Latifalar

Bir kuni o'zbek bilan rus suhbatlashib qolishibdi:
— Ayt-chi, 10ta 100 gramm qancha buladi? - so'rabdi o'zbek.
— 1 litr bo'ladi, - debdi rus.
— Ana ko'rdingmi!? Hammada 1 kilogramm bo'ladi. Faqatgina sizlarda 1 litr bo'ladi, - dermish o'zbek.

— Kecha okulistga borgandim.
— Xo'sh, nima dedi?
— Alifboni o'rganishim kerak ekan.

Xotin eriga dedi:
— Adasi, men qo'shninikiga chiqib ketyapman. 5 minutda qaytaman. Har yarim soatda qozonni kavlab turing, tagiga olib ketmasin...!

Tungi barlardan biriga it etaklagan kishi kirib hammaga debdi:
— Meni itim gapira oladi!
Hech kim ishonmabdi va shu erni o'zida bahs boshlanib, garovga pul tikilibdi.
Haligi kishini iti hech narsa gapirmabdi. Katta pulni boy bergan xo'jayini ko'chaga chiqib, itga baqira boshlabdi:
— Nega bila turib gapirmading? Axir shuncha pul yutqazib qo'ydim-ku!!!
Shu vaqt it tilga kirib:
— E, xo'jayin! Lekin ertaga biz qancha pul yutib olishimizni bilsangiz edi...!

— Doktor, menga ko'ngil aynitadigan dori yozib bersangiz...!
— Televizorni yoqing, aynib ketadi.

O'qituvchi bolalardan birma-bir oilaviy ahvoli to'g'risida so'ray boshlabdi.
— Qani sen, tur-chi! Dadang nima ish qiladi?
— Dadam soliqda ishlaydi.
— Oilaviy ahvolingiz qanaqa?
— Hammasi zo'r!
Ikkinchi bolani turgizib so'radi:
— Sening-chi, dadang nima ish qiladi?
— Hokimiyatda ishlaydi.
— Sharoitinglar qanaqa?
— O-o, klass!!!
Bir bola parta ostiga kirib ketay deb o'tirganmish. O'qituvchi uni ko'rib:
— Sen nega berkinyapsan? Tur-chi!? Dadang nima ish qiladi?
— Dadam tadbirkor.
— Oilaviy sharoitlaringiz qanaqa?
— Anavi ikkalasini dadasi bo'lmaganida, biz ham zo'r yashardik.

Nimaga kuyovlarga 40 kilogramlik qopni ko'tarishda muammo bo'ladi-yu, 50 kilogramlik kelinni ko'tarish muammo emas?!

Muddatli harbiy xizmatga yangi chaqirilgan oddiy askar chodirli shaharcha yo'lagi bo'ylab ketar ekan, yonidan o'tayotgan generalga harbiycha salom bermay o'tib ketibdi. Hayron bo'lgan general askarni to'xtatibdi.
— Mening kimligimni bilasizmi, o'rtoq oddiy askar?!
— Hoy, yigitlar! — qichqiribdi yosh askar, chodirli shaharchaga qarab, — Bu yoqqa kelinglar, maza qilasizlar. Mana bu qariya o'zining kimligini esidan chiqarib qo'yibdi.

Bir insonni buxanka non o'g'irlaganlikda ayblab, 1oyga qamashibdi.
O'g'ri o'zicha fikrlab:
— Bitta nonga bir oy qamashdi. Endi bir oy tekinga non berishadi, - dermish.

Suratxonaga 7 ta boksyor kirib kelibdi va suratchiga deyishibdi:
— Bizlarni 3 ga 4 suratga olib qo'ysangiz. Har birimizga 2 donadan chiqarib berasiz.
Suratchi rozi bo'libdi. Suratga tushirish uchun chiroqlarni yoqib, fotokamerasini sozlab tursa, 7 ta bokschilarning 4 tasi bir taraf, 3 tasi bir taraf bo'lib olib, mushtlashishga shay turib olishganmush.
Vaziyatdan qo'rqib ketgan suratchi:
— Hoy-hoy, to'xtanglar! Nima qilyapsizlar?! - desa, bokschilar:
— Suratga olavering! Trenerimiz bizlarga "3 ga 4 suratingizni 2 donadan olib kelasizlar degan" dermush...

<< < 268 269 270 271 272 273 274 > >>

Tavsiya qilamiz

Bosh sahifa