ko‘rsatib, - bir oz turib do‘stlashib ketasiz, o‘zidan so‘rang, qayerga borishini aytib beradi.

Bir oylik kelin ota uyiga arazlab keldi. Otasi so‘rabdi:
— Yana nima bo‘ldi qizim?
— Erim bilan urishib qoldim.
— Har safar qaynonang bilan urisharding-ku?
— Qaynonam shuncha javrasam ham indamay qo‘ydi, man ham kim bilandir gaplashishim kerak-ku.

Hamkasblar ziyofatida bir shifokor qadah so‘zi boshladi:
– Bu dunyoda biz shifokorlarning dushmani juda ko‘p...
Kimdir luqma tashladi:
– U dunyoda bundan ham ko‘p.

Ishga qabul qilish uchun suhbatda:
– Inglizchani bilasizmi?
– Ha, lug‘at bilan gaplasha olaman.
– Odamlar bilan gaplashishni o‘rganganingizda kelarsiz.

— Manga qara, nega san pichoqni ko‘tarib olding?
— Siz.
— Nima, nima siz?
— Uka... pichoq ko‘tarib olganga sizlab murojat qilishadi.

Bir kuni o‘qituvchi dars o‘tib turganida 3ta o‘quvchi kechikib kelibdi. O‘qituvchi 1-o‘quvchidan:
— Sen nega kechikib kelding ?
O‘quvchi:
— Men bozorda poyabzal sotaman, shuning uchun kechikdim, - deb javob beribdi
O‘qituvchi xursand bo‘lib:
— Razmerimni bilasana? - deb kiritibdi
2-o‘quvchidan so‘rabdi:
— Sen nega kechikib kelding?
O‘quvchi:
— Men bozorda gazlama sotaman, - deb javob beribdi
O‘qituvchi yana:
— Razmerimni bilasana? - deb kiritibdi.
3-o‘quvchidan so‘ramasdan joyiga o‘tkazgan ekan...
O‘quvchi:
— Ustoz men go‘rkovman, sizning razmeringiz nechi? - deb so‘rabdi.

Hayvonot bog‘ida Gorillaning banani yo‘qolib qoldi. Shunda Gorilla e’lon yozib daraxtga ilib qo‘ydi:
— Mening bananimni kim o‘g‘irlaganini topib olsam, oyoq-qo‘li va qulog‘ini uzib olaman, — deb yozibdi Gorilla.
Ertasi kuni e’lon tagida yangi yozuv paydo bo‘libdi.
— Garov o‘ynayman, uzib ololmaysan, — deb javob yozibdi Ilon.

— Hamma narsani tashladim, ichishniyam, chekishni ham, xotinimni ham!
— Xotiningni nimaga tashlading?
— U bunday baxtga loyiq emasdi.

Bola dadasidan:
— Dada ertak nima o‘zi?
— Ertakmi, nima desam ekan... Masalan ertakda qurbaqani topib olib, yoningda bir kecha olib yotsang ertasiga qarasang malikaga aylangan bo‘ladi. Hozir esa uylanasan, ertasiga qarasang aksi bo‘layapti, - dermish

Kunlarning birida toshbaqa, tulki, bo‘ri uchalasi ov qilishib o‘ljani birgalikda yeyishga qaror qilib, toshbaqani nonga yuborishga kelishibdi.
Bir soat o‘tibdi, ikki soat o‘tibdi, kelmabdi. Tulki bilan bo‘rini qorinlari ochib jaxli chiqib shunday, debdi:
— Agar xozir toshbaqa kelsa kosasini ikkiga ayrib majag‘lab tashlayman, urib abjag‘ini chiqaraman, debdi.
Shunda eshik asta ochilib:
— Agar shunday qilsanglar nonga bormayman, debdi.

— Oyi, ko‘chaga chiqib o‘ynasam, maylimi?
— Shu kir quloqlaring bilanmi?
— Yo‘q, o‘rtoqlarim bilan.

Erini ko‘rgani kelgan xotin, yig‘lagancha palataga kirib keldi.
Eri:
— Ha xotin, nima bo‘ldi?
Xotin yig‘laganicha:
— Kecha onamni mashina urib ketdi, - desa...
Er:
— Xotin bilasanku jag‘im singan. Meni kuldirma, - dermish

Ona-tili darsida o‘qituvchi oxirgi partada sarimsoq yeb o‘tirgan boladan:
— "Ovchi miltiq o‘qladi" - degan gapni kelasi zamon fe’lini topchi, - desa.
Haligi bola:
— Gumburrr-gummbuurrr, - dermish.

Marshrutkada bir qiz barmog‘i bilan oynani g‘irchillatibdi. Orqa o‘rindiqda o‘tirgan chol:
— Qizim ovozini o‘xshatding, endi hidini nima qilamiz? - debdi

<< < 46 47 48 49 50 51 52 > >>

Jami 2090 ta latifa mavjud

Tavsiya qilamiz

Bosh sahifa