Latifalar

Talabalar yotoqxonasidagi suhbatdan:
— Xonadoshimni go'shtga yuborgan edim, chorrahadan o'tayotib, mashina turtib ketibdi. Kasalxonada emish.
— Voy o'lmasam! Sen nima qilding?
— Nima qilardim? Och o'tirmayman-ku! Tuxum qovurib edim.

— Egizaklar sizni qiynab yuborishsa kerak-a egachi? Ikkalasi birdaniga shovqin solsa...
— Yo'q. Biri shovqin solsa, ikkinchisi eshitmaydi...

Google da so'zlarni tarjima qilib o'tirgandim, “Qaynona” deb yozsam, “Ilon” deb tarjima qilib berdi.
Internetga ham ishonch qolmabdi!

Qari ayol Amerikaga boribdi. Bir kuni avtobusga chiqsa, yosh yigit joy beribdi. Qari ayol yoshligida nemis tilini o'rgangan ekan. Thank you deyish o'rniga, Danke deb yuboribdi.
Donkey nemischada rahmat degani. Inglizchada esa eshak degani.

Bolalar bog'chasi:
— Bog'cha opa, o'rtog'imga ayting, “Viz-z-z” etib u yoqdan bu yoqqa yuguravermasin... – debdi bolakay.
Bog'cha opasi:
— Axir u mashina-mashina o'ynayapti-ku! Nima, senga uni “Viz-z-z” degani yoqmayaptimi? – desa, bolakay:
— Yo'q, gazi yoqmayapti, - dermish.

Agar biror ayol kimsasiz orolga tushib qolsa-yu yonida sumkasi ham bo'lsa, ishonavering u yashab keta oladi!

O'zbekona topishmoq:
Qaysi odam uyidan nima olib ketayotganini aniq biladiyu, nima olib kelayotganini aniq bilmaydi?
Javob: Biror bir yig'inga tog'ora ko'tarib ketayotgan o'zbek ayoli. Ketayotganida ichida nima borligini aniq biladi, qaytayotganda tog'orasi ichida nima borligini aniq aytolmaydi.

Lo'li yigit mashina haydash bo'yicha imtihon topshirmoqda.
Imtihon olayotgan GAI xodimi:
— Hozirgina qanday belgi o'tib ketdi? – desa, lo'li yigit:
— Misdan yasalgan ekan, ko'rdim... – dermish.

Qo'mondon Alparslon yigirma etti ming kishilik askari bilan Vizantiya tuproqlarida olg'a 6orar ekan. Razvedkaga yuborgan zobitlaridan biri ko'zlari ola-kula bo'lib kelib qoldi.
— Sultonim, — dedi u hansirab, — Uch yuz ming kishilik dushman askari bizga yaqinlashib kelmoqda.
Sulton Alparslon hech dimog'ini buzmay javob berdi:
— Biz esa ularga yaqinlashib bormoqdamiz.

Bir millioner yigitlarni chaqirib debdi:
— Orangizdan kimda-kim shu hovuzga sho'ng'ib, narigi tarafdan sog'-omon chiqsa, unga yarim boyligim va go'zal qizimni beraman. Faqat aytib qo'yay, hovuz timsohlarga to'la!
Shu payt bir yigit hovuzga tushib, narigi tarafidan chiqibdi.
Millioner kishi unga:
— Avval boyligimni ko'rsataymi yoki qizimnimi? – desa, yigit unga:
— Oldin meni suvga itarib yuborgan ablahni ko'rsating, - dermish.

<< < 848 849 850 851 852 853 > >>

Tavsiya qilamiz

Bosh sahifa