Latifalar

Bir kuni afandi manti yegisi kelib, oshxonadan manti xarid qilib, endi yemoqchi bo‘lib tishlagan ekan, issiq manti lablarini kuydiribdi. Mantini olib devorga otibdi va so‘ka boshlabdi:
— La’nati, labimni kuydirding, - debdi. Manti tugilgan joyidan ochilib ketibdi. Afandi darg‘azab bo‘lib:
— Labimni kuydirib, yana kuladi bu! - desa, mantini yog‘i oqibdi. Afandi:
— So‘ksam yig‘laydi yana, - dermish.

Samolyotda uzoq yo‘lga chiqqan yo‘lovchilar orasida bitta gapdon kishi uchrab qolibdi.
Hamma jim ketayotsa, har bitta yo‘lovchiga savol berib gapira boshlabdi:
— Siz qayerlarda bo‘lgansiz?
— Amerikada.
— Men ham u yerda bo‘lganman. Ajoyib yurt...
— Siz qayerda bo‘lgansiz?
— Gavay orollarida.
Shunda haligi kishi yana maqtanib ketibdi:
— Ha men Gavay orollarida dam olganman, - deb rosa maqtanibdi.
Qarasa uchinchi yo‘lovchi tomonga burilib, endi gapira boshlagan ekan, u odam ham jahli chiqib:
— Men onamni qornida bo‘lganman faqat, - desa, gapdon odam:
— O, men ham u yerda 9 oy bo‘lganman, - dermish.

Do‘konda:
— Salom, bir kilo sut bering.
— Kesib beraylikmi yo qog‘ozga o‘rabmi?

Ikkita qashshoq daydi ahlatxonada o‘tirishibdi.Biri:
— Eshitdingmi? Mamlakatda krizis boshlanibdi.
— Yo‘q eshitmadim. Krizis o‘zi nima u?
— Krizis bu... masalan seni boy odamlardan tanishing bormi?
— Yo‘q!
— Endi bo‘ladi!

— Salom, mening ismim G‘ulom. Men alkogolikman. Men aroq ichaman.
— Salom, men Sherzodman. Men ham alkogolikman. Men asosan viski ichaman.
— Salom, men Hamid bo‘laman. Men barmenman. Buyurtmani qabul qildim.

Militsiyaga ishga kirmoqchi bo‘lgan bola, hamma komissiyadan o‘tib, oxiri boshliqni suhbatiga kiribdi.
Boshliq:
— Xo‘sh, mana komissiyadan yaxshi o‘tibsan. Qani ayt-chi, Kumushga kim zahar berib o‘ldirgan?
— Bilmayman o‘rtoq boshliq.
— Nyutonni boshiga tepadan nima tushgan?
— Uni ham bilmayman...
— Senga bir hafta muhlat. Aniqlab kelasan, - debdi.
Yigit uyiga kelsa, adasi so‘rabdi:
— Ha o‘g‘lim, ishga olishdimi? - desa, o‘g‘li:
— Ha ada olishdi. Birinchi ish kunimni o‘zidayoq ikkita jinoiy ish ham berishdi, - dermish.

Ona o‘g‘lidan so‘radi:
— O‘g‘lim qarachi dadang kelyaptimi?
— Ha, kelyaptilar.
— Dadang yo‘lni qaysi chetida kelyaptilar?
— Ikkala chetida ham onajon!
— ... yana ichibdi...!

Duduq odam militsiyaga qo‘ng‘iroq qilibdi:
— M-m-militsiyami?
— Ha!
— B-b-bu yerda m-m-murda yotibdi.
— Manzilni ayting!
— Q-q-q...
Telefon suhbati uzilib qolibdi. Bir soniyadan so‘ng yana telefon jiringlab:
— Allo, tezroq manzilni ayting!
— Q-q-q...
Yana telefon uziladi... Takror jiringlaydi.
— Allo?!
— Q-q-q...
— Bo‘ldi, Murda Qora-qamishda ekan. O‘zimiz topib oldik!!!

Bir kun xotin eridan so‘rabdi:
— Dadasi nega uxlamadiz? - desa, eri:
— Odnodaman, - debdi. Shunda xotin:
— Unda meni yangi rasmimga klass bosib yuboring! - dermish.

— Xotinjon! Men bugun maosh oldim! Yur senga 8—Mart bayramiga qimmatbaho ko‘ylak bilan brilliant ko‘zli uzuk sotib olamiz!
— Voy, dadasi-yey, menga bunday matohlar kerak emas. Undan ko‘ra shu pullarni olib
o‘rtoqlaringiz bilan toqqa borib dam olib keling!
— Hurmatli radiotinglovchilar, sizlar "Ideal er va ideal xotin" ertagini tingladingiz.

Qadrli ayollar! Agar siz 6 mart kuni sovg‘a olsangiz demak siz u erkakning — xushtorisiz… Agar 7 martda sovg‘a olsangiz — siz uning xamkasbisiz… Agar 8 martda sovg‘a olsangiz — siz uning sevimli ayolisiz… Agar umuman sovg‘a olmasangiz — siz uning xotinisiz!!!

Avtobusga to‘lachadan kelgan ayol chiqibdi. Hammani turtib-surtib o‘tib ketayotsa, bir ozg‘ingina juvon ming‘irlabdi:
— Sal kamroq ovqat yesangiz, shunaqa semirib ketmaysiz!
To‘ladan kelgan ayol o‘girilib:
— Sen ham ichingdagi gijjalaringni tozalasang, qiltirab yurmasdan semirarding, - degan ekan.

Telegramda:
— U mendan mashinangiz bormi? - deb so‘radi. Men esa:
— Ha albatta, - dedim. Shundan so‘ng u:
— Rostanmi? - dedi.
— Ha, faqat u menga emas, onamga tegishli. Agar menga turmushga chiqsang, u seniki bo‘ladi, - dedim.
U xursand bo‘ldi. Keyin mendan mashinani rasmini jo‘natishimni so‘radi. Men vannaga kirib kir yuvadigan mashinani rasmga olib jo‘natdim. 2 daqiqadan keyin qarasam, u meni bloklab qo‘yibdi. Balki, unga tikuv mashinasi bor yigitlar yoqar???

Bir odam advokatga kelib, maslahat so‘rabdi:
— Do‘stim mendan 500 ming qarz olgan. Lekin hecham tan olmayapti. Nima qilsam bo‘ladi?
Advokat:
— Siz do‘stingizni yoniga boring-da, 1 million qarz ekanini unga ayting!
— Axir u 1 million emas, 500 ming qarz ekanini aytib to‘palon qiladi-ku?!
— Ana shu gapi sizga isbot bo‘ladi!

Yosh kuyovni xotini ko‘zi yorish arafasida. Kuyov kelinni mashinada tug‘ruqxonaga olib ketmoqda. Yo‘llaridan qora mushuk o‘tib ketsa xotini:
— Voy dadasi, endi men qop-qora bola tug‘aman, shunaqa irim bor, - debdi. Ovsar kuyov uyiga kelib onasiga:
— Oyi shu rostmi? Yo‘limizdan qora mushuk o‘tgandi. Xotinim endi qora bola tug‘adimi? – desa. Buni kuzatib turgan dadasi:
— Xotin, sen tug‘ruqxonaga ketayotganingda oldingdan eshak o‘tmaganmidi? – dermish.

Chol yoshlikni eslaylik deb, kampirini sevishganlar bog‘iga olib boribdi. Gaplashib turishsa, bog‘ qorovuli xizmatchisi kelib:
— Jarima to‘laysiz! Ahloqsizlik uchun! - debdi.
Shunda chol:
— Uzr bolam, birinchi marta kechira qol, - debdi.
Haligi qorovul o‘ylanib turib:
— Mayli sizni kechiraman! Ammo, manavi kampirni avval ham ko‘p martta ogohlantirganman, - debdi.

Mebel magaziniga bir xaridor kelib, sotuvchiga kecha sizlardan olib ketgan stulni oyoqlari sindi, - desa, sotuvchi:
— Stulni ustiga birov o‘tirgandur-da?! - dermish.

Bir-birini "ko‘ra olmaydigan" ikkita dugona uchrashib qolibdi:
— Voy dugonajon, buncha semirib ketding?!
— Iye, bu hali ozganim-ku! Bir oy avval ko‘rganingda edi, huddi sendek semiz edim...

Telefon suhbatining "Oltin qoidasi":
"Go‘shakni joyiga qo‘yganingga ishonch xosil qilgach, g‘iybatni boshla!"

Asabga ko‘p tegadigan uchta savol:
1. To‘ying qachon?
2. Diploming bo‘yicha ishlayapsanmi?
3. Keling, kiyim tanlashga yordam beraymi?! (do‘konda)

<< < 96 97 98 99 100 101 102 > >>

Jami 2090 ta latifa mavjud

Tavsiya qilamiz

Bosh sahifa