MENSIZ...

Ko`z yoshlaring sharbating,
Pushaymonlar ulfating,
Shu bo`ldimi qismating,
Mensiz.

Yolg`onlarni qo`y, bo`ldi,
Diling maxzun kuy bo`ldi,
Kimlarga kuning qoldi,
Mensiz.

Mensiz, toshyostiqlaring,
Qalbingda og`riqlaring,
Hilvatlarni yo`qlading,
Mensiz.

Yolg`izlikning rasmida,
Hazonlarning bazmida,
Sen bahtsizsan aslida-
Mensiz.

Uyqusan, yolg`on tushsan,
Qanoti singan qushsan,
Dardu g`amlarni quchsan,
Mensiz.

Singan-qadax, singan-dil,
Qismatiga ko`ngan dil,
Sen afsusda yongan dil,
Mensiz.

Hotiralar hanjardir,
Dilginamga sanchadir,
Aytgin narhing qanchadir,
Mensiz.

Tushungin-da meni xam,
Sevaman-da xali xam,
Dilning chaqishlari xam,
Ox, netay etdi xolsiz,
Ahadsiz yasha jonsiz,
Mensiz...

( Ahad Qayum )