O‘LIKNING TIRILISHI (MURDA ZINDA SHUDAN) Kirmoniy (r.a.)ning aytishicha, tushida o‘likning tirilganini ko‘rsa, ahvoli yaxshi bo‘lishini bildiradi, xususan, u ochiq yuzli bo‘lsa. Agar tirikni o‘lgan holda ko‘rsa, ahvoli yomon bo‘lishiga dalildir, xususan, yuzi g‘amgin holda bo‘lsa. Agar o‘lgan otasini tirik, xurram va ochiq yuzli holda, pokiza libosda ko‘rsa, davlat va iqbol topishiga, ishlari soz bo‘lishiga dalildir. Agar onasini tirik holda ko‘rsa, g‘amdan qutilib, shod bo‘lishiga dalildir. Agar ayol kishi tushida o‘g‘lining tirilganini ko‘rsa, safardagi kishisi qaytib kelishiga dalildir. Agar begona bir o‘lik tirilganini ko‘rsa, o‘sha murdaning qarindoshlari yaxshi holatda bo‘lishlariga dalildir. Agar tirikni o‘lib qolganini ko‘rsa, ta’biri yuqoridagining aksi bo‘ladi. Tushida o‘likni tiriltirganini ko‘rsa, g‘ayridin odam uning qo‘lida musulmon bo‘lishiga dalildir. Jobir Magribiy (r.a.)ning aytishicha, har kim tushida o‘lgan ota va onasini g‘amgin va eski liboslarda ko‘rsa, davlati va iqboliga nuqson yetishiga dalildir, chunki u X,aq ta’olo saroyidadir. Tushda o‘likni qay ahvolda ko‘rsa, o‘ngida tirikning ahvoliga dalildir. Agar tushida otasini yoki ota-onasini ochiq yuzli va pokiza kiyimlarda ko‘rsa, ko‘p ne’mat topishiga dalildir. Agar o‘lgan aka yoki ukasini yuqorida aytilgan holatda ko‘rsa, sharaf, ulug‘lik va obro‘ topishiga dalildir. Buning aksini ko‘rsa, ta’biri ham aksincha bo‘ladi. Kirmoni (r.a.)ning aytishicha, tushida murdani ko‘rib, sen murdamisan, deb so‘rasa, murda esa, yo‘q tirikman, deb javob berganini ko‘rsa, murdaning ahvoli u jahonda yaxshi bo‘ladi. Va bu oyat murda nima desa, to‘g‘ri ekanligiga dalildir. Agar murdaning shod va xurram holda o‘z uyiga kirganini va o‘tirganini ko‘rsa, sadaqa va duolar unga yetayotganiga dalildir. Ja’far Sodiq (r.a.)ning aytishicha, tushida o‘lik o‘z uyida uni quchog‘iga olganini ko‘rsa, tandurust va salomat bo‘lishiga, davlat va iqbol topishiga dalildir. Agar bu murda o‘z qarindoshlaridan bo‘lsa, undan duo va sadaqa umid qilayotganiga dalildir. Agar har kim o‘z oilasidan bo‘lgan o‘likni shod ko‘rsa, ahli oilasi shodlikda va xurramlikda bo‘lishlariga dalildir. Agar o‘likni xo‘mraygan va g‘amgin holda ko‘rsa, ta’biri aksincha bo‘ladi. Agar oilasidan bo‘lgan bir o‘lik unga tashlanganini va tortishganini yoki undan yuz o‘girganini ko‘rsa, o‘sha murda vasiyat qilgan bo‘lsa, vasiyatini amalga oshirmaganiga dalildir. Tushida o‘lik uning oldiga shodu xandon holda kelganini ko‘rsa, duo va sadaqa unga yetganiga dalildir. Agar buning aksini ko‘rsa, uning haqida nuqsonga yo‘l qo‘yganiga dalildir. Tushida o‘lik bilan yaxshi gaplashganini ko‘rsa, ahvoli yaxshi bo‘lishiga dalildir. Agar yomon gaplashsa yoki unga nasihat qilsa, ta’biri boshqacha bo‘ladi. Agar o‘lik unga ilm va hikmatdan gapirsa yoki unga va’zu nasihat qilsa, tush ko‘ruvchining din va diyonatda solih va yaxshiligiga dalildir. Agar o‘likni tirikligidagi holiga nisbatan yaxshiroq holda ko‘rsa, liboslari pokiza bo‘lsa, ishlarining oxiri xayrli va saodatli bo‘lishiga dalildir. Hofiz Muabbirning aytishicha, tushida murdaga iltifot qilmaganini va so‘z aytmaganini ko‘rsa, tush ko‘ruvchi o‘lik uchun sadaqa qilishi va haqiga duo qilishi kerak bo‘ladi. Agar murdani xo‘mraygan va g‘amgin ko‘rsa, osiy va gunohkor bo‘lishiga dalildir. Tushida murdaninig yig‘laganini va yana kulganini ko‘rsa, o‘sha murdaning musulmon holda o‘lmaganiga dalildir. Agar murdaning yuzini qoraygan holda ko‘rsa, kofir bo‘lib o‘lganiga dalildir. Alloh ta’olo aytadi: Ba’zi yuzlar oqaradigan va ba’zi yuzlar qorayadigan Kun (qiyomat)ni eslang. . . (Oli Imron surasi, 106-oyat). Agar o‘likni ezilgan va libossiz holda ko‘rsa, bu murdaning holini bildiradi. Ismoil Ash’as (r.a.)ning aytishicha, tushida murdaning namozda turganini ko‘rsa, murda tiriklik paytida ko‘p istig‘for aytganiga dalildir.
ЎЛИКНИНГ ТИРИЛИШИ (МУРДА ЗИНДА ШУДАН) Кирмоний (р.а.)нинг айтишича, тушида ўликнинг тирилганини кўрса, аҳволи яхши бўлишини билдиради, хусусан, у очиқ юзли бўлса. Агар тирикни ўлган ҳолда кўрса, аҳволи ёмон бўлишига далилдир, хусусан, юзи ғамгин ҳолда бўлса. Агар ўлган отасини тирик, хуррам ва очиқ юзли ҳолда, покиза либосда кўрса, давлат ва иқбол топишига, ишлари соз бўлишига далилдир. Агар онасини тирик ҳолда кўрса, ғамдан қутилиб, шод бўлишига далилдир. Агар аёл киши тушида ўғлининг тирилганини кўрса, сафардаги кишиси қайтиб келишига далилдир. Агар бегона бир ўлик тирилганини кўрса, ўша мурданинг қариндошлари яхши ҳолатда бўлишларига далилдир. Агар тирикни ўлиб қолганини кўрса, таъбири юқоридагининг акси бўлади. Тушида ўликни тирилтирганини кўрса, ғайридин одам унинг қўлида мусулмон бўлишига далилдир. Жобир Магрибий (р.а.)нинг айтишича, ҳар ким тушида ўлган ота ва онасини ғамгин ва эски либосларда кўрса, давлати ва иқболига нуқсон етишига далилдир, чунки у Х,ақ таъоло саройидадир. Тушда ўликни қай аҳволда кўрса, ўнгида тирикнинг аҳволига далилдир. Агар тушида отасини ёки ота-онасини очиқ юзли ва покиза кийимларда кўрса, кўп неъмат топишига далилдир. Агар ўлган ака ёки укасини юқорида айтилган ҳолатда кўрса, шараф, улуғлик ва обрў топишига далилдир. Бунинг аксини кўрса, таъбири ҳам аксинча бўлади. Кирмони (р.а.)нинг айтишича, тушида мурдани кўриб, сен мурдамисан, деб сўраса, мурда эса, йўқ тирикман, деб жавоб берганини кўрса, мурданинг аҳволи у жаҳонда яхши бўлади. Ва бу оят мурда нима деса, тўғри эканлигига далилдир. Агар мурданинг шод ва хуррам ҳолда ўз уйига кирганини ва ўтирганини кўрса, садақа ва дуолар унга етаётганига далилдир. Жаъфар Содиқ (р.а.)нинг айтишича, тушида ўлик ўз уйида уни қучоғига олганини кўрса, тандуруст ва саломат бўлишига, давлат ва иқбол топишига далилдир. Агар бу мурда ўз қариндошларидан бўлса, ундан дуо ва садақа умид қилаётганига далилдир. Агар ҳар ким ўз оиласидан бўлган ўликни шод кўрса, аҳли оиласи шодликда ва хуррамликда бўлишларига далилдир. Агар ўликни хўмрайган ва ғамгин ҳолда кўрса, таъбири аксинча бўлади. Агар оиласидан бўлган бир ўлик унга ташланганини ва тортишганини ёки ундан юз ўгирганини кўрса, ўша мурда васият қилган бўлса, васиятини амалга оширмаганига далилдир. Тушида ўлик унинг олдига шоду хандон ҳолда келганини кўрса, дуо ва садақа унга етганига далилдир. Агар бунинг аксини кўрса, унинг ҳақида нуқсонга йўл қўйганига далилдир. Тушида ўлик билан яхши гаплашганини кўрса, аҳволи яхши бўлишига далилдир. Агар ёмон гаплашса ёки унга насиҳат қилса, таъбири бошқача бўлади. Агар ўлик унга илм ва ҳикматдан гапирса ёки унга ваъзу насиҳат қилса, туш кўрувчининг дин ва диёнатда солиҳ ва яхшилигига далилдир. Агар ўликни тириклигидаги ҳолига нисбатан яхшироқ ҳолда кўрса, либослари покиза бўлса, ишларининг охири хайрли ва саодатли бўлишига далилдир. Ҳофиз Муаббирнинг айтишича, тушида мурдага илтифот қилмаганини ва сўз айтмаганини кўрса, туш кўрувчи ўлик учун садақа қилиши ва ҳақига дуо қилиши керак бўлади. Агар мурдани хўмрайган ва ғамгин кўрса, осий ва гуноҳкор бўлишига далилдир. Тушида мурданиниг йиғлаганини ва яна кулганини кўрса, ўша мурданинг мусулмон ҳолда ўлмаганига далилдир. Агар мурданинг юзини қорайган ҳолда кўрса, кофир бўлиб ўлганига далилдир. Аллоҳ таъоло айтади: Баъзи юзлар оқарадиган ва баъзи юзлар қораядиган Кун (қиёмат)ни эсланг. . . (Оли Имрон сураси, 106-оят). Агар ўликни эзилган ва либоссиз ҳолда кўрса, бу мурданинг ҳолини билдиради. Исмоил Ашъас (р.а.)нинг айтишича, тушида мурданинг намозда турганини кўрса, мурда тириклик пайтида кўп истиғфор айтганига далилдир.
Tush.UZ - Tushlar tabiri