YOLG`IZIM...

Kiprigim sinib ketdi, safini kamaytirib,
Yuragim ko`nib ketdi, yolg`izim seni kutib.

Omadlardan kechdimman, roxatlardan kechdimman,
Zaxri qotil ichdimman, yolg`izim seni kutib!

Bag`rim bosdim muzlarga, kunim qoldi kuzlarga,
Yashayapman uzlatda, yolg`izim seni kutib.

Yulduzga tikildim man, osmondek egildim man,
Yaproqdek to`kildim man, yolg`izim seni kutib.

Lablarim qurib ketdi, ko`zlarim so`nib ketdi,
Dilim orziqib ketdi, yolg`izim seni kutib.

Ko`nglim teshik to`rvadir, azadagi sho`rvadir,
Telba kirmas kulbadir, yolg`izim seni kutib!

Honamdagi stullar, sinib bo`ldi o`tinlar,
Zanglab ketdi kalitlar, yolg`izim seni kutib.

Tuflim tagida poshna, asfaltga bo`ldi oshna,
Bo`ldim rul`siz moshina, yolg`izim seni kutib.

( Ahad Qayum )