1 sentabr

Bu Vatan Barchamizni

qancha dovondan o'tdik
dashti yobondan o'tdik
o'tdik baland pastlardan
yaxshi yomondan o'tdik

sinashda bo'ldik do'stim
yurt qadrin bildik do'stim
kamol berdi ozodlik
qudratga to'ldik do'stim

bizlarga meros vatan
topgaydur e'zoz vatan
bizdan qolsin ertaga
go'zal beqiyos vatan

bu chaman
bu gulashan
shu aziz vatan barchamizniki

yurt koriga yarab qo'y
yo'q boriga yarab qo'y
kelajaging o'ylasang
atrofingga qarab qo'y

bor bo'lsin ko'rolmaydi
yo'q bo'lsin berolmaydi
odamzodga o'xshar u
odamdek yurolmaydi

bir tarafda qiyomat
bir tarafda xiyonat
hunarlari qon to'kish
kasbi kori jinoyat

bizlarga meros vatan
topgaydur e'zoz vatan
bizdan qolsin ertaga
go'zal beqiyos vatan

bu chaman
bu gulashan
shu aziz vatan barchamizniki

o'zbekiston baxtimiz
g'ururlansak haqlimiz
eng buyuk boyligimiz
shu bunyodkor xalqimiz

o'rgan hunar fan qilgil
ko'nglingni chaman qilgil
tafakkurni charxlagil
ko'nglingni vatan qilgil

oshno bilgil mehnatni
dushman tutgil ga'flatni
ona deb bil vatanni
ota deb bil millatni

qurgin yaratgil yurtdosh
yog'du taratgin yurtdosh
o'zim yanigan elga
yordir yaratgin yurtdosh

bizlarga meros vatan
topgaydur e'zoz vatan
bizdan qolsin ertaga
go'zal beqiyos vatan

bu chaman
bu gulashan
shu aziz vatan barchamizniki

qayga ketmoqda dunyo
zulmatga ko'nsa ziyo
buncha sodda bu odam
es hushin olmish giyo

og'a-ini deb turmoq
ko'ziga sochar tuproq
asl dushman qayerda
hech kim o'ylamas biroq

do'daklarda ne gunoh
guldek toza nurdek pok
mushtipar onalarning
yo yozig'i bordir oh

bizlarga meros vatan
topgaydur e'zoz vatan
bizdan qolsin ertaga
go'zal beqiyos vatan

bu chaman
bu gulashan
shu aziz vatan barchamizniki

dilimni yoqqan
ko'zimga boqar bolam
ko'zing och odamzod
chayqalib turar oh

ko'z yosh to'kilgan joyda
halovatu baxt qayda
asrolmasang tinchlikni
ko'z yoshingdan ne foyda

kimlar solar g'avg'olar
qarang ajab savdolar
bechoradan bechora
badbaxt vatan gadolar

otang o'sgan tuproq bu
onang o'sgan tuproqbu
tepkilama nokaslar
bolang o'sgan tuproqbu

quvonma yod boyinga
oqib ketar soyinga
tuz yegansan tupurma
o'z tug'ilgan joyinga

sinashda bo'ldik do'stim
yurtqadrin bildik do'stim
kamol berdi ozodlik
qudratga to'ldik do'stim

bizlarga meros vatan
topgaydur e'zoz vatan
bizdan qolsin ertaga
go'zal beqiyos vatan

bu chaman
bu gulashan
shu aziz vatan barchamizniki

bu chaman
bu gulashan
shu aziz vatan barchamizniki....

ESTRADAMIZ YULDUZLARI TOMONIDAN IJRO ETILGAN

Dunyoda har narsaning,
bor bahosi qiymati
ko'klam,xuddi kelinchak
oqlik qishning ziynati
hatto baland tog'larning
salobati sarhadli
beozor-ku oqqushlar
biroq osmon kalxatli
afzal deydi to'quvchi
matolarning bo'zini
bitta beshik tebratar
o'yar ilon ko'zini
har bir narsa o'lchamli
nar narsada nihoya
o'chirmoq-chun pilikni
bir puflasang kifoya
mashshaqatli mehnatning
so'nggida zo'r safo bor
dard berdimi yaratgan
izla dardga davo bor
faqat,vatan yagona
qiymati yo'q bebaho
uni sevgum ishqimning
poyoni yo'q mutlaqo

O’ZBEKISTON DAVLATI

O’zbekiston bayrog‘i ko‘tarildi chinakam,
Ushbu kunni, ayting-chi, qay birimiz kutmadik.
Zarur bo‘lgan chog‘da goh dor tagida turib ham,
Qay birimiz tarixning sinovidan o‘tmadik.
Dong‘il safarga chiqdi endi hur O’zbekiston,
Kimgadir oyoqosti, kimga u osmon bo‘ldi.
Shukrkim, o‘z-o‘zini tanidi keksa jahon,
Ya’ni o‘zbek Davlatin jumlai jahon bildi.

Ne-ne kamsituvlarni ko‘rgan shu boshim bilan,
Ona xalqim, qoshingda tizza bukib turibman.
O’zbekcha gapirganda, bir chuqum oshim bilan
Sadaqai baxting deb borim to‘kib turibman.

Garchi doim ungandir gulchechaklar bog‘imda,
Temur va Navoiyni eslaymiz takror-takror.
Men-ku uzoq yasharman, lekin ketar chog‘imda
Tepamda egilajak o‘z tug‘im - bayrog‘im bor!

Nasib etmish bu kunlar, taralsin yangroq unlar,
Do‘stlar bilar yonma-yon qutlaylik bu ayyomni.
Iloyo, boshimizga kelmasin qaro kunlar,
O’zbegim, deb ko‘taring, do‘stlarim, oltin jomni.
1992 yil, 4 mart

Abdulla Oripov

Жаннатдайин заминингда қуёш кулар,
Боққан сайин оловланиб юрак урар.
Не заминки, чўпни эксанг гулзор унар,
Тупроғинга кўз тегмасин ўзбек элим,
Жаннатмакон Ўзбекистон - жону-дилим.

Тўлқинланиб, жилваланиб бунча шошар,
Ирмоқларинг кўз қувнатиб қирлар ошар,
Аму-Сиринг томиримда қондек тошар,
Сувларингга кўз тегмасин ўзбек элим,
Жаннатмакон Ўзбекистон - жону-дилим.

Отам, акам кўкси каби баланд мағрур,
Осмонўпар чўққиларнинг солар сурур.
Юксакликдан дилгинамга тўлар ғурур,
Тоғларинга кўз тегмасин ўзбек элим.
Жаннатмакон Ўзбекистон - жону-дилим.

Боғларингда атрин сочар хушбўй райхон,
Қирларингда лолазорлар чўғдир алвон.
Айтгин яна қайда бордир бундай даврон,
Боғларинга кўз тегмасин ўзбек элим.
Жаннатмакон Ўзбекистон - жону-дилим.

Алла айтиб бешик бўлган Сурхонимсан,
Самарқандим - гўзалликда илхомимсан.
Эй Тошкентим юрагимсан, керагимсан,
Шаҳарларга кўз тегмасин ўзбек элим.
Жаннатмакон Ўзбекистон - жону-дилим.

Тўйинг бўлса эл хизматда, шому-саҳар,
Ишинг чиқса ёлғизлатмас, қилур ҳашар.
Бир ёқа, бир енгдурсанки меҳрим жўшар,
Бирлигинга кўз тегмасин ўзбек элим.
Жаннатмакон Ўзбекистон, жону-дилим.

Йўлбошчи бўлса агар моҳир сарбон,
Иншооллоҳ, адашмагай йўлдан карвон.
Мангу яшар жаннатмакон Ўзбекистон,
Юртбошинга кўз тегмасин ўзбек элим,
Шу юрт учун фидо менинг жону-дилим.