ALDOQCHI!

Pisand qilmas dimoqchi,
O`zicha noz firoqchi,
Yolg`onchim-ey, yolg`onchim,
Aldoqchi!

Qo`limdan tuting deydi,
Boraman kuting deydi,
Nega unda kelmaydi,
Aldoqchi!

Va`dalar uzun terak,
Vafodan yo`qdir darak,
Makri milyon beyurak,
Aldoqchi!

So`zlarin o`ynatadi,
Ko`zlarin o`ynadai,
Jonimni qiynatadi,
Aldoqchi!

Nigoxlari yonar cho`g`,
Kipriklarin otar o`q,
Birorta rost gapi yo`q,
Aldoqchi!

Ahad deyman qasam ich,
Yana aldar erta kech,
Ishonmayman endi xech,
Aldoqchi!

Pisand qilmas dimoqchi,
O`zicha noz firoqchi,
Yolg`onchim-ey, yolg`onchim,
Aldoqchi!

( Ahad Qayum )