Latifalar

Bryus Li O'zbekistonga kelib, Yunusoboddagi Stroy Mir ni aylanib yursa, qurilish asboblari do'konida lomni ko'rib qolibdi. Bryus Li o'zini ko'rsatib qo'ymoqchi bo'lib, sotuvchi cholga qarab turib, lomni qo'li bilan qayirib tashlabdi-da, joyiga qo'yibdi. Jahli chiqqan chol:
— Olmasang nima qilasan tegib, - debdi-da, lomni yana tekislab qo'ygan ekan.

Bir kuni afandi xonaga kirib o'tirib olib, stullarni sanabdi.
Sanasa, 7 ta chiqibdi. Qaytib yana xonaga kirib sanasa, 8 ta emish. Ko'ziga ishonmasdan, hovlini aylanib kelibdi-da, xonaga kirib yana o'tirib olib, sanasa, 7 ta stul chiqibdi. Shunda xursand bo'lib, "hammasi joyida ekan", deb o'tirgan stulidan turib chiqib ketibdi.

Bir ayol taksi to'xtatib:
— Tug'ruqxonaga! Faqat sal tezroq...- debdi.
Vahimaga tushgan haydovchi mashinani shunaqangi uchrib ketibdi-ki, svetoforlarga umuman qaramasmush...
Orqa o'rindiqda o'tirgan ayol baqira boshlabdi:
— Nimalar qilyapsiz? Sekinroq haydang! Tug'ruqxonaga ishlash uchun ketyapman! Vrachman! Homilador emas!!!

Bir yigit kasalxonada boshdan-oyoq gips holatda yotgan emish. Yoniga bir do'sti uni ko'rgani keldi va undan so'radi:
— Ie, Alijon do'stim qanday qilib bu ahvolga tushib qolding?
Alijon:
— Bir mashina katta tezlikda kelib, qaynonamni urib yubordi.
Do'sti yana so'radi:
— Qaynonangni mashina urib ketgan bo'lsa, sen nega bu ahvolda yotibsan?
Alijon:
— O'sha mashinani g'ildiragini o'paman degandim... shu xolos.

Og'ir bemor:
— Doktor, yana qancha yashayman? - deb so'rabdi.
Doktor:
— Havotir olmang! Uzoq yillar yashaysiz, yaqinlaringiz xotirasida.

O'zbek, qozoq, rus va gruzin to'rt askar yigitlar poezdda xizmatdan qaytayotgan ekanlar.
Gruzin yigit:
— Men vatanim uchun pul to'la hamyonimni ayamayman, - deb, oynadan hamyonini tashlab yuboribdi.
Poezd Rossiyaga kelgach, rus yigit boshini derazadan chiqarib:
— Vatanim uchun men eng qimmat suvenirimni ayamayman, - deb harbiy xizmatdan olib kelayotgan esdalik sovg'asini tashlab yuboribdi.
Poezd Toshkentga kirib kelgach, o'zbek yigit:
— O'zbekistonim uchun hamyon, suvenir nima degan gap!? Hattoki, yaqin qardosh do'stimni ham ayamayman, - deb qozoqni oynadan tashlab yuborgan ekan.

— O'rtoq praporshik, samolyotdan sakragan vaqtim menga bergan mana bu parashyutingiz ochilmay qolsa-chi?
— Qaytarib olib kelasan, boshqasiga almashtirib beraman.

Ikki sevishgan hiyobondagi o'rindiqda osmonga qarab o'tirishibdi. Birdan yigit debdi:
— Voy qara! Yulduz uchdi! Niyat qil!
Qiz:
— Sizga turmushga chiqsam deyman...!
Yigit:
— Ie!!! Qaytib orqasiga ketdi-ku?!

Yakin kunlarda telegram gruppalarida:
Agar meni yoqtirsang, menga kulib turgan (odamcha) smaylik yubor!
Agar menga yoqishni istasang, menga yurakcha rasmini yubor!
Agar meni sevsang, hisobimga pul tashlab yubor!

Bir odam donishmandni yoniga kelib debdi:
— Nimaga kambag'al odamdan yordam so'rasang, qo'lidan kelgancha ko'mak beradi-yu, boy va mansabdordan yordam so'rasang yordam bermaydi.
Donishmand javob beribdi:
— Derazaga qara! Nimani ko'ryapsan?
— Ko'chani, odamlarni, ...
— Endi, ko'zguga qara!
— Ko'zguda o'zimni ko'ryapman faqat.
— Ana ko'rdingmi!? Oynaga ozgina kumush qo'shilgan edi, faqatgina o'zingni ko'rsatadigan bo'lib qoldi. Huddi shu kabi, insonlarga ozgina boylik berilsa, o'zidan boshqa hech kimni ko'rmaydigan bo'lib qoladi.

<< < 267 268 269 270 271 272 273 > >>

Tavsiya qilamiz

Bosh sahifa