Latifalar

— Hozirgi yoshlar juda g‘alati kiyinishadi-da! Masalan, mana bu qiz...
— Bu meni o‘g‘lim!
— Iye, uzr. Siz uni otasi ekaningizni bilmabman.
— Men onasi bo‘laman!

Yarim tunda telefon qo‘ng‘irog‘i jiringlabdi:
— Allo, mabodo uyingiz yonidan qo‘ylar podasi o‘tib ketmadimi?
— Nima, sen orqada qolib ketdingmi?!

— Nega uni qo‘yib yubording?
— U meni tashlab ketmaydi. Vafodorligini sinab ko‘rmoqchi edim.
— Tentak, kim qopag‘on itni bo‘yinbog‘isiz qo‘yib yuboradi?!

Ikkita ulfat gaplashib o‘tirishibdi.
— Qayerdan kelyapsan?
— Ey do‘stim. Kecha kechqurun kafeda bir ayol bilan tanishib qoldim. U meni uyiga taklif qildi. Endi uyiga kirib tursam, eri kelib qoldi. Ayol meni qo‘limga dazmol berib, kiyimlarni dazmol qilishimni aytdi. Eri kirgach, u meni mardikor ekanimni, kirlarni dazmollashga kelganimni aytdi.
— Ha, Liza aqlli ayol!
— Siz uni qayerdan taniysiz?
— Siz dazmol qilgan kirlarni, o‘tgan kuni men yuvgandim.

Bir kishi tilla baliq tutib olibdi.
— Tila tilagingni, - debdi baliq.
— Toshkentdan Chimyonga bir zumda olib chiqadigan yo‘l qurib ber, - debdi haligi odam.
Baliq:
— Boshqa osonroq narsa so‘ragin! - desa, boyagi kishi:
— Xotinimni hecham tushunmayman. Har kuni kayfiyati har xil. Shu xotinimni tushunadigan qilib qo‘ygin, - desa, baliq:
— Chimyonga boradigan yo‘lni qachonga bitkazib beray? - dermish.

— U tirikligida ham, hozir ham bizlarga iliqlik bahsh etib turadi, - deb, Buratinodan qolgan o‘tinlarni olovga tashladi Malvina...

O‘g‘li matematika fanidan "2" baho olib kelibdi.
Ota:
— Nega "2" olding?
O‘g‘il:
— Ustozim 2+3 nechi bo‘ladi dedilar. Men 5 dedim.
Ota:
— Xo‘sh?
O‘g‘il:
— 3+2 nechi deb yana so‘radilar.
Ota:
— Tentak. Ahmoq. Esing joyidami? Ikkalasi ham bir xil-ku!
O‘g‘il:
— Men ham unga huddi shu so‘zlarni aytdim-da!

Rus tili darsida:
— Segodnya kakaya pogoda?
— Sovuq Mariya Petrovna, maylimi derazalarni yopsak?
— Po russkiy, pojaluysta!
— Ahmoq, tentak, maylimi okna zakrыt?

Dallolga qo‘ng‘iroq bo‘libdi:
— Allo, siz dalahovli sotish bilan shug‘ullanasizmi?
— Ha.
— Nega haroba bo‘lib ketgan dalahovlini qimmat narxda, ro‘parasidagi dang‘illama dalahovlini arzon pulga sotyapsiz?
— Haroba dalahovlidan chiroyli, ikki qavatli, dang‘illama dalahovlini tomosha qilsa bo‘ladi. Dang‘illama dalahovlidan-chi, harob bo‘lgan joy ko‘rinib turadi-ku...?!

— Yigirma yildan beri Chorvoqni yonida yashaysan. Nega shu vaqtgacha suzishni bilmaysan-a?
— Sen o‘zing, aeroportni yonida yashaysan, haligacha uchishni o‘rganib olmading-ku...?!

Oddiy askar rota komandiriga shikoyat qilibdi:
— O‘rtoq komandir, meni boshqa qismga o‘tkazinshingizni surayman.
— Nima uchun? Biror sabab bormi?
— Bu qismda askarlar har kuni to‘y-to‘y o‘ynashadi. Meni qo‘limga etikni berib, to‘yni videoga oldirishadi.
— Yaxshimasmi? Har kuni to‘y ko‘rasan...
— Yaxshilikka yaxshi, lekin ertasiga to‘yni diskini so‘rashadi-da...

Qiz:
— Meni sevasizmi?
Yigit:
— Albatta, azizam!
Qiz:
— Menga uylanasizmi?
Yigit:
— Yo‘g‘eye! Mening sevgim abadiy!

Bir haydovchi avtomobilida katta tezlikda ketayotsa, yo‘l chetida:
"Tezlikni 50km/s ga pasaytir!" degan yozuvni ko‘rib qolibdi. Darhol pasaytirib, biroz yurgach, yana yozuv chiqibdi:
"Tezlikni 20 km/s ga tushir!" Biroz yurgach, yana "10 km/s tezlikda hayda!". 10km/s tezlikda bir soat yurgan haydovchi, oxirgi yozuvga ko‘zi tushibdi:
"Toshbaqa" nomli bog‘imizga xush kelibsiz!"

Maktab yonidan o‘tuvchi mashina yo‘li chekkasidagi yozuv:
"Ehtiyot bo‘ling! Bolalar! Urib yubormang!"
Ushbu yozuv tagida bolakaylarning egri-bugri yozuvi qo‘shimcha qilingan:
"Biroz kuting! O‘qituvchimiz chiqadilar!"

Xotin ishdan qaytgan erini yoniga kelib:
— Oylik oldingizmi? Bermaysizmi? - desa, eri:
— Bugunmas! Bugun charchadim, - dermish.

Ona o‘g‘lini tishini oldirib, stomatolog xonasidan chiqaverishda bolasiga:
— Vrachga nima deyish kerak o‘g‘lim? - desa, bolakay:
— Qonxo‘r ablah! - debdi.

Bir erkak do‘stiga:
— Xotinimga yana bir marotaba xiyonat qilsam, o‘zini o‘ldirishini aytdi.
Do‘sti:
— Endi xiyonat qilmayapsanmi?
— Endi bu hakda unga sezdirmayapman. Hozirgacha uni yetti marotaba o‘limdan saqlab qoldim.

Bir yigit pivoxonaga kirib bir bokal pivo ichib:
— Qancha berishim kerak? - desa, barmen:
— Uch yuz, - debdi.
Haligi yigit cho‘ntagidan bir hovuch tanga chiqarib, uch yuzini sanab, rastani ustiga sochib tashlab, chiqib ketibdi.
Barmen hayron qolaveribdi. Ertasiga o‘sha yigit yana kelib bir bokal pivo ichib, debdi:
— Pivo haliyam uch yuzmi?
— Ha, uch yuz!
Yigit cho‘ntagiga qarab:
— Mayda yo‘q ekan. Mana besh yuz! Ikki yuz qaytimini ber! - deb bitta besh yuztalik beribdi. Barmen ham kechagi qasdini olmoqchi bo‘lib, ikki yuz tiyinni polga sochib:
— Ana qaytimi, terib ol! - debdi.
Yigit bir barmenga, bir polda sochilib yotgan tiyinlarga qarab, cho‘ntagidan yuz so‘mlik tiyin chiqarib, rastani ustiga sochib tashlabdi-da:
— Menga yana bir bokal pivo, - dermish.

— Sevgi bo‘lmagan gap!
— Sevgi bor! Ana Malohatxon misol. Haqiqiy sevishni undan o‘rganish kerak.
— Esingni yeganmisan? Axir u to‘rt marta turmushga chiqdi. Sevishni kelib kelib undan o‘rganish kerakmi?! Tavba!
— To‘rt martta erga tekkan bo‘lsa ham, o‘ynashi hamon o‘sha bitta odam!

Er-xotin aylangani chiqishsa, yo‘lda tilanchi o‘tirganmish. Er tilanchiga sadaqa berib, undan so‘rabdi:
— Chekasizmi?
— Yo‘q.
— Ichasizmi?
— Yo‘q ichmiman.
— Jazmaningiz-chi bormi?
— Yo‘q, - desa, haligi er xotiniga qarab:
— Ko‘rdingmi, ichmagan, chekmagan erkakni ahvoli nima bo‘ladi?! - dermish.

<< < 93 94 95 96 97 98 99 > >>

Jami 2090 ta latifa mavjud

Tavsiya qilamiz

Bosh sahifa