YURAGINGGA ISMIM YOZ...

Sevgingga qasamim rost, suratim bag`ringga bos,
Sendan bitta iltimos, yuragingga ismim yoz...

Xech nimani o`ylama, meni buncha qiynama,
Takror va`da aylama, yuragingga ismim yoz.

Shirinimsan, erkamsan, ko`nglim kabi ko`rkamsan,
Osmonda tug`ilgansan, yuragingga ismim yoz.

So`ramasman shon davlat, qalbingda bo`lsam faqat,
Shuning o`zi menga baht, yuragingga ismim yoz.

Shohdagi bulbul kabi, gul bilan ko`ngil kabi,
Telbaday sevdim sani, yuragingga ismim yoz.

Oshiq Ahad aylar roz, qo`llarida o`tli soz,
Maylin qilgin firoq noz, yuragingga ismim yoz.

( Ahad Qayum )