SEVILSANG...

Sevilsang, shunday sevil-ki, oshig`ing intizor kutsin,
Gar qo`liga qo`l uzutsang seni eng bahtiyor etsin.

Faqat sen bo`l hayolida, porla shamsi iqbolida,
Layli Majnun misolida, sevgingni qadiriga yetsin.

Xech maxal to`kma ashkingni, yurakda saqla rashkingni,
Sadafdan-da sof ishqingni, dovrug`i tillarda ketsin.

Jarang soch bir sarchashmadek, dilga sevgidan nixol ek,
Gulga maxliyo bulbuldek, sendan o`zgani unutsin.

Isming aytsin tushlarida, sen bo`l aqlu hushlarida,
Sarmast yozu qishlarida, ishq jomidan sharob tutsin.

Zulmat shaxridan o`tsang xam, xijron zaxridan totsang xam,
Ufqingga erta botsang xam, dardingni Ahaddek yutsin.

( Ahad Qayum )