KO`NGIL KO`CHASIDA...

Ko`ngil ko`chasida nima g`avg`olar,
Diydor kechasida nima g`avg`olar,
Visol rishtasida nima g`avg`olar,
G`avg`olarda qoldi bu boshim mani,
Yo`limni bog`lamang yo`ldoshim mani.

Ketsanggiz, yuragim yarmi yo`q oydir,
Ko`zlarim quriydi suvi yo`q soydir,
Piyolada xech kim ichmagan choydir.
Sizsiz hazon bo`lgay gultojim mani,
Yo`limni bog`lamang yo`ldoshim mani.

Meni yo`lim ahir, sizga yo`lmasmi,
Adashsak bizlarni Hudo urmasmi,
Manzil tomon birga borsak bo`lmasmi,
Yuzimni yuvmoqda ko`zyoshim mani,
Yo`limni bog`lamang yo`ldoshim mani.

Osmonlar bizlarga suyanib qolsin,
G`iybatchilar erta uyalib qolsin,
Sevishganlar bahti kuylanib qolsin,
Zulmatda nur bo`ling quyoshim mani,
Yo`limni bog`lamang yo`ldoshim mani.

Ko`ngil ko`chasida nima g`avg`olar,
Diydor kechasida nima g`avg`olar,
Visol rishtasida nima g`avg`olar,
G`avg`olarda qoldi bu boshim mani,
Yo`limni bog`lamang yo`ldoshim mani.

( Ahad Qayum )