MUXABBAT YOSH TANLAMAYDI KO`NGIL TANLAR.

Xar bir oshiq boqqa kirsa bir gul tanlar,
Nolalari qalbiga mos bulbul tanlar,
Odamlarga parvo qilmang odamlarga,
Muxabbat yosh tanlamaydi ko`ngil tanlar.

Yoshim o`tgach sevdim desa xayron bo`lmang,
Sochingdagi oqni sana deya kulmang,
Zinxor o`tgan yillarni siz xisob qilmang,
Muxabbat yosh tanlamaydi ko`ngil tanlar.

Sevgi sizdan so`rab eshik qoqmaydi xech,
Ko`zlardagi ajinlarga boqmaydi xech,
Bilsangiz u tosh yurakka sig`maydi xech,
Muxabbat yosh tanlamaydi ko`ngil tanlar.

Sevmaganlar shirin bahtni qaydan bilsin,
Dili yo`qlar bu ne`matni qaydan bilsin,
Bag`ri muzlar muxabbatni qaydan bilsin,
Muxabbat yosh tanlamaydi ko`ngil tanlar.

Qurqmay boqing muxabbatning ko`zlariga,
Yuzingizni maxkam bosing yuzlariga,
Shubxa qilmang Oshiq Ahad so`zlariga,
Muxabbat yosh tanlamaydi ko`ngil tanlar.

( Ahad Qayum )