Mulohaza statuslar

Nikohning shunday xususiyati borki, undan keyin sanamga tavof etish barham topadi. Binobarin, erkak kishi o‘z ma’budasiga yaqindan turib boqsa, u qayta oddiy ayolga aylanadi.
J. ADDISON

Muhabbat, razil kishilar o‘ylaganidek, inson hayotidagi faqat nikoh davrigacha bo‘lgan o‘tkinchi voqea emas. Bu er-xotinning butun hayoti davomida yashab, mustahkamlanib boradigan tuyg‘udir.
N. G. CHERNISHEVSKIY

Ayol kishini iztiroblarga qo‘ygan holda erkakni baxtli qilish qiyin.
V.GYUGO

Xotin — o‘yin emas, hayotimizdagi do‘stimiz va yo‘ldoshimizdir,shu boisdan,biz uni yoshi qaytgan paytida ham,kampir bo‘lib qolganda ham sevmoq kerak, degan fikrga avval boshdanoq ko‘nikib olishimiz darkor.
V.G.BELINSKIY

Inson qalbi buyuk va bepoyondir. U chegara bilmaydi.

Do‘stlik — bu o‘zaro masofani saqlash, sevgi esa — yaqinlikni asray bilish san'ati.
— Zigmund Graf

Omadsizlik — bu yanayam donoroq bo‘lib barchasini boshqatan boshlashga yana bir imkoniyat.
— Genri Ford

Men kutubxonada ta'lim olganman, bepul.
— Rey Bredberi

Insonlar haqida fikrlari bo‘yicha emas, orzulari bo‘yicha aniqroq xulosa qilish mumkin.
— V. Gyugo

Ertalab turganingizda o‘zingizdan “nima qilishim kerak” deb, kechqurun yotishdan avval esa “nima qildim” deb so‘rang.
— Pifagor

Umrbod yashashga boqiy biror narsa yaratish bilan erishiladi.
— Ernest Renan

Inson, albatta, yerning hukmdori, ammo, shuningdek u o‘z oshqozonining quli hamdir.
— Ivan Goncharov

Ko’pchilikni sevadigan — ayollarni biladi, bir kishini sevadigan — sevgini anglaydi.
— Zigmund Freyd

Har bir insonda boshqalarga aytmaydigan orzusi bo‘ladi, yana shunday xohishi ham bo‘ladiki, uni o‘zi ham bilmaydi.
— Zigmund Freyd

Yaxshiroq bilish ko‘proq bilishdan ko‘ra muhimroqdir.
— Jan Jak Russo

Agar har kuni bu mening oxirgi kunim deb yashasangiz, qachondir haq bo‘lasiz.
— Stiv Jobs

Eshitsam — unutaman, ko‘rsam — eslab qolaman, bajarsam — yodda tutaman.
— Konfutsiy

Umringizni shubha va qo‘rquvga sarflamang.
— Ralf Emerson

Kambag‘al. omadsiz, baxtsiz, nosog‘lom kishilar “ertaga” so‘zini eng ko‘p ishlatadigan insonlardir.
— Robert Kiyosaki

Qiyin ish — bu siz avvalroq qilishingiz kerak bo‘lganda bajarmagan oson ishlaringizning jamlanmasi.
— Jon Maksvell

Haqiqatni topish xatoni topishdan ko‘ra ancha qiyin.
— Gyote

Chekishni tashlash juda oson. Shaxsan o‘zim bu ishni yuz martalab qilganman.
— Mark Tven

Nikoh kishilik jamiyatining birinchi pog‘onasidir.
SITSERON

Tutun alangadan paydo bo‘lganidek, nikoh ham muhabbatga uyg‘unlashib ketadi.
N. SHAMFOR

...Jinsiy sevgi o‘z tabiatiga ko‘ra nikohni talab qiladi... Jinsiy sevgiga asoslangan nikoh o‘z tabiatiga ko‘ra individual nikohdir.
F. ENGELS

Hech kim nikohdan o‘tishga majburlanmaydi, ammo har qanday kishi ham modomiki nikohdan o‘tgan ekan, nikoh qonunlariga bo‘ysunishga majbur etilishi kerak.
K. MARKS

Nikoh muhabbatning qaror topishidir. Faqat pishib yetilgan yurakkina chinakamiga seva oladi va shundagina muhabbat nikoh misolida o‘ziga hadya etilgan eng oliy mukofotni ko‘radi va har qanday shuhrat qarshisida ham xiralanmaydi, balki oftob nuridan o‘zining xushbo‘y gullarini barq urib ochiltiradi.
V. G. BELINSKIY

Oilaviy hayot o‘zaro muhabbat bilan bog‘langan bo‘lsa, katta baxt keltirishi mumkin.
N. K. KRUPSKAYA

Oilaviy hayotda ro‘y berib turadigan mayda-chuyda kemtiklarni faqat kuchli muhabbatgina tekislab ketishi mumkin.
T. DRAYZER

Chin muhabbat barcha qiyinchiliklarga bardosh berishda ko‘maklashadi.
F. SHILLER

Faqat sevib uylanishning gashti bor xolos; biror qizga uning qaddi-qomati kelishganligi uchungina uylanish xuddi bozordan keraksiz bo‘lsa ham ko‘zga yaxshi ko‘ringan buyumni sotib olish bilan barobar.
A. P. CHEXOV

Sevmagan odamingga turmushga chiqish nafratlanarlidir.
D. I. PISAREV

Er-xotin yostiqdosh bo‘lgunlariga qadar bir-birlarining odatlari, fe’l-atvorlari va xarakterlarini mukammal o‘rganmagan ekanlar, ularning turmushi baxtli bo‘lmaydi.
O. BALZAK

Hayotlarini bir-biriga bog‘lamoqchi bo‘lganlar nikohga qadar hamma narsaga ko‘zlarini katta ochib qarashlari, nikohdan keyin esa ba’zan ko‘rganlarini ham ko‘rmaganga olishlari kerak.
M. SKUDERI

Omadli nikoh har kuni ta’mir etib turilishi kerak bo‘lgan binodir.
A. MORUA

Nikoh bahsu munozaralar bilan bo‘linib turuvchi uzundan-uzoq suhbatdir.
R. STIVENSON

Oilaviy hayot, ehtimolki, hech qachon sidirg‘a quvonchdan iborat bo‘lolmaydi. Faqat shodu xurramlikkagina emas, g‘amu anduhga ham, tashvishu baxtsizlikka ham sherik bo‘la bil.
V. A. SUXOMLINSKIY

Bo‘ydoqlik —g‘ayriijtimoiy holat.
O. BALZAK

Yaxshi xotin bilan yashash — hayot bo‘ronlarida senga bir panohday xizmat qilsa, yomon xotin bilan yashash — kulbangda ko‘tarilgan bo‘ronday gap.
J. PTITSEN

Muhabbat oilaviy mashmashalarni shu qadar yoqtirmaydiki, chinakamiga baxt-saodatli bo‘lmoq uchun bir-birovingda eng olijanob fazilatlarni topa bilmog‘ing kerak.
O. BALZAK

Yaxshi xotin — jon malhami.
QOBUS

Ayol erkak zotining buyuk murabbiysidir.
A. FRANS

O’z erini olg‘a yurgazmagan ayol uni, shubhasiz, orqaga tortadi.
J. MILL

O’z erining fikru xayolini band etgan orzu-havaslardan begona yashagan, ularni ro‘yobga chiqarishga intilmagan ayol, bor-yo‘g‘i erkakning o‘ynashi, tejamkor beka, enagadir, lekin xotin deb atalgan olijanob so‘z zamiridagi haqiqiy ayol emas...
A. I. GERTSEN

Ba’zi qariyalarning yosh ayollarni sevishga intilishlari yana shuning uchun ham bema’nilikki, ular o‘z muhabbatlariga muhabbat bilan javob qaytarilishini talab etadilar va shunday qilishga haqimiz bor, degan xomxayolda yuradilar. Aslini olgaida bu o‘rinda ayb faqat shu qariyalardagina emas, balki ularning bema’ni kirdikorlarini qo‘llab-quvvatlagan yosh ayollarda hamdir.
J. LABRUYER

Uylanmoqchi bo‘lgan qariyaning birdan-bir muddaosi shuki, unga enaga kerak.
G. UOLPOL

Eri qari bo‘lgan yosh ayolning ahvoli og‘ir, u kemaga bog‘lab qo‘yilgan qayiqchaga o‘xshaydi, bu qayiqcha o‘z harakatini kemaga moslashtirolmaydi, tagida esa langari yo‘q, ammo oqshomlari o‘z arqonini uzib, boshqa manzillarga tez-tez borib turadi.
FEOGNID

Yosh xotinning biqinida chol yotgandan ko‘ra, shu biqinga kamon o‘qi botgani yaxshi.
SA’DIY

Nikoh ostonasidan o‘tgan juftlik go‘yo ma’naviy olami bitta bo‘lgan shaxsga aylanmogi kerak.
I. KANT

Oqila rafiqam! Agar ering yoningda bo‘lishini istasang, shuning payiga tushginki, toki u hech yerda sening huzuringdagi kabi rohat-farog‘at va muloyimlikka duch kelmasin.
PIFAGOR

Nomus er-xotin totuvligining qoni va jonidir.
D. I. FONVIZIN

Shunga qat’iy imonim komilki, er-xotin ittifoqi tevarak-atrofdagilarning aralashuvidan xoli bo‘lmog‘i kerak, binobarin, bu ikki kishidan boshqa hech kimning ishi emas.
V. G. BELINSKIY

Dildagi ishonchdan kelib chiqadigan, ishtirok etayotgan kishilarning ixtiyoriy, oqilona inoqliklariga asoslangan oilaviy va ijtimoiy munosabatlargina mustahkam bo‘lishi mumkin.
N. A. DOBROLYUBOV

Uylanish o‘z huquqingni ikki baravar kamaytirib, zimmangga tushadigan majburiyatni esa ikki hissa oshirishing demakdir.
A. SHOPENGAUER

Pishirib-kuydirish, tikib-yamash, kir yuvish, bolalarga qarash faqatgina ayollarning ishi, buni qilish erkak kishiga uyat degan g‘alati, ildiz otib ketgan yanglish fikrlar mavjud. Vaholanki, buning aksi uyatliroq: holdan toygan, qachon qarasang nimjon, homilador ayol zo‘r-bazo‘r ovqat tayyorlayotgan, kir yuvayotgan, kasal bolasiga qarayotgan bir paytda, ko‘pincha bekor yurgan, vaqtini bo‘lar-bo‘lmas ishlar bilan yoxud butunlay besamara o‘tkazayotgan erkaklarga uyat.
L. N. TOLSTOY

Nikoh mustaqillik jihatidan teppa-teng bo‘lgan erkak va ayol o‘rtasidagi munosabatlarning ifodasidir, bunda mutelik ham bir xil, majburiyat ham bir xil.
L. ANSPAXER

Baxti uchun sevikli kishisi oldida burchdorligini tan olmaslik kechirilmas mag‘rurlikdir.
G. LESSING

Sevgida ikki xil vafodorlik bor: o‘zimiz sevgan odamdan hammavaqt muhabbatimizga loyiq yangi fazilatlarni topganligimiz uchun yoki sevgida vafodorlik — vijdon burchi, deb hisoblaganimiz uchun shunday qilamiz.
F. LAROSHFUKO

Kimki ayol huquqini himoya qilsa, bola huquqini ham himoya qilgan bo‘ladi, boshqacharoq aytganda — u kelajakni ham himoya qiladi.
V. GYUGO

Muhabbatni nechog‘li ilohiylashtirmasinlar, ammo tabiat bu go‘zal tuyg‘uii odamlarning baxti uchungina emas, ularning ko‘payishi va unib-o‘sishi uchun ham baxshida etganini ko‘rmaslik mumkin emas.
V. G. BELINSKIY