Latifalar

Bir kvartirada ikkita o'rtoq yashar ekan. Bir kuni do'sti hammomga kirib, birozdan so'ng sherigini chaqirayotmish.
— O'rtoq, shampun uzatvargin!
— Hammomda shampun ko'p edi-ku?!
— Hammasi "quruq sochlar uchun" ekan-da. Men esa sochimni ho'llab bo'ldim, - dermish.

Tunda sevishganlar uchrashib tursa, qizni otasini ovozi kelibdi. Yigit nima qilishini bilmay, yonidagi daraxtga chiqib olibdi.
Otasi yaqin kelib:
— Yarim tunda nima qilyapsan? - desa, qizi:
— Hech nima. Oymomoni tomosha qilyapman, - debdi.
Otasi:
— O'sha oymomoga ayt, darvoza yoniga kelsin. Velosipedi qolib ketibdi. Olib ketadi, - degan ekan.

— Oxirgi martta so'rayapman, qani meni pullarim???
— Xudoga shukr, boshqa bu savolni eshitmas ekanman!

Xotin eridan:
— Adasi, ovqat qilib qo'ydingizmi? - deb so'rasa, eri:
— Nima, meni o'zingga o'xshatyapsanmi? Kirlarni ham yuvib qo'yganman! - dermish.

Dangasa, ishyoqmas o'g'liga otasi savol berdi:
— O'g'lim, katta bo'lsang kim bo'lasan?
— Qorbobo bo'laman dada, - javob beribdi o'g'li.
— Ie, nima uchun qorbobo? - ajablanib so'rabdi otasi.
O'g'il javob qaytaribdi:
— Agar qorbobo bo'lsam, bir yilda bir kungina ishlayman...

Shamsiddinni onasiga o'g'lining sinf rahbari qo'ng'iroq qildi:
— O'g'lingizni ustidan yana shikoyat tushdi. Uni qizlarga suyagi yo'q! Hadeb tegajoqlik qilaveradi.
Bolaning onasi:
— bu o'g'lim otasiga tortdi! Agar biror chorasini topsangiz, iltimos menga ham xabar qilsangiz!

Qizlar yashaydigan talabalar yotoqxonasida idish-tovoqlar ovqatdan keyin yuvilsa, yigitlar yashaydigan yotoqxonada idishlar ovqatdan oldin yuviladi.

O'quvchi darsga ikki xil tuflida kelibdi. Biri oq biri qora ekan. Uni ko'rgan o'qituvchisi:
— Bor uyingga, almashtirib kel! - desa, o'quvchi:
— Uyda ham huddi shunaqasi qolgan-da, - dermish.

Yangi ishga kirayotgan yigit suhbatdan o'tayotib korxona rahbarining «Uylanganmisan?», degan savoliga shunday javob berdi:
— Yo'q, men uylanmaganman. Ammo buyruqqa so'zsiz bo'ysunaman… Armiyada o'rgatishgan.

Geografiya darsida o'qituvchi Anvardan so'rabdi:
— Tur Anvar! Erni shakli qanaqa?
Anvar:
— Uchburchak, ustoz.
— O'tir ikki!!!
— Mayli ustoz, er dumaloq! Hali ko'ramiz...!

<< < 288 289 290 291 292 293 294 > >>

Tavsiya qilamiz

Bosh sahifa