QO‘Y (GO‘SPAND) Ibn Sirin (r.a.)ning aytishicha, tushdagi qo‘y harbiy o‘ljani bildiradi. Tushida qo‘ylarni o‘tlatib yurganini ko‘rsa, bir guruh ustidan ulug‘lik va rahbarlik topishiga dalildir. Qo‘ylarning ba’zisi oq, ba’zisi qora ekanini ko‘rsa, o‘sha guruhning ba’zisi arab, ba’zisi ajam ekaniga dalildir. Tushida ko‘p qo‘ylarning yig‘ilganini va ular o‘zining mulki ekanini ko‘rsa, ko‘p boylik topishiga dalildir. Tushida yelkasiga qo‘y ko‘targanini ko‘rsa, birovning omonatini gardaniga olishiga dalildir. Tushida pishirilgan qo‘y go‘shtidan yeganini ko‘rsa harbiy o‘ljaga ega bo‘lishini bildiradi. Qovurilgan qo‘y go‘shtidan yeganini ko‘rsa, g‘amu anduhga dalil bo‘ladi. Tushida yeyish uchun qo‘y so‘yganini ko‘rsa, dushmanni yengishini va molidan yeyishini bildiradi. Kirmoniy (r.a.)ning aytishicha, tushida qo‘chqor qo‘yi topganini yoki birov berganini ko‘rsa, ulug‘ bir odam bilan suhbatdosh bo‘lishi va unda ulug‘lik va boylik topishiga dalildir. Tushida qo‘chqorning bo‘g‘izlanganini va qo‘yib yuborganini ko‘rsa, bir ulug‘ odam ustidan zafar qazonishi, molini tortib olishi va xarj qilishiga dalildir. Tushida qo‘chqor ustiga o‘tirganini, uning itoatli va bo‘ysunuvchi ekanini ko‘rsa, bir ulug‘ odamning ustidan zafarga ega bo‘lishiga dalildir. Tushida qo‘chqor uni yengganini ko‘rsa, ta’biri aksincha bo‘ladi. Tushida qo‘chqorning boshi va oyog‘ini sindirganini ko‘rsa, aytilgan odamni yengishiga dalildir. Tushida qo‘chqorning oyog‘i va boshi uzun va kuchli ekanini ko‘rsa, o‘sha aytilgan odam kuchli va qudratli ekaniga dalildir. Tushida qo‘chqorning yungi uzun ekanini ko‘rsa, molu davlatning ziyoda bo‘lishini bildiradi. Tushida qo‘chqorning yungi ko‘pligini va bu yunglar o‘ziniki ekanini ko‘rsa, uning mikdoriga qarab odamlarga farmon berishiga, ular o‘zining qo‘l ostida bo‘lishlariga, ulardan ko‘pgina molu davlat topishiga dalildir. Mag‘ribiy (r.a.)ning aytishicha, tushdagi sovliq qo‘y ulug‘ va saxiy ayol bo‘ladi. Tushida sovliq topganini yoki birov unga berganini ko‘rsa, aytilgan sifatdagi ayol unga do‘st va talabgor bo‘ladi va undan mol hosil qiladi. Tushida sovliq qo‘yi yo‘qolib qolganini ko‘rsa, o‘sha xotin undan judo bo‘ladi. Ismoil Ash’as (r.a.)ning aytishicha, tushida sovliq qo‘yni bo‘g‘izlaganini ko‘rsa, pokiza bir ayolga bo‘hton qilishini ko‘rsatadi. Agar sovliq qo‘y qora bo‘lsa, arab xotinni, oq bo‘lsa, ajamiy xotinni bildiradi. Qo‘yning terisi halol mol bo‘ladi. Tushda qo‘yni ko‘rish besh narsaga dalildir: ulug‘likka; ulug‘ ayolga; molga; farmonga; izzat va manfaatga.
ҚЎЙ (ГЎСПАНД) Ибн Сирин (р.а.)нинг айтишича, тушдаги қўй ҳарбий ўлжани билдиради. Тушида қўйларни ўтлатиб юрганини кўрса, бир гуруҳ устидан улуғлик ва раҳбарлик топишига далилдир. Қўйларнинг баъзиси оқ, баъзиси қора эканини кўрса, ўша гуруҳнинг баъзиси араб, баъзиси ажам эканига далилдир. Тушида кўп қўйларнинг йиғилганини ва улар ўзининг мулки эканини кўрса, кўп бойлик топишига далилдир. Тушида елкасига қўй кўтарганини кўрса, бировнинг омонатини гарданига олишига далилдир. Тушида пиширилган қўй гўштидан еганини кўрса ҳарбий ўлжага эга бўлишини билдиради. Қовурилган қўй гўштидан еганини кўрса, ғаму андуҳга далил бўлади. Тушида ейиш учун қўй сўйганини кўрса, душманни енгишини ва молидан ейишини билдиради. Кирмоний (р.а.)нинг айтишича, тушида қўчқор қўйи топганини ёки биров берганини кўрса, улуғ бир одам билан суҳбатдош бўлиши ва унда улуғлик ва бойлик топишига далилдир. Тушида қўчқорнинг бўғизланганини ва қўйиб юборганини кўрса, бир улуғ одам устидан зафар қазониши, молини тортиб олиши ва харж қилишига далилдир. Тушида қўчқор устига ўтирганини, унинг итоатли ва бўйсунувчи эканини кўрса, бир улуғ одамнинг устидан зафарга эга бўлишига далилдир. Тушида қўчқор уни енгганини кўрса, таъбири аксинча бўлади. Тушида қўчқорнинг боши ва оёғини синдирганини кўрса, айтилган одамни енгишига далилдир. Тушида қўчқорнинг оёғи ва боши узун ва кучли эканини кўрса, ўша айтилган одам кучли ва қудратли эканига далилдир. Тушида қўчқорнинг юнги узун эканини кўрса, молу давлатнинг зиёда бўлишини билдиради. Тушида қўчқорнинг юнги кўплигини ва бу юнглар ўзиники эканини кўрса, унинг микдорига қараб одамларга фармон беришига, улар ўзининг қўл остида бўлишларига, улардан кўпгина молу давлат топишига далилдир. Мағрибий (р.а.)нинг айтишича, тушдаги совлиқ қўй улуғ ва сахий аёл бўлади. Тушида совлиқ топганини ёки биров унга берганини кўрса, айтилган сифатдаги аёл унга дўст ва талабгор бўлади ва ундан мол ҳосил қилади. Тушида совлиқ қўйи йўқолиб қолганини кўрса, ўша хотин ундан жудо бўлади. Исмоил Ашъас (р.а.)нинг айтишича, тушида совлиқ қўйни бўғизлаганини кўрса, покиза бир аёлга бўҳтон қилишини кўрсатади. Агар совлиқ қўй қора бўлса, араб хотинни, оқ бўлса, ажамий хотинни билдиради. Қўйнинг териси ҳалол мол бўлади. Тушда қўйни кўриш беш нарсага далилдир: улуғликка; улуғ аёлга; молга; фармонга; иззат ва манфаатга.
Tush.UZ - Tushlar tabiri