MUXABBATNOMA!

Menga qizig`i yo`q sening o`tmishing,
Sen kimni sevgansan, kim seni sevgan,
Meni qiziqtirar ko`ngil kechmishing,
Balki yoshlik qilib hato qilgansan...

Uni bahtli qil deb Hudo buyurdi,
Men Hudoga qarshi bora olmayman,
Ko`plar undan kech deb yo`ldan xam urdi,
Buni tushuntirib bera olmayman.

Seni sevamanmi yo`qmi bilmayman,
Lekin singlimchalik yaqinsan menga,
Seni onamchalik xurmat qilaman,
Yomonam o`rganib qolibman senga.

Tug`ilishdan oldin erkak va ayol,
Hudoning oldida qasamyod etib,
Biz tug`ilsak birga bo`lamiz xatto,
Derkanlar juft bo`lib kelgaymiz qaytib.

Narigi dunyoda bergan va`dasin,
Unutib qo`yarkan bir juft yuraklar,
Muxabbat yig`laydi ruxlar yurtida,
Dil osmondan ketar bahtqush laylaklar.

Yahshilab eshitgin mening gapimni,
Vaqt ruhsat bermaydi endi hatoga,
Foydalan eng so`nggi imkoniyatdan,
Yo`qsa maxkumsan eng buyuk jazoga.

Bahtsiz qolib ketar bo`lsang sen agar,
Men o`zimni aslo kechirolmayman,
Sensizlik men uchun o`limdan battar,
Qalbimdagi o`tni o`chirolmayman...

So`rasa qasaming buzdingmi Ahad,
Qiyomatda tortib meni jazoga,
Sening xaqqing bo`lar bo`ynimda faqat,
O`sha kun ne deyman ahir Hudoga.

Menga qizig`i yo`q sening o`tmishing,
Lek butun qismating mening bo`ynimda,
Men sendan qancha ko`p qochganim sayin,
Uchrab qolavergum yana yo`lingdan...

( Ahad Qayum )