NEGA?!

Kuzning chinqirig`i yaproqqa ermak,
Hazonning ko`z yoshi tuproqqa ermak,
Oshiqlarning oxi gumroxga ermak,
Nega?

Meni istar ko`ngil, menga yor emas,
Men istagan dillar menga zor emas,
Orsizga hiyonat nega or emas,
Nega?

Kechagi shabnamday ochilgan g`uncha,
Mingta qo`ldan o`tar bo`yga etguncha,
Bu dunyo naxotki beshavqat shuncha,
Nega?

Nega bahtning qasri mendan begona,
Nega vafo darsi sendan begona,
Bugun biz yolg`onmas chindan begona,
Nega... Nega?
Nega!!!

Yiqildim, tizzamni tirnadi tikan,
Yurakdagi dardim o`zimdan ulkan,
NEGA o`zgalardek kulmayman men xam,
Nega?

Kimdir deydi, Ahad o`tib ketadi,
Azoblar ko`ngilni yirtib ketadi,
Xar laxza ilxom dil chertib ketadi,
Nega?

Kuzning chinqirig`i yaproqqa ermak,
Hazonning ko`z yoshi tuproqqa ermak,
Oshiqlarning oxi gumroxga ermak,
Nega?

( Ahad Qayum )