TUSHDA O‘LMOQ (MURDANDARXOB) Tushida o‘lib qolganini, odamlar yig‘layotganini yoki uni bog‘lab, kafanga olganlarini, tobutga solib, go‘rga ko‘yganlarini ko‘rsa, bularning barchasi dinda nosozlikning dalilidir. Agar uni go‘rda tiriltirib, tashqariga chiqarayotgan bo‘lsalar, ta’biri boshqacha bo‘ladi. Tushida uni dafn qilganlarini, go‘riga tuproq bosganlarini, odamlar orqaga qaytganlarini ko‘rsa, dini hech qachon tuzalmasligiga dalildir. Ba’zilarning aytishicha, tushida o‘lsa, tezda janoza o‘qib, tobutga solganlarini, tobuti orqasidan ko‘plab odamlarning ketayotganini ko‘rsa, sharaf va ulug‘lik topishiga, boshliq bo‘lishiga, biroq odamlarga zulm qilishiga dalildir. Agar tushida o‘lganini, yana qaytib tirilganini ko‘rsa, qilgan gunohiga tavba qilishini bildiradi. Ba’zi ta’birchilarning aytishicha, umri uzoq bo‘ladi. Tushida birov, sen hechqachon o‘lmaysan, deganini ko‘rsa, g‘azoda shahid bo‘lishiga dalildir. Tushida o‘lganini, bir odam unga qarayotganini, tobuti orqasida hech kim yo‘qligini ko‘rsa, xarob bo‘lgan uyi hechqachon obod bo‘lmasligiga dalildir. Tushida o‘zini o‘liklar orasida ko‘rsa va o‘zini o‘lgan deb tasavvur qilsa, johil odamlar bilan safar qilishini bildiradi. Ibn Sirin (r.a.)ning aytishicha, har kim o‘zini yaxshi odamlar nazarida qanday ekanini bilmoqchi bo‘lsa, agar murdalar tushda unga bashorat bersalar, u bilan yaxshi so‘zlashsalar, ochiq yuzli bo‘lsalar, demak uning holi Haq ta’olo qoshida yaxshi bo‘ladi. Agar murdalar unga noxush so‘zlarni aytsalar, undan yuz o‘girsalar, uning holi Xaq ta’olo oldida yomon ekaniga dalildir. Jobir Mag‘ribiy (r.a.)ning aytishicha, tushidagi nogohoniy o‘lim mo‘’min kishi uchun rohat, kofir uchun azobdir. Agar nogohoniy bo‘lmasa, dinning buzilishiga dalildir. Tushda jon berishning qanchalik og‘ir bo‘lganini ko‘rsa, azob va uqubat shunchalik kuchli bo‘lishini bildiradi. Tushida o‘lganini va kimdir uni yuvganini ko‘rsa, tavba qiluvchi bo‘lishiga dalildir. Tushida tobuti orqasidagi odamlar havoda ketayotganlarini ko‘rsa, o‘sha shahardagi bir ulug‘ odam safarda o‘lishiga dalildir. Kirmoniy (r.a.)ning aytishicha, tushida o‘lganini va uni tobutga solganini, xalq tobuti orqasidan ketayotganlarini ko‘rsa, o‘ziga yarasha ulug‘lik topishiga dalildir. Agar murda tobutda og‘ir bo‘lsa, odamlarga nisbatan zolim va qahrli bo‘lishiga dalildir. Agar murda tobutda yengil ekanini ko‘rsa, xalqqa yaxshilik qilishiga dalildir. Agar o‘likni yelkasida ko‘tarib olib ketayotganini ko‘rsa, harom mol topishiga dalildir. Tushida birovning o‘lganini, uni tobutga solganini va tobutni yelkaga olganlarini ko‘rsa, o‘sha odamning podshoh xizmatiga kirishi va undan rohatu foyda ko‘rishiga dalildir. Agar o‘lib, so‘ng tirilganini ko‘rsa, u yashayotgan shahar xarob bo‘lishiga dalildir. Agar yana qaytib o‘lganini ko‘rsa, uning farzandlaridan kimdir o‘lishiga dalildir. Tushida farzandlaridan biri o‘lib qolganini ko‘rsa, boy bo‘lishini bildiradi. Yana, dushmandan omon bo‘ladi, ham deyishadi. Tushida ota va onasi o‘lib qolganini qo‘rsa, ishlari vayron bo‘lishiga dalildir. Agar ayol kishi tushida homilador ekanini so‘ng o‘lib qolganini, odamlar unga yig‘lashayotganini ko‘rsa, o‘g‘il tug‘ilishiga dalildir. Ismoil Apgas (r.a.)ning aytishicha, tushida o‘lik yana bir marta o‘lganini, o‘likka baqirib yig‘lashmayotganini, balki ohista yig‘izori bo‘layotganini ko‘rsa, o‘sha oiladan bir ayolga uylanishiga va shodu xurramlik bo‘lishiga dalildir. Agar tushida o‘lsa, ayollar va erkaklar dodlashib yig‘layotganini ko‘rsa, oilasiga g‘am va anduh yetishiga dalildir. Agar ayol kishi o‘zining o‘lganini, yuvishganini va tobutga solishganini ko‘rsa, yaxshi so‘zlar aytishiga dalildir. Agar uni dafn qilishganini ko‘rsa, yomon bo‘ladi.
ТУШДА ЎЛМОҚ (МУРДАНДАРХОБ) Тушида ўлиб қолганини, одамлар йиғлаётганини ёки уни боғлаб, кафанга олганларини, тобутга солиб, гўрга кўйганларини кўрса, буларнинг барчаси динда носозликнинг далилидир. Агар уни гўрда тирилтириб, ташқарига чиқараётган бўлсалар, таъбири бошқача бўлади. Тушида уни дафн қилганларини, гўрига тупроқ босганларини, одамлар орқага қайтганларини кўрса, дини ҳеч қачон тузалмаслигига далилдир. Баъзиларнинг айтишича, тушида ўлса, тезда жаноза ўқиб, тобутга солганларини, тобути орқасидан кўплаб одамларнинг кетаётганини кўрса, шараф ва улуғлик топишига, бошлиқ бўлишига, бироқ одамларга зулм қилишига далилдир. Агар тушида ўлганини, яна қайтиб тирилганини кўрса, қилган гуноҳига тавба қилишини билдиради. Баъзи таъбирчиларнинг айтишича, умри узоқ бўлади. Тушида биров, сен ҳечқачон ўлмайсан, деганини кўрса, ғазода шаҳид бўлишига далилдир. Тушида ўлганини, бир одам унга қараётганини, тобути орқасида ҳеч ким йўқлигини кўрса, хароб бўлган уйи ҳечқачон обод бўлмаслигига далилдир. Тушида ўзини ўликлар орасида кўрса ва ўзини ўлган деб тасаввур қилса, жоҳил одамлар билан сафар қилишини билдиради. Ибн Сирин (р.а.)нинг айтишича, ҳар ким ўзини яхши одамлар назарида қандай эканини билмоқчи бўлса, агар мурдалар тушда унга башорат берсалар, у билан яхши сўзлашсалар, очиқ юзли бўлсалар, демак унинг ҳоли Ҳақ таъоло қошида яхши бўлади. Агар мурдалар унга нохуш сўзларни айтсалар, ундан юз ўгирсалар, унинг ҳоли Хақ таъоло олдида ёмон эканига далилдир. Жобир Мағрибий (р.а.)нинг айтишича, тушидаги ногоҳоний ўлим мўъмин киши учун роҳат, кофир учун азобдир. Агар ногоҳоний бўлмаса, диннинг бузилишига далилдир. Тушда жон беришнинг қанчалик оғир бўлганини кўрса, азоб ва уқубат шунчалик кучли бўлишини билдиради. Тушида ўлганини ва кимдир уни ювганини кўрса, тавба қилувчи бўлишига далилдир. Тушида тобути орқасидаги одамлар ҳавода кетаётганларини кўрса, ўша шаҳардаги бир улуғ одам сафарда ўлишига далилдир. Кирмоний (р.а.)нинг айтишича, тушида ўлганини ва уни тобутга солганини, халқ тобути орқасидан кетаётганларини кўрса, ўзига яраша улуғлик топишига далилдир. Агар мурда тобутда оғир бўлса, одамларга нисбатан золим ва қаҳрли бўлишига далилдир. Агар мурда тобутда енгил эканини кўрса, халққа яхшилик қилишига далилдир. Агар ўликни елкасида кўтариб олиб кетаётганини кўрса, ҳаром мол топишига далилдир. Тушида бировнинг ўлганини, уни тобутга солганини ва тобутни елкага олганларини кўрса, ўша одамнинг подшоҳ хизматига кириши ва ундан роҳату фойда кўришига далилдир. Агар ўлиб, сўнг тирилганини кўрса, у яшаётган шаҳар хароб бўлишига далилдир. Агар яна қайтиб ўлганини кўрса, унинг фарзандларидан кимдир ўлишига далилдир. Тушида фарзандларидан бири ўлиб қолганини кўрса, бой бўлишини билдиради. Яна, душмандан омон бўлади, ҳам дейишади. Тушида ота ва онаси ўлиб қолганини қўрса, ишлари вайрон бўлишига далилдир. Агар аёл киши тушида ҳомиладор эканини сўнг ўлиб қолганини, одамлар унга йиғлашаётганини кўрса, ўғил туғилишига далилдир. Исмоил Апгьас (р.а.)нинг айтишича, тушида ўлик яна бир марта ўлганини, ўликка бақириб йиғлашмаётганини, балки оҳиста йиғизори бўлаётганини кўрса, ўша оиладан бир аёлга уйланишига ва шоду хуррамлик бўлишига далилдир. Агар тушида ўлса, аёллар ва эркаклар додлашиб йиғлаётганини кўрса, оиласига ғам ва андуҳ етишига далилдир. Агар аёл киши ўзининг ўлганини, ювишганини ва тобутга солишганини кўрса, яхши сўзлар айтишига далилдир. Агар уни дафн қилишганини кўрса, ёмон бўлади.
Tush.UZ - Tushlar tabiri