CHO‘MILISH VA YUVINISH (G‘USL KARDAN) Ibn Sirin (r.a.)ning aytishicha, tushida daryo ichida cho‘milayotganini ko‘rsa, g‘am va anduhi kamayishiga dalildir. Agar bemor bo‘lsa, shifo topadi, qarzdor bo‘lsa, qarzidan uziladi, xavfda bo‘lsa, omon bo‘ladi, mahbus bo‘lsa, ozod bo‘ladi. Agar tushida suv bilan cho‘milayotganini, so‘ng yuzi va qo‘lini yuvganini ko‘rsa, xayru manfaat topishiga dalildir. Agar qo‘lini suv va ishqor bilan yuvganini ko‘rsa, agar do‘sti bo‘lsa, u bilan ajrab ketishiga dalildir. Agar jinsiy aloqadan so‘ng yuvinayotganini ko‘rsa, mashg‘uloti oxiriga yetishiga dalildir. Mag‘ribiy (r.a.)ning aytishicha, tushida jinsiy munosabatdan so‘ng yuvinish yolg‘ondan pok bo‘lishni bildiradi. Jinsiy munosabatdan so‘nggi yuvinish yoki cho‘milishdagi har qanday nuqson yoki ortiqchalik dindagi yolg‘onchilikka dalildir.
ЧЎМИЛИШ ВА ЮВИНИШ (ҒУСЛ КАРДАН) Ибн Сирин (р.а.)нинг айтишича, тушида дарё ичида чўмилаётганини кўрса, ғам ва андуҳи камайишига далилдир. Агар бемор бўлса, шифо топади, қарздор бўлса, қарзидан узилади, хавфда бўлса, омон бўлади, маҳбус бўлса, озод бўлади. Агар тушида сув билан чўмилаётганини, сўнг юзи ва қўлини ювганини кўрса, хайру манфаат топишига далилдир. Агар қўлини сув ва ишқор билан ювганини кўрса, агар дўсти бўлса, у билан ажраб кетишига далилдир. Агар жинсий алоқадан сўнг ювинаётганини кўрса, машғулоти охирига етишига далилдир. Мағрибий (р.а.)нинг айтишича, тушида жинсий муносабатдан сўнг ювиниш ёлғондан пок бўлишни билдиради. Жинсий муносабатдан сўнгги ювиниш ёки чўмилишдаги ҳар қандай нуқсон ёки ортиқчалик диндаги ёлғончиликка далилдир.
Tush.UZ - Tushlar tabiri