DARDLARIMNI DEVORLARGA SO`YLAYMAN...

Dardlarimni devorlarga so`ylayman,
Qo`shiqlarim osmonlarga kuylayman,
Gar qaytmasang o`zga yorni o`ylaymi,
Mahzun-mahzun kunlar kutdim kelmading,
Uzun-uzun tunlar o`tdi kelmading.

Sog`inaman bu umrim qiynoq endi,
Oqshomlari hamrohim firoq endi,
YOlg`iz qoldim suyganim yiroq endi,
Mahzun-mahzun kunlar kutdim kelmading,
Uzun-uzun tunlar o`tdi kelmading.

Sen kelmading hijron zaxrin ichdim man,
Oyni o`pib yulduzlarni quchdim man,
Seni o`ylab bu dunyodan kechdim man,
Mahzun-mahzun kunlar kutdim kelmading,
Uzun-uzun tunlar o`tdi kelmading.

Menga qarab do`stlarim hayron kular,
Gunohim ne yuragim vayron bo`lar,
Naxot endi visoling armon bo`lar,
Mahzun-mahzun kunlar kutdim kelmading,
Uzun-uzun tunlar o`tdi kelmading.

Aybim yo`qdir, o`zim izlab bormadim,
Eslamading men ham eslab bormadim,
Ahad dedim tanim muzlab bormadim,
Mahzun-mahzun kunlar kutdim kelmading,
Uzun-uzun tunlar o`tdi kelmading.

Dardlarimni devorlarga so`ylayman,
Qo`shiqlarim osmonlarga kuylayman,
Gar qaytmasang o`zga yorni o`ylaymi,
Mahzun-mahzun kunlar kutdim kelmading,
Uzun-uzun tunlar o`tdi kelmading.

( Ahad Qayum )