Latifalar

Tiqilinch bozordagi do'konlardan biriga kirib, o'zimga pal'to tanlayotsam, sotuvchi birdaniga baqirib qoldi:
— Qani anavi ablah?! Hozirgina shu erda pal'tolarni olib kiyib ko'rayotgan edi. Qochib ketdimi???
— Shu erdaman! - dedim.
— Ha shu erdamidingiz? Tanimay qolibman sizni, - dedi sotuvchi.
Darhol egnimda turgan pal'toni sotib oldim. Men tanib bo'lmas darajada o'zgarib ketibman demak!!!

Bir bemor stomatologga kelsa, ichkaridan bittasi xursand chiqib ketayotganmush.
— Nega buncha xursandsiz? - desa, haligi odam tishini ushlab:
— Xudoga shukur, vrach yo'q ekan, - dermush.

18 yoshli qizlarga onasi yigitdan gap ochsa, qizlar: "Chiroylimi?" deb so'rashadi.
25 yoshga kirgan qizlarga gap ochishsa, "Yaxshi yigitmi?" degan savolni berishadi.
30 yoshga chiqganlarida esa "Yigit" deyishsa, "Qani? Qaerda?" deyisharkan.

Ofisda o'tirgan kotibaga boshliq ichkari xonadan baqiribdi:
— Dilya, qog'oz olib kiring, tez!
Shoshib qolgan kotiba:
— A4 danmi, A3 danmi?
Boshliq
— Elma dan olib kiring! Hojatxonadaman!

Mast holda uyga kelgan erini ko'rib, xotinini jahli chiqibdi:
— Yana ichib keldingizmi? Ichgan joyingizga boring!
Er o'zida yo'q xursand, telefonini olib kimgadir qo'ng'iroq qilib debdi:
— Og'ayni shoshmay turinglar! Men ham boraman! Ruxsat oldim!

Xotin eridan so'rabdi:
— Oylik oldingizmi adasi?
Eri kesatishli ohangda:
— Bugunmas! Charchadim! - dermish.

Nikoh to'yida kuyov jo'ra so'zga chiqib debdi:
— Do'stim, sen uylanayotgan qizni men umuman bilmayman. Shuning uchun seni tabriklay olmayman...
Lekin men kuyov bolani juda yaxshi bilaman. Shuning uchun kelin bola afsus, sizni hecham tabriklay olmayman!

Bir yigit traktor parkiga ishga kirish uchun sinov-imtihon topshirayotgan ekan. Savollarga javob bera olmagach, direktorni jahli chiqib:
— Siz o'zi traktor minganmisiz? - desa, yigit:
— Ha, albatda minganman! - debdi.
— Qanaqa traktor mingansiz? - desa:
— Qizil traktor minganman, - debdi.

Bir kuni odamxӯrlar makoniga samolyot qulabdi. Shunda bir odamxӯr ӯg'li bilan samolyot ichidan odamlarni ola turib debdi:
— Bunisini ertalabga eymiz, bunisini esa tushlikka.
Shunda ӯg'li styuardessani topib olib:
— Dada, buni kechga eymizmi? - desa, otasi shunday qarab:
— Yӯq ӯg'lim, kechga onangni eymiz! - dermish.

Bir kuni taksida qo'rqoq, sarguzashtparast va ziqna odam ketayotishsa, birdan taksi yonidan boshqa mashina kelib urilibdi. Shu payt taksi mashinasi joyida aylana boshlabdi, haydovchi mashinani to'xtata olmay sarosimada...
Qo'rqoq:
— Voy-dod! To'xtang mashinani! - deb baqira boshlabdi.
Sarguzashtparast haydovchiga:
— Ie, shoshmay turing! Selfivideo qilib olay! - desa, ziqna:
— Taksini kilometr hisoblagichini o'chirmaysizmi!? - dermish.

<< < 287 288 289 290 291 292 293 > >>

Tavsiya qilamiz

Bosh sahifa