BUGUN SEVIB QOLDIM UCHINCHI MARTA

Birinchi sevgimni zo`rg`a unutib,
Ko`ngil qo`ygan edim ikkinchi marta,
Ne qilay undan xam bahtimni topmay,
Bugun sevib qoldim uchinchi marta.

Qandayin engiltak oshiqsan demang,
Do`stlarim ermaklab ustimdan kulmang,
Afsuski o`zim xam kutmovdim, qarang,
Bugun sevib qoldim uchinchi marta.

Yig`layman dardlarim ko`b ayta-ayta,
Sevishni o`rganib men qayta-qayta,
Adashib, birinchi ikkinchi marta,
Bugun sevib qoldim uchinchi marta.

Birinchi muxabbat bor ekan asli,
Ikkinchi muxabbat kimgadir qasdmi,
Sevgi deb o`ylabman oddiy xavasni,
Bugun sevib qoldim uchinchi marta.

O`ylamang, bu xam tez o`tib ketadi,
Keyin to`rtinchiga navbat etadi,
Xar kun sevib-sevib umr o`tadi,
Bugun sevib qoldim uchinchi marta.

Avvalgilaridan butunlay tondim,
Yuragim so`ziga endi ishondim,
Aslida birinchi marta quvondim,
Bugun sevib qolib uchinchi marta.

Ahad yasholmaydi sevgisiz, kuysiz,
Yoshlik-beboshlikda nima xam deysiz,
Qizlar chiroylida ko`rib, qaraysiz,
Yana sevib qoldim � UCHINCHI marta!
Voy-dod o`lib qoldim...... marta......

( Ahad Qayum )