OSHIQLARNING OLAMINI MENDAN SO`RANG

Oshiqlarning olamini mendan so`rang,
Ayriliqning olamini mendan so`rang.

Ishq dardiga davo bormi aytolmayman,
Muxabbatning bir damini mendan so`rang.

Til uchida sevdim desa ishonmang xech,
Bevafoning xamdamini mendan so`rang.

Suymoq nima, kuymoq nima, o`lmoq nima,
Yuraklarning bu g`amini mendan so`rang.

Visol yo`lin azobini bilmasangiz,
Sabrini-yu chidamini mendan so`rang.

Ahad senga nima etmas deb so`ramang,
Xayotimning bir kamini mendan so`rang.

( Ahad Qayum )