Latifalar

Ikki dugona suhbatidan:
— E dugonajon, anchadan beri tobim yo'q. Juda mazam qochyapti. O'tib ketarmikan-a?
— Havotir olma, o'tib ketadi. O'tgan yili yon qo'shnim huddi shunaqa bo'lib yurgandi. Rahmatli, o'tib ketdi...

Hayvonot bog'i. Maymun turgan qafas yonida qizaloq oyisidan so'radi:
— Oyi, nega maymunlar yuzlarini bo'yab olishgan?
— Boshqa maymunlarni qo'rqitish uchun.
— Ie, unda siz dadamni qo'rqitish uchun bo'yanib olar ekansiz-da, a?
Yonida indamay ketayotgan dadasi javob berdi:
— Yo'q qizim. Onang ko'chadagi odamlarni qo'rqitib yubormaslik uchun bo'yanadi.

"O'pkasi yo'q" taksichi yo'lovchini olibdi-yu, mashinani 120km/s tezlikda hayday boshlabdi.
Qo'rqib ketgan yo'lovchi:
— Iltimos, sekinroq haydang, - deb qo'rqa boshlabdi.
Haydovchi bo'lsa:
— Qo'rqmang, meni farishtam bor. U meni asraydi, - debdi.
Yana ozgina yurgach:
— To'xtating, bo'ldi, shu erda tushib qolaman, - debdi yo'lovchi.
Taksichi mashinasida bir o'zi tezlikni yana oshirib, ketayotsa, orqa o'rindiqdan kimdir:
— To'xtating, men ham tushib qolaman, - debdi.
— Kimsan o'zi? - so'rabdi haydovchi.
— Seni farishtangman, - dermish boyagi ovoz.

Bolg'a bilan o'yinchoqlarini sindirib o'tirgan ikki yashar o'g'ilchasini ota koyidi:
— Bolam, nima qilyapsan?
— O'yinchoqlarimni sindirib, ko'paytiryapman.

— Uyat emasmi? Ko'rinishdan soppa-sog' bo'la turib sadaqa so'rayapsan. Ishlasang bo'lmaydimi?
— Men ishdan keyin so'rayapman.

— Enajon, yoshingiz 80 ga etibdi. Sizning hujjatlaringizni institutga qabul qila olmaymiz. Qarigan chog'ingizda nima uchun o'qishga kirmoqchisiz?
— Bolam, hamma gap cholimda. Cholim talaba qizlarni yaxshi ko'radi-da.

Bir mast kishi Chorsuda taksiga o'tirib haydovchiga:
— Meni Chorsuga olib borib qo'ying, - debdi.
Shunda taksist:
— Siz allaqachon Chorsudasiz desa, haligi mast chontagidan pulini chiqarib, yo'l haqqini ikki hissa to'lab haydovchiga:
— Ikkinchi bunaqa tez haydamang, - degan ekan.

Ayol:
— Bosib ko'rsam bu erim og'riyapti
Doktor:
— Bosmasangiz og'rimayaptimi?
Ayol:
— Yo'q
Doktor:
— Unda bosmang. Sizdan 30 ming so'm

Bir kuni homilador ayol mashinaga minibdi. Tushayotib "Qancha bo'ldi?" deb so'rasa:
— 6 ming, - debdi haydovchi.
— Nimaga? - desa haydovchi:
— Siz ikki kishisiz, - debdi.
6 ming berib ketayotgan ayol nariroqqa borib, "egizak ekanini bilmadi, yaxshiyam. Bo'lmasa 9 ming bo'lardi" dermish o'ziga-o'zi.

Kechgi ovqatga noxotsho'rak eganlarga maslahat.
Ertasi kuni ertalab uyg'ongandan so'ng, aslo chiroqni yoqmang! Portlash xavfi bor. Yaxshisi xonani shamollating.

<< < 292 293 294 295 296 297 298 > >>

Tavsiya qilamiz

Bosh sahifa