Latifalar

Bir kuni afandi yangi lagan sotib olib, uyiga ketayotib yo'lda o'ylab qolibdi: “Hozir bu laganni uyga olib borsam, bolalarim erga tushirib sindirishadi. Keyin uni tuzatishga yana olib kelaman” debdi-da, laganni shartta erga tashlab, sindirib, kulolga olib borib elimlatib, keyin uyiga olib ketgan ekan.

Nazarboev Tokaevga rulsiz mashina sovg'a qildi.
Tokaev:
— Nursulton Abishevich, kechirasiz. Lekin men uni qanday boshqaraman?
— Sen muhimi gazni bos! Boshqarishni esa menga qo'yib ber.

— Bolajonlar, kim o'zini ahmoq, landovur, dangasa deb o'ylasa o'rnidan tursin! – debdi. Sinfda ancha vaqt jimlikdan so'ng bir bola o'rnidan turganmish.
O'qituvchi:
— Ho'sh, sen o'zingni ahmoq, landovur, dangasa deb o'ylaysanmi? – desa, bola:
— Yo'q ustoz! Bir o'zingiz turganingizga hijolat bo'ldim. Sizga dalda berish uchun turdim! – dermish.

Buvi nabirasiga bir quti saqich olib beribdi. 10 daqiqadan keyin buvi nabirasiga:
— Menga ham saqich ber, - desa nabira:
— Qolmadi, - debdi.
— Hammasini birdaniga eb yubordingmi?, - desa, nabira:
— Yo'q, bitta-bitta edim, - dermish.

Bir yigit sevgan qiziga sovg'a olgani do'konga borib, chiroyli qo'lqop sotib olibdi.
Sotuvchi qutiga qo'lpoqni o'rniga adashib ayollarning tungi ko'ylagini solib beribdi.
Yigit bir varroq qog'ozga ushbu so'zlarni yozib, qutini sevgan qizining uy manziliga jo'natib yuboribdi.
“Sevgilim! Sizga nima sovg'a berishni uzoq o'yladim. Vanihoyat, eng yaxshi sovg'a shu bo'lsa kerak degan umidda oldim. Uni do'kondagi siz tengi bir qizga kiydirib ko'rib, oldim. Bu sovg'amni kiyish va echish juda oson ekan, o'zim ko'rdim...”

Ikki do'st suhbatlashib o'tirib so'rabdi:
— Nega qizlar kitob o'qishdan ko'ra, ko'zgu oldida ko'p vaqtini o'tkazishadi?
— Chunki ahmoq yigitlar, ko'zi yomon ko'radigan yigitlardan ko'ra ko'proq uchraydi.

Okulist qabulida.
— Qarang-chi bemor, men qaysi harfni ko'rsatyapman?
Bemor:
— Qaerdasiz o'zi?

Yaxshi ko'rgan qizim bilan do'konga kirib narsa xarid qildim-da o'zimni ko'rsatib qo'ymoqchi bo'lib, sotuvchiga:
— Qaytimi kerak emas! - desam, sotuvchi:
— Pulingiz kam chiqdi, to'xtang! – deb qolsa bo'ladimi…!

Urush yillari ekan. Ikki askarimizni nemislar ushlab olib, qiynamoqchi bo'lishibdi.
Nemislar birinchi askarni ichkariga olib kirib so'rashibdi:
— Elektr stulda qiynaylikmi yoki urib qiynaylikmi? – deyishsa, askar:
— Stulga o'tiraqolay. Urganingizga chiday olmayman, - debdi.
Nemislar askarimizni stulga o'tqazishsa, bir payt tok o'chib qolibdi.
— Omading bor ekan. Mayli, bor ketaver! Keyingisini olib kiringlar! - deyishibdi.
Askar tashqariga chiqib, sherigiga shosha-pisha: “Tok yo'q, tok yo'q” deyishga ulguribdi.
Nemislar ikkinchi askarni olib kirib, “Elektr stulga o'tirasanmi yoki kaltak eysanmi?” deyishsa, sodda askar “Tok yo'q-ku!” – degan ekan.

Ayol kishi uchun 40 yosh - juda boshqacha yosh-da...
Bir dugonang buvijon bo'lsa, yana boshqasi dekretga chiqqan bo'ladi...

<< < 849 850 851 852 853 >

Tavsiya qilamiz

Bosh sahifa