EY NARGIZA!

Sog`inyapman, ko`zlaringni, so`zlaringni,
Meni kutgan, meni sevgan kezlaringni.
Izlayapman, men zor bo`lib izlaringni,
Naxot ketding, mendan qalbing uza-uza,
Ey Nargiza!

Sog`inyapman, kulib-kulib erkalashing,
Oromimdan ayiraradi bir qarashing,
Bilganimda buncha qalbim tilkalashing,
Sevmasmidim, hayollarga suza-suza,
Ey Nargiza!

Ey Nargiza, sevgi nima sening uchun,
Devonangman, tuzog`ingga bo`lib tutqun,
Aytgin buncha ko`ngil berdim senga nechun,
Yana sevdim qasamlarim buza-buza,
Ey Nargiza!

Buhoroda shamol essa mayin-mayin,
Toshkanlarda ezildim-ku men kun sayin,
Ahadga xam yolg`izlikda endi qiyin,
Seni tanlab qo`ydim yo`ldan oza-oza,
Ey Nargiza!

( Ahad Qayum )