JONIM...

Jonim, jonim deb turib,
Jonimni olmang mani.
Yuragimni yondirim,
O`tlarga solmang mani.

Bir qo`nsangiz kaftimga,
Chidolmaysiz taftimga,
Oqshomlari qasdimga,
Tonggacha chalmang mani.

Men g`arib yolg`iz uchun,
Kemasiz dengiz uchun,
Yashab faqat siz uchun,
Begona bilmang mani.

Manga uymang qovoqlar,
Qilmang nozu firoqlar,
Dilga yoqmay chiroqlar,
Tig`siz o`ldirmang mani.

Gar tegsangiz g`ashimga,
Cho`ktiraman yoshimga,
Yolg`izgina boshimga,
G`avg`o to`ldirmang mani.

( Ahad Qayum )