MENI SHAYDO QILGAN DILBAR

Meni shaydo qilgan dilbar,
Ishqi sarmas etdi do`stlar,
Qarashlari sirli-sirli,
O`tli boqar, o`tli boqar.

Atrofimda parvonadir,
Ta`rifi bir afsonadir,
Yurishlari mayin-mayin,
Qoshlar qoqar, qoshlar qoqar.

Diydoriga qarab to`ysam,
Lablariga labim qo`ysam,
Nafaslari shirin-shirin,
Biram yoqar, biram yoqar.

Oshiq Ahad ado bo`ldi,
Qomatiga gado bo`ldi,
Qarab qo`ysa kulib-kulib,
Gullar sochar, gullar sochar.

( Ahad Qayum )