Bekalar uchun yangi tavsiyalar

Mikroblarga qarshi kurashamiz

• Ovqat suzishdan oldin idishlarni qaynoq suvda chayib oling, chunki idish-tovoqdan kukun (gel) hidi kelishi yoki toza yuvilgan idishlarga chang qo’ngan bo’lishi mumkin.
• Idish yuvayotganda suvga biroz tuz yoki iste’mol sodasi solinsa, mikroblar halok bo’ladi.
• Biron idishga yog’och qipig’i solinib, idish-tavoq javoniga qo’yilsa, oziq-ovqat maxsulotlari aynimaydi, ichkarini mog’or bosmaydi.

Xamir qorish siri.

• Xamir qilinadigan unni garchi toza bo’lsada elab ishlating. Elanganda uning orasiga havo kirib, hamir yaxshi ko’pchiydi.
• Qaynoq suvga hamir qorib bo’lmaydi. Negaki qaynoq suv xamirni tirishtirib, yoyishni qiyinlashtiradi va ko’pchitmaydi ham.
• Xamirni o’z hajmidan 2 baravar katta tog’orada qoring.
• Xamir qorayotganda suvni birdan qo’shmang. Oz-ozdan qo’shsangiz xamir tez qoriladi.
• Xamir mahsulotlarning orqasi tandirga yopishib, tushib qolmasligi uchun yopishdan oldin qizigan tandir devorlariga nomakop seping.

Go’shtni pishirayotganda

• Go’shtga tuz sepib qovurilsa seli yaxshi chiqadi.
• Go’sht sovuq suvga solinib, asta sekin qaynatib pishirilsa, sho’rvasi shirin bo’ladi.
• Agar go’shtdagi moddalar ko’proq saqlanib qolsin desangiz, uni biqirlab qaynab turgan suvga solib yoki qovurib pishiring.