EKIN EKISH, ZIROAT (KISHTU ZAR’) Ibn Sirin (r.a.)ning aytishicha, tushdagi ekin ekish va ziroat Alloh ta’ologa tavakkul qilishni, halol rizq payida bo‘lishni bildiradi hamda fozil va yaxshilikni ko‘zlovchi kishini ham bildiradi. Tushida ekin ekish uchun yerni ag‘darganini ko‘rsa, xayriya va sadaqa qilishiga dalildir. Ta’bir san’ati ustodlarining aytishlaricha, tushida ziroatchilik bilan igug‘ullanayotganlarini ko‘rsa, bemor bo‘lishiga dalildir. Kirmoniy (r.a.)ning aytishicha, tushida yerni ag‘darib, don sepganini, so‘ng qayta terib olganini ko‘rsa, ulug‘lik, izzat va ne’mat topishiga dalildir. Tushida ekin ekkanini va undan chiqqan hosildan yeganini ko‘rsa, aytilgandan ham yaxshiroq bo‘ladi. Agar ekin ekkanini, biroq hech narsa hosil bo‘lmaganini, endi nima qilish kerakligini bilmayotgan bo‘lsa, g‘amu anduhga dalil bo‘ladi. Agar tushida bug‘doy ekkanini ko‘rsa, podshohdan yaxshilik yetishiga dalildir. Agar arpa ekkanini ko‘rsa, ko‘p mol hosil qilishiga dalildir. Agar tariq ekkanini ko‘rsa, ozroq mol hosil qilishiga dalildir. Doniyol (a.s.)ning aytishlaricha, tushida o‘z yerida urug‘ sepganini ko‘rsa, xotin olishi va ishlari yaxshi bo‘lishiga dalildir. Agar bir savdogar odam o‘z yerini ekilmagan holda ko‘rsa, ziyon ko‘rishiga yoki birov bilan dushmanlashuviga dalildir. Agar tushida notanish bir yerni ag‘darganini va o‘sha yerga urug‘ sepganini ko‘rsa, sadaqa va xayriya qilishiga rag‘batli ekaniga dalildir. O‘ziga qarashli yerda ekin borligini ko‘rsa, ne’mati farovon bo‘lishiga dalildir. Tushida o‘z yeriga bug‘doy yoki arpa yoxud daraxt ekkanini ko‘rsa, izzat va obro‘ topishiga dalil bo‘ladi. Ja’far Sodiq (r.a.)ning aytishicha, tushdagi ziroatchilik besh narsani bildiradi: halol rizq qidirishni; xayru manfaatni; bemorlikni; izzat va ulug‘likni; maishatni.
ЭКИН ЭКИШ, ЗИРОАТ (КИШТУ ЗАРЪ) Ибн Сирин (р.а.)нинг айтишича, тушдаги экин экиш ва зироат Аллоҳ таъолога таваккул қилишни, ҳалол ризқ пайида бўлишни билдиради ҳамда фозил ва яхшиликни кўзловчи кишини ҳам билдиради. Тушида экин экиш учун ерни ағдарганини кўрса, хайрия ва садақа қилишига далилдир. Таъбир санъати устодларининг айтишларича, тушида зироатчилик билан игуғулланаётганларини кўрса, бемор бўлишига далилдир. Кирмоний (р.а.)нинг айтишича, тушида ерни ағдариб, дон сепганини, сўнг қайта териб олганини кўрса, улуғлик, иззат ва неъмат топишига далилдир. Тушида экин экканини ва ундан чиққан ҳосилдан еганини кўрса, айтилгандан ҳам яхшироқ бўлади. Агар экин экканини, бироқ ҳеч нарса ҳосил бўлмаганини, энди нима қилиш кераклигини билмаётган бўлса, ғаму андуҳга далил бўлади. Агар тушида буғдой экканини кўрса, подшоҳдан яхшилик етишига далилдир. Агар арпа экканини кўрса, кўп мол ҳосил қилишига далилдир. Агар тариқ экканини кўрса, озроқ мол ҳосил қилишига далилдир. Дониёл (а.с.)нинг айтишларича, тушида ўз ерида уруғ сепганини кўрса, хотин олиши ва ишлари яхши бўлишига далилдир. Агар бир савдогар одам ўз ерини экилмаган ҳолда кўрса, зиён кўришига ёки биров билан душманлашувига далилдир. Агар тушида нотаниш бир ерни ағдарганини ва ўша ерга уруғ сепганини кўрса, садақа ва хайрия қилишига рағбатли эканига далилдир. Ўзига қарашли ерда экин борлигини кўрса, неъмати фаровон бўлишига далилдир. Тушида ўз ерига буғдой ёки арпа ёхуд дарахт экканини кўрса, иззат ва обрў топишига далил бўлади. Жаъфар Содиқ (р.а.)нинг айтишича, тушдаги зироатчилик беш нарсани билдиради: ҳалол ризқ қидиришни; хайру манфаатни; беморликни; иззат ва улуғликни; маишатни.
Tush.UZ - Tushlar tabiri