QIYOMAT (RUSTAXEZ) Ibn Sirin (r.a.) aytadiki, qiyomat bo‘lganini ko‘rsa (Qiyomat bo‘lishiga iymon keltiramiz va uni tasdiq etamiz), Alloh ta’olo o‘sha diyorda adolatni yoyishiga dalildir. Agar o‘sha diyor podshohi zolim bo‘lsa, ularga ofat va balo yuborilishini bildiradi, agar mazlum bo‘lsa, ularni zolimlar ustidan g‘olib kelishiga dalildir. Tushida diyor ahlini Alloh ta’olo huzurida turganlarini ko‘rsa, Alloh ta’olo ularga o‘z g‘azabini yuborishiga dalildir. Tushida qiyomat boshlanganini ko‘rsa, mazlumlar zolimlarni yengishini bildiradi, agar ular g‘amu anduh va qiyinchilikda bo‘lsalar, bundan xalos bo‘lishlariga dalildir. Tushida qiyomat belgilaridan bo‘lmishi bir belgi paydo bo‘lganini, masalan, quyoshning g‘arbdan chiqqanini, Ya’juj va Ma’juj yoki Dajjol paydo bo‘lganini ko‘rsa, ta’biri shuki, tavba qiladi va Xudoyi ta’ologa qaytadi. Tushida hisob-kitob qilinadigan joyga borganini ko‘rsa, bu g‘aflatda qolganlikni nishonidir. Tushida so‘roq qilinganini ko‘rsa, unga ziyon yetishiga dalildir. Tushida uning ishlari tarozuda tortilgani va yaxshi ishlari ko‘p chiqqanini ko‘rsa, oqibati yaxshi bo‘lishini bildiradi. Alloh ta’olo aytadi: O‘sha kuni vazn (amallarni o‘lchab tortishlik) haqiqatdir. Kimning mezonlari (amallari) og‘ir kelsa, aynan o‘shalar tolei yor kishilardir (A’rof surasi, 8-oyat). Tushida tarozuda tortilganda yomonligi ko‘p chiqqanini ko‘rsa, joyi Do‘zax bo‘lishiga dalildir. Alloh ta’olo aytadi: Kimning mezonlari (amallari) yengil kelsa, ana o‘shalar oyatlari mizga zulm (inkor) qilganlari sababli, o‘zlariga ziyon qilganlardir (A’rof surasi, 9-oyat). Tushida unga nomayi a’moli berilganini va u o‘ng qo‘ldan olganini ko‘rsa, ishlari o‘ngdan kelishi, din yo‘lida ishlari to‘g‘ri bo‘lishidan umid qilinadi. Alloh ta’olo aytadi: Biz O‘z payg‘ambarlarimizni hujjat (mo‘’jiza)lar bilan yubordik va ular bilan birga Kitob hamda odamlar adolatni barpo qilishlari uchun mezon (tarozi) tushirdik. . . (Xadid surasi, 25-oyat). Tushida unga nomayi a’molini berganlarini va unga o‘qishni buyurganlarini ko‘rsa, bu odam hayotda yaxshi kishylardan bo‘lsa, ishlari yaxshi bo‘lishi, yomon kishilardan bo‘lsa, ishi xatarda ekanini bildiradi. Alloh ta’olo aytadi: (Unga aytilur): Kitobingni o‘qi! Bugun o‘z shaxsing o‘zingga qarshi yetarli hisob-chidir (Isro surasi, 14-oyat). Agar o‘zini Sirot ustida ekanini tushida ko‘rsa, to‘g‘ri yo‘lda ekaniga dalildir. Sirotdan o‘tolmaganini tush ko‘rsa, xato yo‘lda ekanini bildiradi, u Xudoyi ta’olo rozi bo‘lishi uchun tavba qilmog‘i zarur. Ja’far Sodiq (r.a.)ning aytishicha, tushdagi qiyomat solih kishilar uchun to‘rt narsani bildiradi: muvaffaqiyatni; g‘amdan qutilishni; dushman ustidan g‘alaba qazonishni; iqbol va oqibati saodatli bo‘lishni. Yomon odamlar uchun bularning aksi bo‘ladi.
ҚИЁМАТ (РУСТАХЕЗ) Ибн Сирин (р.а.) айтадики, қиёмат бўлганини кўрса (Қиёмат бўлишига иймон келтирамиз ва уни тасдиқ этамиз), Аллоҳ таъоло ўша диёрда адолатни ёйишига далилдир. Агар ўша диёр подшоҳи золим бўлса, уларга офат ва бало юборилишини билдиради, агар мазлум бўлса, уларни золимлар устидан ғолиб келишига далилдир. Тушида диёр аҳлини Аллоҳ таъоло ҳузурида турганларини кўрса, Аллоҳ таъоло уларга ўз ғазабини юборишига далилдир. Тушида қиёмат бошланганини кўрса, мазлумлар золимларни енгишини билдиради, агар улар ғаму андуҳ ва қийинчиликда бўлсалар, бундан халос бўлишларига далилдир. Тушида қиёмат белгиларидан бўлмиши бир белги пайдо бўлганини, масалан, қуёшнинг ғарбдан чиққанини, Яъжуж ва Маъжуж ёки Дажжол пайдо бўлганини кўрса, таъбири шуки, тавба қилади ва Худойи таъолога қайтади. Тушида ҳисоб-китоб қилинадиган жойга борганини кўрса, бу ғафлатда қолганликни нишонидир. Тушида сўроқ қилинганини кўрса, унга зиён етишига далилдир. Тушида унинг ишлари тарозуда тортилгани ва яхши ишлари кўп чиққанини кўрса, оқибати яхши бўлишини билдиради. Аллоҳ таъоло айтади: Ўша куни вазн (амалларни ўлчаб тортишлик) ҳақиқатдир. Кимнинг мезонлари (амаллари) оғир келса, айнан ўшалар толеи ёр кишилардир (Аъроф сураси, 8-оят). Тушида тарозуда тортилганда ёмонлиги кўп чиққанини кўрса, жойи Дўзах бўлишига далилдир. Аллоҳ таъоло айтади: Кимнинг мезонлари (амаллари) енгил келса, ана ўшалар оятлари мизга зулм (инкор) қилганлари сабабли, ўзларига зиён қилганлардир (Аъроф сураси, 9-оят). Тушида унга номайи аъмоли берилганини ва у ўнг қўлдан олганини кўрса, ишлари ўнгдан келиши, дин йўлида ишлари тўғри бўлишидан умид қилинади. Аллоҳ таъоло айтади: Биз Ўз пайғамбарларимизни ҳужжат (мўъжиза)лар билан юбордик ва улар билан бирга Китоб ҳамда одамлар адолатни барпо қилишлари учун мезон (тарози) туширдик. . . (Хадид сураси, 25-оят). Тушида унга номайи аъмолини берганларини ва унга ўқишни буюрганларини кўрса, бу одам ҳаётда яхши кишйлардан бўлса, ишлари яхши бўлиши, ёмон кишилардан бўлса, иши хатарда эканини билдиради. Аллоҳ таъоло айтади: (Унга айтилур): Китобингни ўқи! Бугун ўз шахсинг ўзингга қарши етарли ҳисоб-чидир (Исро сураси, 14-оят). Агар ўзини Сирот устида эканини тушида кўрса, тўғри йўлда эканига далилдир. Сиротдан ўтолмаганини туш кўрса, хато йўлда эканини билдиради, у Худойи таъоло рози бўлиши учун тавба қилмоғи зарур. Жаъфар Содиқ (р.а.)нинг айтишича, тушдаги қиёмат солиҳ кишилар учун тўрт нарсани билдиради: муваффақиятни; ғамдан қутилишни; душман устидан ғалаба қазонишни; иқбол ва оқибати саодатли бўлишни. Ёмон одамлар учун буларнинг акси бўлади.
Tush.UZ - Tushlar tabiri