ISHQ MAYIDAN

Ishq mayidan sarmast gul,
Yayra, yayra,
Kuyla bulbul oshiq dil,
Sayra, sayra...

Aytgil sevasan kimni,
Ko`p og`ritma qalbimni,
Oshiqlar ichra meni,
Sayla, sayla.

Kelgin menga bo`lgin yor,
Senda mening bahtim bor,
Ishq faslida olib tor,
Kuyla, kuyla.

Dilda qolmadi toqat,
Tunlar o`tar beroxat,
Azizim meni faqat,
O`yla, o`yla.

Baht libosidan ko`ylak,
Yashna, yashna,
Sevgilim senga yurak,
Tashna, tashna.

Aytgil sevasan kimni,
Ko`p og`ritma qalbimni,
Oshiqlar ichra meni,
Sayla, sayla.

( Ahad Qayum )